बॉलिवूड अभिनेता अर्जुन कपूर याला कोरोनाचा संसर्ग झाला आहे. अर्जुन कपूर यांनी आपल्या इंस्टाग्राम अकाऊंटवरुन या संदर्भात माहिती दिली आहे.
अभिनेता अर्जुन कपूर यांनी आपल्या इंस्टाग्राम पोस्टमध्ये लिहिलं, “तुम्हाला सर्वांना सांगणे माझे कर्तव्य आहे की माझी कोरोना टेस्ट पॉझिटिव्ह आली आहे. माझी तब्येत पूर्वीपेक्षा ठिक आहे. मी डॉक्टर आणि अधिकाऱ्यांच्या सल्ल्यानुसार स्वत:ला होम क्वारंटाईन केलं आहे. तुम्ही सर्वांनी मला दिलेल्या पाठिंब्यासाठी तुमचे आभार मानतो. येणाऱ्या काळात मी माझ्या प्रकृतीची माहिती तुम्हाला देत राहील.”
