मुंबई : ‘बिग बॉस 14’ शोची बहुचर्चित स्पर्धक निक्की तांबोळी हिला कोरोनाची लागण झाली आहे. तिने स्वतः ही माहिती सोशल मीडियावर दिली आहे. तिने स्वत:ला विलगीकरणात ठेवल्याचे तिने सांगितले आहे.
निक्कीने म्हटलं की, ‘आज सकाळी मला कळले की, माझा कोरोना रिपोर्ट पॉझिटिव्ह आला आहे. मी स्वत:ला विलगीकरणात ठेवलेले आहे. मी डॉक्टरांच्या सल्ल्यानुसार सर्व नियमांचे पालन करून औषधोपचार घेत आहे. गेल्या काही दिवसात माझ्या संपर्कात आलेल्या लोकांना माझी विनंती आहे की, त्यांनी त्यांची स्वतःची कोरोना टेस्ट करुन घ्यावी. तुमचे प्रेम आणि समर्थनाबद्दल मी नेहमीच आभारी आहे. सुरक्षित रहा आणि नेहमी मास्क घाला. हात सॅनिटाइझ करा आणि सोशल डिस्टन्स पाळा.’
View this post on Instagram
