शिवसेनेचे सांगोल्याचे आमदार शहाजीबापू पाटील यांच्या “काय झाडी, काय डोंगार, काय हाटेल…” या वाक्याची सर्वत्र चर्चा आहे. बापूंच्या या डायलॉगने गुवाहाटीमधील आमदारांमध्ये चांगलाच हशा पिकवला. एकनाथ शिंदे यांनीच शहाजीबापूंकडे तो डायलॉग ऐकवण्याची विनंती केली. मग शहाजीबापूंनी देखील “काय झाडी, काय डोंगार, काय हाटील” हा डायलॉग ऐकवला.
एकनाथ शिंदे यांना आणि त्यांच्यासोबतचे सर्व आमदार आज हॉटेलच्या लॉबीत आले असता त्यांनी शहाजी बापूंचा डायलॉग ऐकलं आणि त्यांचं कौतुक केलं. यावेळी एकनाथ शिंदे यांनी बापूंकडे हा डायलॉग पुन्हा एकदा म्हणून दाखवण्याची फर्माईश केली. एकनाथ शिंदे यांनी विनंती केल्यानंतर बापू थोडे लाजले, अगोदर नाही म्हटले, पण उपस्थित आमदारांनी देखील उत्सुकता दाखवल्यावर बापूंनी देखील मग पुन्हा “काय झाडी, काय डोंगार, काय हाटेल…” हा डायलॉग म्हटला. उपस्थित सगळ्या आमदारांनी बापूंच्या डायलॉगला एकमताने दाद दिली आणि त्यांचं कौतुक केलं. त्यानंतर हा डायलॉग किती व्हायरल झाला आहे आणि त्याची लोकांनी कितीतरी गाणी तयार केली आहेत, हे देखील दाखवलं.
एकनाथ शिंदेंची शहाजीबापूंना फर्माईश, बापूंनी पुन्हा म्हटलं, “काय झाडी-काय डोंगार-काय हाटील…….!”@mieknathshinde @ShivSena @mataonline #MaharashtraPoliticalCrisis pic.twitter.com/Y14rvhNg3C
— Akshay Adhav | अक्षय आढाव (@Adhav_Akshay1) June 28, 2022
