A 22-year-old youth died after being hit by a train at Mumbra railway station

मुंब्रा रेल्वे स्थानकावर रेल्वेची जोरदार धडक बसल्याने 22 वर्षीय तरूणाचा मृत्यू, हृदय पिळवटून टाकणारी घटना…

ठाणे धुळे महाराष्ट्र

ठाणे : ठाणे जिल्ह्यातील मुंब्रा रेल्वे स्थानकावर रेल्वेची धडक बसल्याने 22 वर्षीय तरूणाचा मृत्यू झाल्याची दुर्दैवी घटना समोर आली आहे. ही घटना रेल्वेस्थानकावरील सीसीटीव्हीत कैद झाली आहे. धुळे जिल्ह्यातील वडजाई गावचा रामेश्वर भरत देवरे (वय 22) हा तरूण सैन्य भरतीसाठी मुंबईत आला होता. या भरतीसाठी वडजाई आणि परिसरातून सुमारे 25 तरुण गेलेले आहेत.

कमीत कमी शब्दांमध्ये मराठी बातम्यासाठी थोडक्यात घडामोडीच्या ट्विटर & फेसबुक फॉलो करा.

पोलिसांनी दिलेल्या माहितीनुसार, रामेश्वर देवरे मुंब्रा येथील लष्कर भरतीसाठी गेला होता. दरम्यान, मुंब्रा रेल्वे स्थानकावर रात्री 11 वाजता ही घटना फलाट क्रमांक-3 वर घडली. मुंब्रा रेल्वे स्थानकावर उभा असताना त्याला अचानक मळमळल्यासारखे जाणवले आणि उलटी आल्यासारखे वाटले. त्यामुळे तो धावत रेल्वे रुळाच्या दिशेने गेला आणि खाली बसला. उलटी होत असल्याने त्याने कानावर हात ठेवले होते. मात्र, याचवेळी सुसाट आलेल्या रेल्वेची त्याला जोरदार धडक बसली. त्यानंतर रामेश्वर सुमारे दहा ते बारा फुटापर्यंत लांब फेकला गेला. जोरदार धडकेत त्याच्या डोक्याच्या मागील बाजूस गंभीर दुखापत झाली आणि त्याचा जागीच मृत्यू झाला.

या घटनेनंतर रेल्वे पोलिस तेथे दाखल झाले. प्राथमिक तपासानंतर शवविच्छेदन करण्यात आले. त्यानंतर मध्यरात्री रुग्णवाहिका रामेश्वर याच्या गावी दाखल झाली. रामेश्वरच्या अशा अचानक मृत्यूने त्याच्या कुटुंबियांना आणि गावकऱ्यांना मोठा धक्का बसला असून गावात शोककळा पसरली आहे. रामेश्वर यांच्या पश्चात आई-वडील, मोठी बहिण व लहान भाऊ असा परिवार आहे.

Share this :

कमीत कमी शब्दांमध्ये मराठी बातम्यासाठी थोडक्यात घडामोडीच्या टेलीग्राम चैनलला जॉइन करा.

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत