पंजाब : दोन महिलांनी कुत्र्याला निर्दयी पद्धतीने एका स्कूटरच्या मागे बांधून फरफटत नेल्याची धक्कादायक घटना समोर आली आहे. या प्रकारानंतर गंभीर जखमी झालेल्या कुत्र्याचा दुर्दैवी मृत्यू झाला आहे. स्कूटर चालवणाऱ्या दोन महिलांविरोधात गुन्हा दाखल करण्यात आला आहे. पंजाबच्या पटियालामध्ये हा सगळा प्रकार घडला.
मिळालेल्या माहितीनुसार, पंजाबच्या पटियाला शहराच्या सेंच्युरी एनक्लेव्ह भागामध्ये २० जून रोजी दोन महिला स्कूटरवरून जात होत्या. प्रत्यक्षदर्शींनी सांगितले कि, “स्कूटरच्या मागे एका कुत्र्याला बांधलं होतं. मागे बसलेल्या महिलेने दोरी घट्ट पकडून ठेवली होती आणि या दोन महिला या कुत्र्याला अक्षरशः फरफटत घेऊन जात होत्या. हा प्रकार पाहिल्यानंतर आसपासच्या लोकांनी त्यांना अडवण्याचा प्रयत्न केला, पण या महिलांनी त्यांच्याकडे दुर्लक्ष केलं.”
दरम्यान, हा सगळा प्रकार केल्यानंतर या महिलांनी कुत्र्याला सोडून दिले. परंतु, तोपर्यंत हा कुत्रा गंभीररीत्या जखमी झाला होता. त्यानंतर एका एनजीओने या कुत्र्यावर तात्काळ उपचार सुरु केले, पण त्याचा उपयोग झाला नाही. या निर्दयी घटनेनंतर ४ दिवसांनी (२४ जून) या कुत्र्याचा मृत्यू झाला. हा प्रकार समोर आल्यानंतर संताप व्यक्त केला जात आहे.
पतियाला पोलिसांनी दिलेल्या माहितीनुसार, या दोन्ही महिलांविरोधात प्राणी क्रूरता प्रतिबंधक कायद्यान्वये गुन्हा दाखल करण्यात आला आहे. २० जून रोजी ही घटना घडल्यानंतर २४ जून रोजी कुत्र्याचा मृत्यू झाला. यानंतर संबंधित महिलांविरोधात गुन्हा दाखल करण्यात आला आहे. प्राणीमित्रांकडून या महिलांविरुद्ध कठोर कारवाई करण्याची मागणी होत आहे.
पत्नीने केला विचित्र हट्ट, नवऱ्याने प्रेम सिद्ध करायच्या नादात गमावले दोन्ही हात
एका व्यक्तीने पोलिसांकडे दोन भुतांविरुध्द केली तक्रार, पोलिसांनी तक्रार नोंदवून घेतली, कारण…
