‘द फॅमिली मॅन 2’ चा ट्रेलर पाहिल्यानंतर कंगना रनौतने दाक्षिणात्य अभिनेत्री सामन्था अक्किनेनीचे कौतुक केले आहे. मनोज बाजपेयी आणि सामन्था अक्किनेनी स्टारर वेब सीरिजचा ट्रेलर काल 19 मे रोजी प्रदर्शित झाला होता. ट्रेलर रिलीज झाल्यापासून चाहते मनोज आणि सामन्था यांचे त्यांच्या अभिनयाबद्दल कौतुक करीत आहेत. दरम्यान, सोशल मीडियावर कंगनाने या वेब सीरिजमध्ये सामन्थाने केलेल्या अभिनयाचे कौतुक केले आहे.
कंगना रनौतने वेब सिरीजमधील सामन्थाच्या व्यक्तिरेखेचा फोटो शेअर करत लिहिले की, “या मुलीने माझे मन जिंकले आहे.” कंगनाने केलेल्या स्तुतीबद्दल सामन्थाने तिचे आभार व्यक्त केले आहेत.
बुधवारी सामन्थाने ट्रेलर शेअर करत लिहिले की, “आशा आहे की तुम्हाला आवडेल. ‘द फॅमिली मॅन 2’ चा ट्रेलर रिलीज झाला आहे.”
Hope you like ♥️#TheFamilyManOnPrime trailer out now.https://t.co/xRkRkFAiab@SrikantTFM @PrimeVideoIN @rajndk @BajpayeeManoj @Priyamani6 @sharibhashmi @sumank @Suparn @shreya_dhan13 @hinduja_sunny @DarshanKumaar @SharadK7 @ishahabali pic.twitter.com/Xqrla0ifFr
— Samantha Akkineni (@Samanthaprabhu2) May 19, 2021
या अॅक्शन-ड्रामा वेब सीरिजच्या ट्रेलरमध्ये मनोज बाजपेयी आणि सामंथा दोघेही अॅक्शन अवतारमध्ये दिसले आहेत. या सीरिजमध्ये मनोज श्रीकांत तिवारीची भूमिका साकारत आहे. तो एक गुप्तहेर आहे. कुटुंबातील सदस्य त्याला सामान्य कार्यालयात काम करणारा मानतात. तथापि, श्रीकांतचे आयुष्य नेहमीच धोक्यात असते. ट्रेलरमध्ये पाहिल्यानंतर हे स्पष्ट झाले की या हंगामातही मनोज वाजपेयी कुटुंब, कार्यालय आणि देश प्रत्येक जबाबदारी पार पाडताना दिसणार आहेत. त्याचवेळी, सामन्था अक्केनेनी या सीरिजमध्ये महिला अतिरेकी राजीच्या महत्त्वपूर्ण भूमिकेत दिसली आहे. ट्रेलरमध्ये डिटेक्टीव्ह मनोज आणि अतिरेकी सामन्था यांच्यात भांडणही आहे. सामन्था या सीरिजमधून डिजिटल जगात पदार्पण करत आहे. ‘द फॅमिली मॅन 2’ ही सीरिज 4 जून रोजी प्रदर्शित होणार आहे.
