नवी दिल्ली : फाइझरने भारतातील आपल्या कोव्हीड -१9 लसीचा आपत्कालीन वापरासाठी केलेला अर्ज मागे घेतला आहे, जी लस जर्मनीतील बायोटेक (Germany’s BioNTech) कंपनीसह विकसित केलेली आहे. फायझरने (Pfizer Inc) अर्ज मागे घेतल्याचे कंपनीने शुक्रवारी स्पष्ट केले.
अमेरिकेतील फार्मा कंपनी भारतात कोरोना लसीच्या आपत्कालीन वापरासाठी अर्ज करणारी पहिली औषध निर्माता कंपनी असून, बुधवारी (३ फेब्रुवारी) भारताच्या औषध नियामक प्राधिकरणाच्या विषय तज्ज्ञ समितीशी बैठक घेण्यात आली होती. त्या बैठकीनंतर हा निर्णय घेण्यात आल्याचं कंपनीनं सांगितलं आहे.
फायझरच्या प्रवक्त्याने सांगितले कि, फायझर प्राधिकरणाशी संपर्कात राहील आणि नियामकांना आवश्यक असलेली अतिरिक्त माहिती उपलब्ध करून लवकरच आपत्कालीन वापरासाठी पुन्हा एकदा अर्ज सादर करेल.
