Ukraine-Russia War : युक्रेन-रशिया युद्धपरिस्थिती अधिकच बिकट होताना दिसत आहे. दरम्यान, रशियाचे अध्यक्ष व्लादिमीर पुतिन यांनी पाश्चात्य देशांना धमकावल्यानंतर त्यांच्या अण्वस्त्र पाणबुड्या उत्तर अटलांटिक महासागरात पाठवल्या आहेत. उत्तर अटलांटिक महासागराच्या आसपास युरोपातील अनेक देश आहेत.
वृत्तानुसार, रशियाचे अध्यक्ष व्लादिमीर पुतिन यांनी पाश्चात्य देशांना गंभीर परिणाम भोगण्याची धमकी दिल्यानंतर एक दिवसानंतर उत्तर अटलांटिकमध्ये आण्विक पाणबुड्या पाठवल्या आहेत. युक्रेनवर आक्रमण झाल्यानंतर काही वेळातच पुतिन यांनी आपल्या आण्विक प्रतिबंधक दलांना सतर्क राहण्याचे आदेश दिले होते. आता 16 बॅलिस्टिक क्षेपणास्त्रे वाहून नेण्यास सक्षम असलेल्या अनेक रशियन पाणबुड्या उत्तर अटलांटिक महासागरात उतरल्या आहेत. पाश्चात्य गुप्तचर संस्था पुतीन यांच्या अण्वस्त्रांच्या साठ्यावर बारीक लक्ष ठेवून आहेत.
अलीकडच्या काळात रशियाच्या सीमांबाबत महत्त्वाकांक्षी असलेल्या पुतिन यांच्याकडे ४,४४७ अण्वस्त्रांसह जगातील सर्वात मोठे अण्वस्त्रे आहेत. यातील हजारो अण्वस्त्रे अशा प्रकारे विकसित करण्यात आली आहेत की, जे शत्रूचे खास ठिकाण पूर्णपणे नष्ट करू शकतात. तथापि ते व्यापक विनाश घडवत नाहीत. या शस्त्रांचा वापर करणे तितके सोपे नसले तरी रशियन शास्त्रज्ञ बॉम्ब आणि क्षेपणास्त्रांच्या बाबतीत अत्यंत निपुण असल्याचे लष्करी तज्ज्ञांचे मत आहे.
