मुंबई : मागील काही दिवसांपासून अनेक बॉलिवूड कलाकारांना कोरोनाची लागण झाल्याचं समोर येत आहे. त्यातच आता आणखी एका अभिनेत्याची कोरोना टेस्ट पॉझिटिव्ह आली आहे. बॉलिवूड अभिनेता सिद्धांत चतुर्वेदीची कोरोना चाचणी पॉझिटिव्ह आली आहे. सिद्धांतने स्वतःच सोशल मीडियाच्या माध्यमातून ही माहिती दिली आहे.
सिद्धांत मागील महिन्यात इशान खट्टर आणि कॅटरिना कैफ यांच्यासोबत ‘फोन भूत’ या चित्रपटाचं शूटिंग करत होता. त्यानंतर काही दिवसांपूर्वी तो मुंबईत परतला. आता त्याला कोरोनाची लागण झाली आहे. सिद्धांतनं त्याच्या इंस्टाग्राम स्टोरीमध्ये लिहिलं कि, ‘माझी विचारपूस केल्याबद्दल तुम्हा सर्वांचे आभार, माझी कोरोना टेस्ट पॉझिटिव्ह आली आहे. मी ठिक आहे आणि सध्या घरीच विलगीकरणात आहे. मी योग्य ती काळजी घेत आहे आणि डॉक्टरांच्या सल्ल्याने सर्व उपचार सुरू आहेत .’
