हरियाणा : हरियाणाचे माजी मुख्यमंत्री ओम प्रकाश चौटाला यांना शुक्रवारी बेहिशोबी मालमत्ता प्रकरणी चार वर्षांचा तुरुंगवास आणि 50 लाख रुपयांचा दंड ठोठावण्यात आला. चौटाला (87) यांना दिल्लीतील राऊस एव्हेन्यू न्यायालयाने गेल्या शनिवारी (21 मे) या प्रकरणात दोषी ठरवले होते.
तुरुंगवास आणि दंडाव्यतिरिक्त चौटाला यांच्या मालकीच्या चार मालमत्ता जप्त केल्या जातील, असे आदेशही न्यायालयाने दिले आहेत. इंडियन नॅशनल लोकदलचे सुप्रिमो ओम प्रकाश चौटाला यांच्या हेली रोड, पंचकुला, गुरुग्राम आणि असोला येथील मालमत्ता जप्त करण्यात येणार आहेत.
