पुणे : सणसवाडी MIDC क्षेत्रातील एका कंपनीला भीषण आग लागली आहे. आगीमुळे परिसरात धुराचे लोट दूरपर्यंत पाहायला मिळत आहेत. धुराचे लोट इतके जास्त आहेत की त्यामुळे आगीवर नियंत्रण मिळवण्यात अडथळा निर्माण होत आहे. अग्निशामक दलाच्या तीन गाड्या घटनास्थळी दाखल झाल्या असून आग विझवण्याचे प्रयत्न सुरु आहेत.
शिरूर तालुक्यातील पुणे महामार्गालगत असलेल्या सणसवाडी औद्योगिक परिसरातील एका कंपनीला सकाळी ११च्या सुमारास भीषण आग लागली. सणसवाडीजवळील एल अँड टी फाटा येथील ब्राईट कंपनीला ही भीषण आग लागली. घटनेची माहिती मिळताच तात्काळ अग्निशमन दलाच्या तीन गाड्या घटनास्थळी दाखल झाल्या आहेत. आग विझवण्यासाठी शर्थीचे प्रयत्न सुरू आहेत. या कंपनीच्या चारही बाजूने अनेक कंपन्या असल्यामुळे परिसरात भीतीचे वातावरण आहे. आगीची तीव्रता जास्त असल्याची माहिती मिळत आहे.
