बेंगळुरू : गायीसोबत अनैसर्गिक लैंगिक संबंध ठेवल्याच्या आरोपावरून कर्नाटक पोलिसांनी एका व्यक्तीला ताब्यात घेतले आहे. बेंगळुरूमध्ये ही घटना घडली असून याबाबत पोलिसांनी सोमवारी माहिती दिली. मंजुनाथ असे या आरोपीचे नाव असून तो ३४ वर्षांचा आहे.
मंजुनाथ हा मंड्या जिल्ह्यातील मद्दूर शहराजवळील गेज्जलगेरे गावचा रहिवासी आहे. त्याला हे कृत्य करताना पकडणाऱ्या त्याच्या मित्राच्या जबाबावरून पोलिसांनी त्याला ताब्यात घेतले.
पोलिसांनी दिलेल्या माहितीनुसार, आरोपीच्या दुःखी मानसिकतेमुळे मंजुनाथच्या कुटुंबीयांनी त्याला नाकारले होते. त्यामुळे बेरोजगार मंजुनाथ नंतर बेंगळुरूला आला आणि त्याचा मित्र शशिकुमारच्या घरी राहू लागला. शशिकुमारच्या घरी गायी होत्या. आरोपीला गायीसोबत अनैसर्गिक लैंगिक संबंध ठेवण्याची सवय लागली होती. ज्यासाठी तो गावातून बंगळुरू विद्यापीठ ज्ञानभारती कॅम्पसमध्ये जात असे. तो कॅम्पसच्या शेतात चरणाऱ्या गायींना निर्जन ठिकाणी, झुडपांमध्ये घेऊन जायचा आणि त्यांच्यासोबत अनैसर्गिक लैंगिक संबंध ठेवायचा.
दरम्यान, आरोपी मंजुनाथ याने गायींच्या शेपट्याही कापल्या. यानंतर शशिकुमारला संशय आला आणि त्याने मंजुनाथवर नजर ठेवायला सुरुवात केली आणि अखेरीस त्याला रंगेहात पकडले. त्यानंतर आरोपीला पोलिस ठाण्यात आणण्यात आले. शशिकुमारने पोलिसांना घडलेला प्रकार सांगितला. त्यानंतर पोलिसांनी आरोपीवर प्राणी क्रूरता प्रतिबंधक कायद्यान्वये गुन्हा दाखल करून त्याची रवानगी न्यायालयीन कोठडीत केली आहे.
