मुंबईच्या महापौर किशोरी पेडणेकर यांची कोरोना टेस्ट पॉझिटिव्ह आली आहे. त्या घरीच विलिगीकरणात राहणार आहेत. किशोरी पेडणेकर यांनी स्वतः ट्विट करुन यासंदर्भातली माहिती दिली आहे.
किशोरी पेडणेकर यांचं ट्विट:
मी कोविड अँटीजन चाचणी करून घेतली ती सकारात्मक आली कोणतंही लक्षणं नसल्याने डॉक्टरांच्या सल्ल्याने स्वतः घरी विलगीकरन होत आहे माझ्या संपर्कातील सर्व सहकाऱ्यांनी काळजी घ्यावी
माझ्या घरातील सदस्यांची कोविड चाचणी केली.
आपल्या शुभेच्छा व आशीर्वादाने लवकरच मुंबईकरांच्या सेवेत रुजू होईन pic.twitter.com/ayW43cXGrj— Kishori Pednekar (@KishoriPednekar) September 10, 2020
मुंबईत कोरोनाचा प्रादुर्भाव झाल्यापासून रुग्णालयांना भेटी देणं, आरोग्य सुविधांचा आढावा घेणं या सगळ्या गोष्टी महापौर किशोरी पेडणेकर करत होत्या. अनेकदा कोरोना हेल्थ सेंटरलाही भेटी देऊन तिथली स्थिती त्यांनी जाणून घेतली. मुंबईत काय काय उपाय योजना करण्यात येतील, कोरोनाचा प्रतिबंध कसा करता येईल यासाठी त्यांनी काही बैठकाही घेतल्या होत्या. त्यांना कोरोनाची लक्षणं दिसत नसल्याचं सांगण्यात आलं आहे. उद्या(शुक्रवारी) त्यांच्या स्वॅब टेस्टचाही अहवाल येणार आहे.
