उत्तराखंड : उत्तराखंडच्या नव्या मुख्यमंत्र्यांच्या नावाचा निर्णय घेण्यात आला आहे. उत्तराखंडचे नवे मुख्यमंत्री म्हणून पुष्करसिंग धामी यांच्या नावावर शिक्कामोर्तब करण्यात आले आहे. शुक्रवारी मुख्यमंत्रीपदाचा राजीनामा देणाऱ्या तीरथसिंग रावत यांनी भाजप विधिमंडळ पक्षाच्या बैठकीत धामी यांच्या नावाचा प्रस्ताव ठेवला होता. तो मंजूर झाला आहे.
पुष्करसिंग धामी हे उधमसिंह नगर जिल्ह्यातील खटीमा सीटवरून आमदार आहेत. तीरथसिंग रावत यांच्या राजीनाम्यानंतर भाजपने आज देहरादूनमध्ये पक्षाच्या विधिमंडळ पक्षाची बैठक बोलावली होती. केंद्राच्या वतीने कृषीमंत्री नरेंद्रसिंग तोमर यांना बैठकीसाठी निरीक्षक बनविण्यात आले. त्यांच्या उपस्थितीत धामी यांच्या नावाची घोषणा करण्यात आली आहे.
