मुंबई : पूजा चव्हाण आत्महत्या प्रकरणी वनमंत्री संजय राठोड यांच्या राजीनाम्यासाठी भाजपनं आक्रमक भूमिका घेतली. त्यानंतर आता संजय राठोड यांनी मुख्यमंत्र्यांकडे राजीनामा सोपवल्याची चर्चा जोर धरु लागली आहे. यावर संजय राऊतांना विचारलं असता त्यांनी सावध प्रतिक्रिया देत म्हटलं कि, संजय राठोड यांनी राजीनामा दिला की नाही हे मला माहिती नाही.
संजय राऊत म्हणाले कि, “हा विषय सरकारचा आहे आणि सरकारचे प्रमुख लोक त्यासंबंधात त्यांचं मत व्यक्त करतील किंवा निर्णय घेतील. तसंच, संजय राठोड हे शिवसेनेचे प्रमुख मंत्री आहेत, शिवसेनेचा चेहरा आहेत. त्यांच्यावर जे आरोप केले जात आहेत, त्याप्रकरणी पोलीस तपासाचे आदेश मुख्यमंत्री उद्धव ठाकरे यांनी दिले आहेत. त्यासंबंधीची माहिती मुख्यमंत्री घेतील.”
दरम्यान, मातोश्रीवर संजय राठोड यांनी राजीनामा सोपवल्याची चर्चा आहे. संजय राठोड यांच्या राजीनाम्याबाबत शिवसेनेच्या वरिष्ठ नेत्यांची बैठक आज पार पडणार आहे.
