मुंबई : सार्वजनिक बांधकाम (सार्वजनिक उपक्रम) मंत्री दादाजी भुसे यांनी वांद्रे- वर्सोवा सागरी मार्गाच्या कामाची पाहणी वांद्रे येथे केली. यावेळी महाराष्ट्र राज्य रस्ते विकास महामंडळाचे सहव्यवस्थापकीय संचालक अनिलकुमार गायकवाड, मुख्य अभियंता सुनील भुतडा, कार्यकारी अभियंता नितीन बोरोले व कंपनीचे अधिकारी उपस्थित होते.
याप्रसंगी मंत्री भुसे यांनी वांद्रे – वर्सोवा सागरी महामार्ग, जुहू जोडणी रस्ता, वर्सोवा जोडणी रस्ता, वांद्रे येथील जेट्टी बांधकामाची माहिती घेत सद्य:स्थिती जाणून घेतली. तसेच अधिकाऱ्यांकडून माहिती घेतली. कामाचे टप्पे करून प्राधान्यक्रम ठरविण्यात यावा, त्यानुसार कामाचे नियोजन करावे, अशा सूचनाही मंत्री भुसे यांनी यावेळी दिल्या.
