मुंबई : एका 19 वर्षीय विवाहित महिलेवर 2 आरोपींनी चाकूचा धाक दाखवत पहाटे तिच्याच घरात सामूहिक बलात्कार केल्याची धक्कादायक घटना घडली आहे. मुंबईतील धारावी परिसरात ही घटना घडली. पीडितेने सांगितले की, 2 आरोपींनी चाकूचा धाक दाखवत तिला धमकावले आणि तिच्यावर अत्याचार केले. ओळख लपविण्यासाठी आरोपींनी चेहरे झाकलेले होते आणि आरोपींनी या संपूर्ण कृत्याचा व्हिडिओही बनवला आहे.
दरम्यान, पोलिसांनी प्रकरणाचा तपास सुरु केला. पोलिसांना आरोपी त्याच भागातील असावेत, असा संशय होता. धारावी पोलिसांनी परिसरातील सीसीटीव्हीही तपासले आणि त्यानंतर सामूहिक बलात्कारप्रकरणी दोघांना अटक केली आहे, असे मुंबई पोलिसांनी सांगितले. पुढील तपास सुरू आहे.
