हैदराबाद : दाक्षिणात्य सुपरस्टार रजनीकांत यांची प्रकृती अचानक बिघडली असून त्यांना रुग्णालयात दाखल करण्यात आलं आहे. त्यांचा रक्तदाबामध्ये सातत्याने चढ-उतार होत असल्याने खबरदारी म्हणून त्यांना हैदराबादमधील अपोलो रुग्णालयात हलवण्यात आलं असून त्यांच्यावर उपचार सुरु आहेत.
रजनीकांत यांच्या ‘अन्नाथे’ या चित्रपटाचं चित्रीकरण क्रूमधील सात सदस्य कोरोना पॉझिटिव्ह आढळल्यामुळे नुकतंच रोखण्यात आलं होतं. यानंतर रजनीकांत यांची कोरोना चाचणी निगेटिव्ह आली होती. परंतु त्यांनी स्वत:ला चेन्नईमधील आपल्या फार्महाऊसमध्ये क्वॉरन्टाईन केलं होतं.
अन्नाथे या चित्रपटाचं दिग्दर्शन सिरुथई सिवा करत आहेत. या चित्रपटात रजनीकांत यांच्यासह नयनतारा आणि किर्ती सुरेश महत्त्वाच्या भूमिका दिसणार आहेत.
