मुंबई : एकता कपूरच्या लोकप्रिय ‘कसौटी जिंदगी की’ या मालिकेतून टीव्ही जगतात पदार्पण केलेला अभिनेता प्राचीन चौहानला पोलिसांनी अटक केली आहे. प्राचीन चौहानवर तरुणीचा विनयभंग केल्याचा आरोप करण्यात आला आहे.
अभिनेता प्राचीन चौहान विरोधात पीडित तरुणीने मालाड पूर्व पोलीस ठाण्यात गुन्हा दाखल केला आहे. पीडित तरुणीच्या तक्रारीवरुन पोलिसांनी प्राचीन विरोधात कलम ३५४, ३४२,३२३,५०२(२) अशा अनेक कलमांतर्गत गुन्हा नोंदवून घेतला आहे. पोलिसांनी प्राचीनला अटक केली असून पोलिस पुढील चौकशी करत आहेत.
