मुंबई : महिन्याच्या पहिल्या दिवशी (1 मे) 19 किलोच्या व्यावसायिक एलपीजी सिलेंडरची किंमत 102 रुपयांनी महागली आहे. आता राजधानी दिल्लीत नवीन सिलेंडरची किंमत 2355 रुपये असेल. मात्र, घरगुती सिलिंडरच्या दरात कोणतीही वाढ झालेली नाही. यापूर्वी १ एप्रिल रोजी व्यावसायिक सिलिंडरच्या दरात वाढ करण्यात आली होती.
19 किलोच्या व्यावसायिक गॅस सिलेंडरची नवीन किंमत
इंडियन ऑइल कॉर्पोरेशन (IOC) नुसार, मुंबईत आजपासून 2205 रुपयांऐवजी 2307 रुपये मोजावे लागणार आहेत.आज राजधानी दिल्लीत 19 किलोचा LPG सिलेंडर खरेदी करण्यासाठी तुम्हाला 2355.50 रुपये मोजावे लागतील. 30 एप्रिलपर्यंत त्याची किंमत 2253 रुपये होती.
त्याचबरोबर कोलकातामध्ये पूर्वी 2351 रुपये मिळत होते, आता 2455 रुपये खर्च करावे लागतील. दुसरीकडे, चेन्नई, तामिळनाडूमध्ये व्यावसायिक सिलिंडरचे दर 2406 रुपयांवरून 2508 रुपयांपर्यंत वाढले आहेत.
