भारताचा अष्टपैलू खेळाडू हार्दिक पांड्या आणि नताशा स्टँकोविच यांना ३० जुलै रोजी मुलगा झाला. हार्दिकने स्वत: ट्विट करून याबद्दल सांगितलं होतं. त्यानंतर हार्दिकने बाळाच्या हातात आपला हात असल्याचा फोटो पोस्ट करत साऱ्यांनी ही गोड बातमी सांगितली.
हार्दिकनं ही आनंदाची बातमी दिल्यानंतर बीसीसीआयनंदेखील त्याचं अभिनंदन केलं होतं. तसंच सर्व खेळाडू आणि हार्दिकच्या चाहत्यांनीही दोघांवर शुभेच्छांचा वर्षाव केला होता. त्यानंतर आता त्यानं आपल्या बाळासह रुग्णालयातील एक फोटो शेअर केला आहे. देवाकडून आम्हाला मिळालेलं सुंदर गिफ्ट असं कॅप्शन त्यानं या फोटोला दिलं.
