ताजमहालमध्ये बॉम्ब असल्याची माहिती मिळाली आहे. बॉम्ब असल्याची बातमी कळताच पर्यटकांना बाहेर काढण्यात आले आहे आणि ताजमहालचे दोन्ही दरवाजे बंद करण्यात आले आहेत. एका अज्ञात व्यक्तीने फोनवर स्फोटके ठेवण्याची माहिती पोलिसांना दिली होती. सध्या पोलीस आलेल्या फोन कॉलचा तपस करत आहेत.
बॉम्बची माहिती मिळताच ताजमहाल परिसरात मोठ्या प्रमाणात सीआयएसएफ आणि स्थानिक पोलिस तैनात करण्यात आले आहेत. सूत्रांच्या माहितीनुसार, आता संपूर्ण ताजमहालमध्ये शोध मोहीम राबविली जात आहे. या घटनेनंतर परिसरात खळबळ उडाली आहे.