मुंबई : दीया मिर्झा गरोदर आहे. दीया म्हणाली की सध्या भारतात वापरल्या जाणार्या कोरोनाच्या कोणत्याही लसीची गर्भवती महिला आणि स्तनपान करणार्या मातांवर तपासणी केली गेलेली नाही. त्यामुळे तिच्या डॉक्टरांनी तिला लस न घेण्याचा सल्ला दिला आहे. दीयाचे लग्न फेब्रुवारी 2021 मध्ये व्यावसायिक वैभव रेखीबरोबर झाले.
दीयाने ट्विटरच्या एका यूझरला उत्तर देताना लिहिले कि, “हे खूप महत्वाचे आहे. नक्की वाचा आणि हेदेखील लक्षात ठेवा की सध्या भारतात वापरल्या जाणार्या कोणत्याही लसींची तपासणी गर्भवती आणि स्तनपान करणार्या मातांवर झालेली नाही. माझे डॉक्टर म्हणाले आहेत की आम्ही या लसी तोपर्यंत घेऊ शकत नाही, जोपर्यंत आवश्यक क्लिनिकल चाचण्या पूर्ण होत नाहीत.
This is really important. Must read and also note that none of the vaccinations currently being used in India have been tested on pregnant and lactating mothers. My doctor says we cannot take these vaccines until required clinical trials have been done. https://t.co/eDtccY54Z1
— Dia Mirza (@deespeak) May 16, 2021
देशात सध्या लस मोहिमेचा तिसरा टप्पा सुरू आहे. यामध्ये 18 वर्षांपेक्षा जास्त वयाच्या लोकांना लस दिली जात आहे. 12 मे पर्यंत एकूण 17 कोटी, 51 लाख, 71 हजार 482 कोरोना विषाणूची लस देण्यात आली आहे. या कालावधीत, 13.56 दशलक्षाहून अधिक लोकांना प्रथम डोस देण्यात आला आहे, तर 3 कोटी 85 लाख लोकांना दुसरा डोस देण्यात आला आहे. देशात सध्या कोरोना विषाणूच्या दोन लसी, कोविशिल्ड आणि कोवॅक्सिन दिल्या जात आहेत.
