दिवंगत संगीतकार अरुण पौडवाल आणि प्रसिद्ध गायिका अनुराधा पौडवाल यांचा मुलगा आदित्य पौडवालचं आज निधन झालं. आदित्य ३५ वर्षांचा होता. मूत्रपिंड निकामी झाल्यानं त्याचं निधन झाल्याचं कळतंय.
आदित्यची म्युझिक अरेंजर, निर्माता अशी संगीतविश्वात ओळख होती. गेल्या काही महिन्यांपासून तो आजारी होता. मूत्रपिंडाच्या समस्येमुळे आदित्यला रुग्णालयात दाखल करण्यात आलं होतं. मात्र शनिवारी पहाटे आदित्यने अखेरचा श्वास घेतला. मुंबईत आदित्यच्या पार्थिवावर अंत्यसंस्कार करण्यात येतील.
