मुंबई : वांद्रे-वरळी सी लिंकवरून एका ३३ वर्षीय व्यक्तीने उडी मारल्याची धक्कादायक घटना समोर आली आहे. तटरक्षक दल आणि अग्निशमन दलाच्या पथकांनी शोधमोहीम हाती घेतली आहे. ही घटना पहाटे 3.45 च्या सुमारास घडली.
पोलिसांनी दिलेल्या माहितीनुसार, पहाटे 3.45 वाजता पश्चिम उपनगरातील जोगेश्वरी येथील रहिवासी असलेला विनय यादव हा इनोव्हा कार चालवत सी लिंकवर आला. त्यानंतर सी लिंकच्या एका बाजूला गाडी उभी करून त्याने समुद्रात उडी मारली. मुंबई अग्निशमन दल आणि तटरक्षक दलाच्या मदतीने त्या व्यक्तीचा शोध घेण्यात येत आहे. यादव हा व्यवसायाने ड्रायव्हर आहे.
याआधीही अनेकांनी सी लिंकवरून उडी मारून आत्महत्या केल्या आहेत. गेल्या महिन्यात खार येथील एका व्यावसायिकाने सी लिंकवरून उडी मारून आत्महत्या केली होती.
