मुंबई : मुंबई क्रूझ ड्रग्ज प्रकरणी राष्ट्रवादीचे नेते नवाब मलिक आणि एनसीबीचे मुंबई झोनल डायरेक्टर समीर वानखेडे यांच्यातील वाद चिघळत चालला आहे. नवाब मलिक यांनी समीर वानखेडे यांचा जन्माचा दाखला शेअर केला होता. वानखेडे मुस्लिम असून बनावट जात प्रमाणपत्र बनवून सरकारी नोकरी मिळवल्याचा दावा मलिक यांनी केला होता.
आता मलिक यांनी मंगळवारी पत्रकार परिषद घेऊन हे आरोप खरे असल्याचे सांगितले आहे. त्यांनी जे काही प्रमाणपत्र दाखवले ते योग्य असल्याचे नवाब मलिक म्हणाले. ते खोटे वाटत असेल तर खरे प्रमाणपत्र दाखवावे, असेही ते म्हणाले. वानखेडे यांनी एका दलिताचे हक्क हिरावून घेतल्याचा आरोप मलिक यांनी केला आहे.
पत्रकार परिषदेला संबोधित करताना.#Livehttps://t.co/S4tITGXTdL
— Nawab Malik نواب ملک नवाब मलिक (@nawabmalikncp) October 26, 2021
