मुंबईतल्या डोंगरी भागातील कोळी भगिनींनी मनसे अध्यक्ष राज ठाकरे यांची भेट घेतली. या महिला कृष्णकुंज या राज ठाकरे यांच्या निवासस्थानी आल्या होत्या. “राजसाहेब बेकायदा मासे विक्रेत्यांना हटवा, परप्रांतीय मासे विक्रेत्यांनी अतिक्रमण केल्याने आमच्या पोटावर पाय येतो आहे. आमचा व्यवसाय मंदावला आहे तुम्हीच काहीतरी मार्ग काढू शकता” अशी मागणी त्यांनी केली.
राज ठाकरें यांनी या कोळी भगिणींशी काही वेळ संवाद साधला, त्यांचे प्रश्न ऐकून घेतले आणि त्यावर मार्ग काढण्याचं आश्वासन देखील त्यांना दिलं.