अभिनेत्री कंगना राणावतने तिच्या कार्यालयात अनधिकृतपणे बांधकाम केल्याचे सांगत महापालिकेने तिला नोटीस बजावली असून तिचं कार्यालय सील केलं आहे. तसेच येत्या २४ तासांत कार्यालयातील बांधकामासंदर्भात घेण्यात आलेल्या परवानग्यांची कागदपत्रे सादर करण्याचे आदेशही कंगनाला देण्यात आले आहेत. त्याबाबत नोटीस देखील कार्यालयाबाहेर लावण्यात आली आहे. कंगनाने ट्वीटवरुन माहिती दिली की, तिच्या मुंबईतील ऑफिसमध्ये बीएमसीची टीम पोहचली आहे. त्यानंतर तिने नोटीस लावल्याचे फोटो देखील पोस्ट केले.
Because of the criticism that @mybmc received from my friends on social media, they didn’t come with a bulldozer today instead stuck a notice to stop leakage work that is going on in the office, friends I may have risked a lot but I find immense love and support from you all ? pic.twitter.com/2yr7OkWDAb
— Kangana Ranaut (@KanganaTeam) September 8, 2020
बीएमसीमधील सूत्रांनी दिलेल्या माहितीनुसार, टीम काही दिवसांमध्येच यासंबंधी रिपोर्ट तयार करेल आणि त्या पद्धतीने कारवाई करेल. मात्र कंगनाच्या ऑफिसवर पालिकेकडून कोणती कारवाई केली जाणार हे अद्याप समजू शकलेलं नाही.