Rise in the price of domestic gas cylinders once again
अर्थकारण देश

ब्रेकिंग! गॅस सिलिंडरच्या किमतीत मोठी वाढ, सर्वसामान्यांच्या खिशाला कात्री

नवी दिल्ली : घरगुती एलपीजी सिलिंडर आणि व्यावसायिक सिलिंडरच्या किमतीत मोठी वाढ झाली आहे. आठ महिन्यांनंतर घरगुती सिलिंडरचे दर 50 रुपयांनी महागले आहेत. 6 जुलै 2022 पासून घरगुती एलपीजी सिलिंडरच्या किमती स्थिर होत्या. तर व्यावसायिक सिलिंडरच्या ग्राहकांना मोठा फटका बसला आहे. व्यावसायिक सिलिंडरच्या दरात 350 रुपयांनी वाढ झाली आहे.

कमीत कमी शब्दांमध्ये मराठी बातम्यासाठी थोडक्यात घडामोडीच्या ट्विटर & फेसबुक फॉलो करा.

आजपासून दिल्लीमध्ये व्यावसायिक एलपीजी सिलिंडर 1769 रुपयांऐवजी 2119.5 रुपयांना मिळेल. कोलकात्यात तो 1870 रुपये होता, आता तो 2221.5 रुपये झाला आहे. मुंबईत त्याची किंमत 1721 रुपयांवरून आता 2071.50 रुपये झाली आहे. चेन्नईमध्ये 1917 रुपयांना मिळणारा सिलेंडर आता 2268 रुपयांना मिळणार आहे.

घरगुती सिलिंडरच्या किमतीत वाढ :
घरगुती LPG सिलेंडरची किंमत आजपासून 50 रुपयांनी वाढवण्यात आली आहे. एएनआय या वृत्तसंस्थेने दिलेल्या वृत्तानुसार, नवीनतम सुधारणांसह, दिल्लीत आजपासून घरगुती सिलिंडरची किंमत 1103 रुपये प्रति सिलिंडर असेल.

व्यावसायिक सिलिंडरच्या किमतीत मोठी वाढ :
तसेच, 19 किलोच्या व्यावसायिक एलपीजी सिलिंडरच्या किंमतीत 350.50 रुपयांची वाढ करण्यात आली असून या वाढीमुळे दिल्लीमध्ये 19 किलोच्या व्यावसायिक सिलिंडरची किंमत 2119.50 रुपये इतकी होईल. नवीन दर आजपासून लागू झाले आहेत.

स्थानिक करांमुळे घरगुती स्वयंपाकाच्या गॅसच्या किमती राज्यानुसार बदलतात. इंधन विक्रेते दर महिन्याच्या सुरुवातीला एलपीजी सिलिंडरच्या किमतीत बदल करतात.

Share this :

कमीत कमी शब्दांमध्ये मराठी बातम्यासाठी थोडक्यात घडामोडीच्या टेलीग्राम चैनलला जॉइन करा.

थोडक्यात घडामोडी टीम
कमीत कमी शब्दांमध्ये बातम्या देणारे, आजच्या घडीला थोडक्यात घडामोडी हे मराठीतलं सर्वात वेगानं वाढणारं न्यूजपोर्टल - थोडक्यात घडामोडी

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत