नांदेड : नांदेड जिल्ह्यातील देगलूर तालुक्यातील शहापूर इथे वीज वितरण कर्मचाऱ्याचा काम करताना विजेचा धक्का लागल्याने मृत्यू झाला. वीज पुरवठा सुरळीत करण्यासाठी विजेच्या खांबावर चढून काम करीत असताना वीज प्रवाह सुरू झाल्याने हा अपघात घडला. वरिष्ठ तंत्रज्ञ असणारे ज्ञानेश्वर ताटे यांचे या दुर्दैवी घटनेत निधन झाले.
मिळालेल्या माहितीनुसार, हे काम करण्यासाठी फोन परमिट घेण्यात आले होते. तरीही वीज प्रवाह कसा सुरू झाला, असा प्रश्न समोर आला आहे. दरम्यान, ज्ञानेश्वर ताटे यांचा मृत्यू झाल्यानंतर त्यांचा मृतदेह बराच वेळ खांबावर लोंबकळत होता. यामुळे संपूर्ण गावात खळबळ उडाली असून या घटनेचा पोलीस तपास सुरू आहे.
