नवी दिल्ली : काँग्रेस सरचिटणीस प्रियंका गांधी यांना दुसऱ्यांदा कोरोनाची लागण झाली आहे. त्यांची कोरोना चाचणी पॉझिटिव्ह आल्यानंतर त्या घरीच विलगीकरणात आहेत आणि कोरोनाचे सर्व नियम पाळत आहेत.
प्रियंका गांधी यांना दुसऱ्यांदा कोरोना झाला आहे. याआधीही ३ जून रोजी प्रियांका गांधी आणि त्यांची आई सोनिया गांधी कोरोनाच्या विळख्यात आल्या होत्या.
Tested positive for covid (again!) today. Will be isolating at home and following all protocols.
— Priyanka Gandhi Vadra (@priyankagandhi) August 10, 2022
केंद्रीय आरोग्य मंत्रालयाच्या अहवालानुसार, आज देशात कोरोनाचे 16,047 नवीन रुग्ण आढळले आहेत. तर गेल्या 24 तासांत 19,539 लोक कोरोनातून बरे झाले आहेत. आरोग्य मंत्रालयाच्या अहवालानुसार, आता देशात कोरोनाचे सक्रिय रुग्ण 1,28,261 वर पोहोचले आहेत. त्याच वेळी, संसर्ग दर 4.94 टक्के आहे.
