लडाख : लडाखच्या तुर्तुक सेक्टर येथे झालेल्या वाहन अपघातात भारतीय लष्कराच्या 7 जवानांना आपला जीव गमवावा लागला आहे आणि इतर काही गंभीर जखमी झाले आहेत, याबाबत ANI ने वृत्त दिले आहे. गंभीर जखमींना वेस्टर्न कमांडमध्ये हलवण्यासाठी IAF कडून हवाई प्रयत्नांची मागणी करण्यासह जखमींना सर्वोत्तम वैद्यकीय सेवा मिळावी यासाठी प्रयत्न सुरू आहेत, असे लष्कराच्या सूत्रांनी सांगितले.
मिळालेल्या माहितीनुसार, श्योक नदीत रस्त्यावरून जात असलेले वाहन घसरून पडल्याने भारतीय लष्कराचे सात जवान शहीद झाले आणि अनेक जण जखमी झाले. वाहन सुमारे 50 ते 60 फूट खोलवर पडले. 26 सैनिकांची एक तुकडी परतापूर येथील ट्रांजिट शिबिरातून उप-सेक्टर हनिफ येथे जात होती. यावेळी वाहन रस्त्यावरून घसरले आणि श्योक नदीत पडले, परिणामी सर्व प्रवासी जखमी झाले,” असे भारतीय लष्कराने एका निवेदनात म्हटले आहे. .
सर्व 26 सैनिकांना लष्कराच्या फील्ड हॉस्पिटलमध्ये हलवण्यात आले आणि लेहमधील सर्जिकल टीम्सना परतापूरला रवाना करण्यात आले. सात जवानांचा जखमी झाल्यानंतर मृत्यू झाला. जखमींना सर्वोत्कृष्ट वैद्यकीय सेवा पुरविली जाईल याची खात्री करण्यासाठी प्रयत्न सुरू आहेत, ज्यामध्ये अधिक गंभीर जखमींना वेस्टर्न कमांडमध्ये हलविण्यासाठी हवाई दलाकडून हवाई प्रयत्नांची मागणी करणे समाविष्ट आहे, असे भारतीय लष्कराने सांगितले.
