मुंबई : प्रसिद्ध अभिनेता फहद फासिल याला स्टंट करताना दुखापत झाली आहे. आगामी चित्रपटाच्या शूटिंगच्या वेळी सेटवर झालेल्या एका अपघातात फहदच्या नाकाला गंभीर दुखापत झाली आहे. एका स्टंट सीनसाठी उंचावरून उडी मारताना तोल गेल्यानं फहद खाली पडला होता.
फहद फासिल ‘मलयानकुंजू’ या मल्याळम चित्रपटाचं शूटिंग करत आहे. शूटिंगदरम्यान एका सीनमध्ये त्याला उंचावरून उडी मारायची होती. मात्र, हा स्टंट करत असताना तोल जाऊन फहद उंचावरून खाली पडला. या दुर्घटनेनंतर फहदला तात्काळ जवळच्या रुग्णालयात दाखल करण्यात आलं. त्याच्यावर उपचार सुरू असून त्याला डॉक्टरांनी पूर्ण विश्रांतीचा सल्ला दिला आहे.
