मुंबई: मराठी आणि हिंदी चित्रपटसृष्टीवर दु:खाची सावली. अभिनेता आशिष वारंग यांचे 55 व्या वर्षी निधन झाले आहे. मूळचा गिरगावचा असलेला वारंग गेल्या काही दिवसांपासून गंभीर आजाराशी झुंज देत होता.
बॉलिवूड आणि टीव्ही इंडस्ट्रीमधून ही अत्यंत दु:खद बातमी समोर आली आहे. त्यांच्या निधनाची माहिती प्रथम त्यांच्या भावाने, अभिजीत वारंग यांनी सोशल मीडियावर भावनिक पोस्टद्वारे दिली. पोस्टमध्ये अभिजीत यांनी लिहिले:
“वारंग आशिष दादा, तुम्हाला खूप मिस करू. प्रथम तुम्ही हवाई दल अधिकारी म्हणून देशाची सेवा केली आणि नंतर अभिनयातून प्रेक्षकांची मने जिंकली. आम्ही एक चांगला माणूस गमावला आहे.”
आशिष वारंग हे अनेक लोकप्रिय चित्रपटांमध्ये दिसले. त्यांनी ‘सूर्यवंशी’, ‘दृश्यम’, ‘मर्दानी’, ‘एक विलेन रिटर्न्स’ आणि प्रसिद्ध वेब सीरिज ‘द फॅमिली मॅन’ मध्ये आपली छाप सोडली. विशेषतः पोलिस व सहाय्यक भूमिकांमध्ये त्यांनी प्रेक्षकांच्या मनावर ठसा उमठवला.
चित्रपटसृष्टीत पाऊल टाकण्यापूर्वी आशिष यांनी भारतीय हवाई दलात अधिकारी म्हणून राष्ट्रसेवा केली होती. मुख्य भूमिकांमध्ये जरी कमी दिसले, तरी त्यांच्या अभिनयाची गुणवत्ता आणि लोकप्रियता नेहमीच लक्षवेधी राहिली.
सोशल मीडियावर त्यांच्या चाहत्यांनी आणि सहकलाकारांनी श्रद्धांजली वाहिली असून, त्यांच्या निधनाने मनोरंजनविश्वावर शोककळा पसरली आहे.
