मुंबई : मुंबईतील वडाळा परिसरातून एका अल्पवयीन मुलीचे अपहरण करून तिच्यावर लैंगिक अत्याचार केल्याची धक्कादायक घटना घडली आहे. पोलिसांनी शुक्रवारी संशयितावर गुन्हा दाखल केला आहे.
पोलिसांनी दिलेल्या माहितीनुसार, मुंबईतील वडाळा येथून एका अल्पवयीन मुलीचे अपहरण करून तिला नवी मुंबईतील कळंबोली परिसरात नेऊन बलात्कार केल्याप्रकरणी आरोपीविरुद्ध भारतीय दंड संहिता (आयपीसी) 376, 323 आणि 506 आणि POSCO कायद्यांर्गत संबंधित कलमान्वये गुन्हा दाखल करण्यात आला आहे.
मिळालेल्या माहितीनुसार, पीडित मुलगी 5 सप्टेंबर रोजी कॉलेजला जाण्यासाठी तिच्या घरून निघाली होती, मात्र ती वडाळ्यात आली असता आरोपी बोलेरो कार घेऊन आला आणि या मुलीला जबरदस्तीने गाडीत नेले. तिला पुणे एक्स्प्रेस वेवर नेऊन तिच्यावर बलात्कार केला. पोलिसांनी सांगितले की, पीडित मुलीच्या तक्रारीनुसार सुरुवातीला कळंबोली पोलिस ठाण्यात एफआयआर दाखल करण्यात आला होता आणि त्यानंतर हा विषय पुढील तपासासाठी माटुंगा पोलिस ठाण्यात पाठवण्यात आला. तरुणीची तक्रार आल्यानंतर पोलिसांनी त्यांचा पुढील तपास सुरू केला आणि संशयितावर गुन्हा दाखल करून घेतला आहे.
