हरियाणा : हरियाणातील यमुनानगरमध्ये एक मोठी दुर्घटना घडली आहे. दसऱ्याच्या मुहूर्तावर रावणाच्या पुतळ्याचे दहन करताना जळता पुतळा भाविकांच्या अंगावर पडला. या अपघातात अनेक जण जखमी झाल्याचे वृत्त आहे. एएनआय या वृत्तसंस्थेने जारी केलेल्या व्हिडिओमध्ये रावणाचा पुतळा लोकांवर पडताना दिसत आहे.
लोकांच्या अंगावर पडलेला पुतळा पाहून जमावात एकच खळबळ उडाली. पुतळ्याच्या जवळ जाणाऱ्या लोकांना रोखण्याचा प्रयत्न करणारे पोलीस कर्मचारी या अपघातातून थोडक्यात बचावले. या अपघातात डोक्याला मार लागल्याने तिघे जखमी झाले. तर दोघांचे कपडे जळाले. त्याचवेळी पुतळ्यात लावण्यात आलेल्या फटाक्यांमुळे दोन जण जखमी झाले. अशा परिस्थितीत लोकांना नियंत्रित करण्यासाठी पोलिसांना खूप प्रयत्न करावे लागले. सुदैवाने या अपघातात कोणतीही जीवितहानी झाली नाही.
अपघातानंतर जखमींना रुग्णवाहिकेत नेण्यात आले. लोकांवर पुतळा पडल्याचे पाहून चेंगराचेंगरीचे वातावरण निर्माण झाले, त्यानंतर पोलीस कर्मचार्यांना लोकांना बाहेर काढावे लागले. दरम्यान, जमावात अपघातानंतर घबराट आणि भीतीचे वातावरण पाहायला मिळाले.
