उत्तर प्रदेश : माकडांच्या कळपाने 4 महिन्यांच्या बाळाची हत्या केल्याची धक्कादायक घटना समोर आली आहे. शनिवारी रात्री वडील आपल्या बाळाला घेऊन गच्चीवर फिरत होते. त्यावेळी, अचानक माकडांच्या कळपाने त्यांच्यावर हल्ला केला. माकडांनी वडिलांकडून बाळाला हिसकावले आणि तिसऱ्या मजल्यावरून खाली फेकले. या घटनेत बाळाचा जागीच मृत्यू झाला.
उत्तर प्रदेशातील बरेली येथील डंका गावात राहणारे शेतकरी निर्देश उपाध्याय हे शनिवारी रात्री आठच्या सुमारास त्यांचा मुलगा आणि पत्नी स्वातीसोबत टेरेसवर फिरत होते. यावेळी अचानक माकडांचा कळप टेरेसवर आला आणि माकडांनी त्यांच्यावर हल्ला केला. यादरम्यान स्वाती घाबरून खाली पळून गेल्या. त्याचवेळी काही माकडांनी निर्देश यांना घेराव घातला आणि त्यांच्याकडून बाळाला हिसकावून खाली फेकून दिले.
दरम्यान, या घटनेचा तपास करण्यासाठी पथक पाठवण्यात आले असून परिस्थितीचा आढावा घेतला जात आहे.