श्रीनगर : जम्मू – काश्मीरमध्ये तब्बल 18 महिन्यांनंतर 4G इंटरनेट सेवा सुरु करण्यात आली आहे. अनुच्छेद 370 हटवल्यानंतरपासूनच या भागात 4G इंटरनेट सेवा बंद करण्यात आली होती. ज्यानंतर आता ही सेवा पुन्हा सुरु करण्यात आली आहे.
तथापि, सरकारच्या आदेशात हे स्पष्ट करण्यात आले आहे कि, प्रीपेड सिमकार्डवर हाय स्पीड इंटरनेटची सुविधा नंबर व्हेरिफिकेशन नंतरच देण्यात येईल. यासाठी असलेली प्रक्रिया पोस्ट पेड क्रमांकासाठी असलेल्या प्रक्रियेसारखीच असेल. जम्मू-काश्मीर प्रशासन हाय स्पीड सुविधेवर अंकुश ठेवणार आहे. कारण या भागात इंटरनेट वापराचे अनेक धोके आहेत. त्यामुळे सुरक्षाविषयी सरकारला कोणतेही आव्हान घ्यायचे नाही.
सदर भागात इंटरनेट सेवा सुरु करण्याची माहिती समोर आल्यानंतर जम्मू काश्मीरचे माजी मुख्यमंत्री ओमर अब्दुल्ला यांनी आनंद व्यक्त केला. त्यांनी ट्विट करत म्हटलं कि, 4G मुबारक! 2019च्या ऑगस्ट महिन्यानंतर पहिल्यांदाच जम्मू आणि काश्मीरमघ्ये 4G मोबाईल डेटा वापरता येणार आहे.
4G Mubarak! For the first time since Aug 2019 all of J&K will have 4G mobile data. Better late than never.
— Omar Abdullah (@OmarAbdullah) February 5, 2021
