नवी दिल्ली : अनेक सरकारी आणि खासगी कामांमध्ये आधार कार्डची गरज असते. त्याचबरोबर अनेक महत्त्वाच्या कागदपत्रांसह आधार कार्ड लिंक करणे देखील बंधनकारक झाले आहे. त्यामुळे आधार कार्ड प्रत्येक व्यक्तीसाठी सर्वात महत्वाचा भाग बनला आहे. आधार ऑनलाइन सेवा मिळविण्यासाठी आधार कार्डधारकाला आपला मोबाईल क्रमांक UIDAI कडे नोंदवावा लागतो.
आधार कार्ड नोंदणी करतानाच आपला मोबाईल नंबर UIDAI कडे नोंदविला पाहिजे. जर आधार कार्डधारकाने नावनोंदणीच्या वेळी आपला मोबाईल क्रमांक नोंदविला नसेल किंवा कार्डधारकाला त्याचा नवीन मोबाइल नंबर आधार कार्डावर नोंदवायचा असेल तर कार्डधारकास स्थायी नोंदणी केंद्रात जावे लागते. अर्जदारास त्याच्या आधारमध्ये मोबाइल नंबर अद्ययावत करण्यासाठी किंवा नोंदणी करण्यासाठी कोणतीही कागदपत्रे सादर करण्याची आवश्यकता नाही.
आधार कार्डावर मोबाईल नंबर नोंदणी करण्याची प्रक्रिया :
- कार्डधारकाने प्रथम युनिक आयडेंटिफिकेशन ऑथॉरिटी ऑफ इंडिया (UIDAI) च्या वेबसाइट https://www.uidai.gov.in/ वर जा.
- येथे कार्डधारकास ‘माझा आधार’ टॅबवर जा आणि ‘लोकेट एंड एनरोलमेंट सेंटर’ वर क्लिक करावे लागेल. आता एक पृष्ठ उघडेल जिथे कार्ड धारकांना त्या संबंधित माहिती द्यावी लागेल, मग कार्ड धारकांना त्यांच्या जवळच्या नोंदणी केंद्राचा पत्ता मिळेल.
- आता कार्डधारकास नावनोंदणी केंद्रात जाऊन आधार दुरुस्ती फॉर्म भरावा लागेल.
- या फॉर्ममध्ये, कार्डधारकास त्याचा सक्रिय मोबाइल नंबर प्रविष्ट करावा लागेल, जो आधारमध्ये अपडेट करायचा आहे.
- आता कार्ड धारकाला हा फॉर्म सादर करावा लागेल आणि प्रमाणीकरणासाठी त्यांची बायोमेट्रिक्स द्यावी लागतील.
- आता कार्डधारकाला एक स्लिप मिळेल. या स्लिपमध्ये अपडेट विनंती क्रमांक (URN) दिलेला असेल.
- कार्डधारक आधार अपडेटचे स्टेटस जाणून घेण्यासाठी या URN चा वापर करू शकतात.
