काही दिवसांपूर्वी नागपूर महापालिका आयुक्तपदावरून बदली झालेल्या तुकाराम मुंढे यांची महाराष्ट्र जीवन प्राधिकरणाच्या सचिवपदी नियुक्ती रद्द करण्यात आली आहे. त्यांच्यासाठी आता पदाची शोधाशोध सुरू आहे. राज्य सरकारने अवघ्या 15 दिवसात त्यांच्या बदलीचे आदेश मागे घेतले आहेत.
तुकाराम मुंढे यांची 26 ऑगस्टला मुंबईत बदली करण्यात आली होती, तर त्यांच्याकडे असलेल्या नागपूर महापालिका आयुक्तपदाचा कारभार राधाकृष्णन बी. यांच्याकडे सोपवण्यात आला होता.
दरम्यान, तुकाराम मुंढे यांच्या कोरोनाच्या दोन चाचण्या निगेटिव्ह आल्या आहेत. ते कोरोनातून दोन दिवसांपूर्वीच बरे झाले आणि त्यांनी कार्यभार स्वीकारायच्या आधीच तेथे इतर अधिकारी नेमण्यात आले. तुकाराम मुंढे यांना बदलीनंतर देण्यात आलेल्या महाराष्ट्र जीवन प्राधिकरणाच्या सदस्य सचिव पदाचा अतिरिक्त कार्यभार किशोर राजे निंबाळकर यांच्याकडे सोपवण्यात आला आहे. निंबाळकर हे मदत व पुनर्वसन विभागाचे सचिव म्हणून कार्यरत आहेत.
अशा प्रामाणिक अधिकाऱ्याच्या बदल्या होतच राहणार