मुंबई : राज्याचे उपमुख्यमंत्री आणि अर्थमंत्री अजित पवार यांनी आज राज्याचा अर्थसंकल्प सादर केला. जाणून घ्या, काय होणार स्वस्त आणि काय महागणार?
काय होणार स्वस्त :
- शाळकरी मुलींना गावापासून शाळेपर्यंत राज्य परिवहन महामंडळाच्या बसने मोफत प्रवास करता येणार आहे.
- घर महिलेच्या नावावर झाल्यास मुद्रांक शुल्कात १ % सवलत मिळेल. 1 एप्रिल 2021 पासून या योजनेची अंमलबजावणी होईल.
- 3 लाख रुपयांपर्यंतचे पीक कर्ज घेणाऱ्या व त्याची वेळेवर परतफेड करणाऱ्या शेतकऱ्यांना शून्य टक्के व्याजाने कर्जपुरवठा
- राज्यातील शेतकऱ्यांना थकीत वीज बिलात ३३ टक्के सूट देण्याची मोठी घोषणा अर्थमंत्री अजित पवार यांनी आज केली.
काय महागणार :
देशी बनावटीच्या ब्रँडेड आणि नॉन ब्रँडेड मद्यावरील व्हॅट 60 वरुन 65 टक्के करण्यात आलाय. तर सर्व प्रकारच्या मद्यावरील व्हॅटचा दर 35 % वरून 40% टक्के करण्यात आलाय. देशी बनावटीच्या मद्याचे उत्पादन शुल्क निर्मिती मूल्याच्या 220% किंवा 187 रुपये राहणार आहे. त्यामुळे दारू महागणार आहे.
