मुंबई : भाजपचे माजी खासदार किरीट सोमय्या यांचा कथित व्हिडीओ व्हायरल झाल्यानंतर सर्वत्र खळबळ उडाली आहे. दरम्यान, किरीट सोमय्या यांच्या या वादग्रस्त व्हिडिओप्रकरणी चौकशी करून कारवाई करण्याची मागणी विरोधी पक्षाकडून केली जात आहे. याबाबत आता उपमुख्यमंत्री आणि गृहमंत्री देवेंद्र फडणवीस यांनी आपली प्रतिक्रिया दिली आहे.
गृहमंत्री देवेंद्र फडणवीस म्हणाले कि, “हा विषय गंभीर आहे. राजकारणात असे अनेक प्रसंग येतात, ज्यामध्ये संपूर्ण आयुष्य पणाला लागते. या संदर्भात तक्रारी असतील तर द्याव्यात, त्याबद्दल चौकशी करु. कोणालाही पाठिशी घातलं जाणार नाही. पोलिस कायद्याच्या चौकटीत राहून याचा तपास करतील,” अशी ग्वाही त्यांनी दिली आहे.
दरम्यान, किरीट सोमय्या यांनी स्वतःच ट्वीट करत या प्रकरणाच्या चौकशीची मागणी केली आहे. किरीट सोमय्या यांनी ट्वीटमध्ये वृत्तवाहिनी दाखवत असलेल्या व्हिडीओची सखोल चौकशी करावी अशी मागणी जाहीरपणे केली आहे. मी कोणत्याही महिलेवर अत्याचार केलेला नाही. पण चर्चेत असलेली व्हिडीओ क्लिप आणि आणखी अशाच काही क्लिप असल्याचे सांगितले जात आहे. या प्रकरणी चौकशी करावी, सत्यता तपासावी, अशी मागणी किरीट सोमय्या यांनी राज्याचे उपमुख्यमंत्री आणि गृहमंत्री देवेंद्र फडणवीस यांना उद्देशून केली आहे.
एका वृत्तवाहिनीवर माझी व्हिडिओ क्लिप प्रदर्शित करण्यात आली, अशा अनेक व्हिडिओ क्लिप्स उपलब्ध आहे, अनेक महिलांच्या तक्रारी आहेत असे दावे केले जात आहे
माझ्याकडून कोणत्याही महिलेवर अशा अत्याचार झालेला नाही
अशा आरोपांची व्हिडिओची सत्यता तपासावी चौकशी करावी @Dev_Fadnavis यांना विनंति pic.twitter.com/Q1YLoP0ZUi— Kirit Somaiya (@KiritSomaiya) July 18, 2023