गुजरात : गुजरातमधील अहमदाबादमध्ये एक मोठी दुर्घटना घडली आहे. येथे बांधकाम सुरू असलेल्या इमारतीची लिफ्ट कोसळून आठ जणांचा दुर्दैवी मृत्यू झाला आहे. बांधकामाधीन इमारतीची ही लिफ्ट कशी कोसळली, याबाबत अद्याप कोणतीही माहिती समोर आलेली नाही.
पोलिसांनी दिलेल्या माहितीनुसार, गुजरात विद्यापीठाच्या कॅम्पसजवळ ही इमारत बांधली जात होती. अहमदाबाद झोन 1 च्या पोलिस उपायुक्त लविना सिन्हा यांनी सांगितले की, “प्राथमिक तपासात असे दिसून आले आहे की कामगारांना घेऊन जाणारी लिफ्ट सातव्या मजल्यावरून जमिनीवर पडली आणि त्यात आठ कामगारांचा मृत्यू झाला.”
