दुबई : मुंबई इंडियन्सने यावर्षीच्या आयपीएलच्या जेतेपदाला देखील गवसणी घातली आहे. या अंतिम सामन्यात दिल्ली कॅपिटल्सने मुंबईच्या संघापुढे १५७ धावांचे आव्हान ठेवले होते. पण रोहितच्या धमाकेदार खेळीच्या जोरावर मुंबईने हे आव्हान सहजरित्या  पेलले आणि जेतेपद पटकावले. मुंबईचे हे पाचवे जेतेपद ठरले, आतापर्यंत आयीएलमध्ये एकाही संघाला पाचवेळा जेतेपद पटकावता आले नाही. मुंबईच्या संघाने पाच विकेट्स राखत सहज जेतेपद मिळवले.

Final. It’s all over! Mumbai Indians won by 5 wickets https://t.co/6kuxVfvInp #MIvDC #Dream11IPL #IPL2020

— IndianPremierLeague (@IPL) November 10, 2020

दिल्लीच्या १५७ धावांच्या आव्हानाचा पाठलाग करताना मुंबई इंडियन्सने पहिल्या षटकातच षटकारासह झोकात सुरुवात केली. रोहितने पहिल्याच षटकात षटकार लगावला. त्यानंतर दुसऱ्याच षटकात मुंबईने १८ धावा करत आपले इरादे स्पष्ट केले. मुंबईने पहिल्या चार षटकांमध्ये जवळपास १०च्या धावगतीने धावा केल्या. पण चौथ्या षटकाच्या पहिल्याच चेंडूवर मुंबईला पहिला धक्का बसला. मार्कस स्टॉइनिसने आपल्या पहिल्याच चेंडूवर मुंबईच्या क्विंटन डीकॉकला बाद केले. डीकॉकने १२ चेंडूंत तीन चौकार आणि एका षटकाराच्या जोरावर २० धावा केल्या.

CHAMPIONS!! #MumbaiIndians #Dream11IPL pic.twitter.com/iJVilrC9WX

— IndianPremierLeague (@IPL) November 10, 2020

मुंबईला पहिला धक्का बसल्यावर रोहित आणि सूर्यकुमार यादव यांची चांगली पार्टनरशिप जमली होती. पण रोहितच्या चुकीमुळे यादवला बाद व्हावे लागले. रोहित चेंडू मारत थेट धाव घेण्यासाठी धावत सुटला. त्याने यादवकडे पाहिले नाही. रोहितने अर्धी खेळपट्टी ओलांडली, पण यादव आपल्या जागेवरच थांबलेला होता. या गोष्टीचा फायदा दिल्लीच्या प्रवीण दुबेने घेतला आणि थेट चेंडू यष्टीरक्षक रिषभ पंतकडे दिला. रिषभने यावेळी सहजपणे यादवला धावचीत केले. यादव बाद होण्याचा धक्का मुंबईला बसला. पण रोहितने दुसऱ्या बाजूने जोरदार फटकेबाजी करत आपले अर्धशतकही पूर्ण केले.

श्रेयस अय्यर आणि रिषभ पंत यांच्या धडाकेबाज अर्धशतकांच्या जोरावर दिल्ली कॅपिटल्सच्या संघाला मुंबई इंडियन्सपुढे १५७ धावांचे आव्हान ठेवता आले होते. आयपीएलच्या आजच्या अंतिम फेरीत दिल्लीची ३ बाद २२ अशी अवस्था झाली होती. पण त्यानंतर अय्यर आणि पंत या दोघांनी धडाकेबाज खेळी करत मुंबईच्या गोलंदाजीवरच जोरदार हल्ला चढवला. अय्यर आणि पंत या दोघांनी अर्धशतके पूर्ण केली. या दोघांच्या दमदार फटकेबाजीमुळेच दिल्लीला मुंबईपुढे हे सन्मानजनक आव्हान ठेवता आले. श्रेयस अय्यरने यावेळी नाबाद ६५ धावांची धडाकेबाज खेळी केली.

A very well deserved Man of the Match award for @trent_boult ??#Dream11IPL #Final pic.twitter.com/In6vKc6xOZ

— IndianPremierLeague (@IPL) November 10, 2020

1. मॅन ऑफ द मॅच – ट्रेंट बोल्ट
2. इमर्जिंग प्लेअर – देवदत्त पडिक्कल
3. व्हॅल्युएबल प्लेअर – जोफ्रा आर्चर
4. पेटीएम फेअरप्ले अॅवॉर्ड – मुंबई इंडियन्स
5. सुपर स्ट्रायकर – कायरन पोलार्ड
6. मोस्ट सिक्सेस – इशान किशन
7. गेम चेंजर – केएल राहुल
8. ऑरेंज कॅप – केएल राहुल
9. पर्पल कॅप – कगिसो रबाडा

The post IPL 2020 MI vs DC : मुंबई इंडियन्सने पाचव्यांदा घातली आयपीएलच्या जेतेपदाला गवसणी appeared first on थोडक्यात घडामोडी.

अबुधाबी : आयपीएलच्या क्वालिफायर 2 मॅचमध्ये दिल्ली कॅपिटल्सचा विजय झाला. आता मुंबई इंडियन्स विरुद्ध दिल्ली कॅपिटल्स अशी फायनल होणार आहे. शिखर धवनची अर्धशतकी खेळी आणि शिमरॉन हेटमायरच्या फटकेबाजीच्या आधारावर दिल्ली कॅपिटल्सने सनरायजर्स हैदराबादला विजयासाठी 190 धावांचे आव्हान दिले. दिल्लीने निर्धारित 20 ओव्हरमध्ये 3 विकेट्स गमावून 189 धावा केल्या.

दिल्लीकडून शिखर धवनने 78 धावांची खेळी केली.  मार्कस स्टॉयनीसने 38 धावांची खेळी केली. कर्णधार श्रेयस अय्यरने 21 धावा केल्या. शिमरॉनने 42 धावा केल्या. मार्कस स्टॉयनीसने अष्टपैलू कामगिरी केली. आता १० नोव्हेंबरला अंतिम सामन्यात दिल्लीपुढे मुंबईचे आव्हान असणार आहे. मार्कस स्टोइनिस मॅन ऑफ द मॅच झाला. त्याने दिल्लीकडून फलंदाजी करताना २७ चेंडूत ३० धावा केल्या. यात पाच चौकार आणि एक षटकार होता. तसेच गोलंदाजी करताना ३ ओव्हरमध्ये २६ धावा देत सलामीवीर प्रियम गर्ग, मनिष पांडे आणि अर्धशतकवीर केन विल्यमसन या तिघांना बाद केले.

Here it is! @DelhiCapitals win by 17 runs and march into the finals of #Dream11IPL 2020. pic.twitter.com/RRL8Ez8x1h

— IndianPremierLeague (@IPL) November 8, 2020

१९० धावांच्या पाठलाग करताना हैदराबादचा कर्णधार डेव्हिड वॉर्नर २ धावांवर त्रिफळाचीत झाला. खेळपट्टीवर स्थिरावलेल्या प्रियम गर्ग (१७) आणि मनिष पांडे (२१) या दोघांना स्टॉयनीसने एका षटकात माघारी पाठवले. अनुभवी जेसन होल्डर मोठा फटका खेळण्याच्या प्रयत्नात ११ धावांवर बाद झाला. युवा अब्दुल समदसह महत्वपूर्ण भागीदारी करत विल्यमसनने अर्धशतक पूर्ण केलं. पण त्याचे प्रयत्न तोकडे पडले. सनरायजर्स हैदराबाद २० ओव्हरमध्ये ८ बाद १७२ धावा करू शकले. यामुळे क्वालिफायर टू मॅचमध्ये दिल्ली कॅपिटल्सचा १७ धावांनी विजय झाला.

The post DC vs SRH दिल्लीचा विजय; अंतिम सामन्यात मुंबईशी भिडणार appeared first on थोडक्यात घडामोडी.

अबु धाबीच्या मैदानावर झालेल्या सामन्यात हैदराबादने विराट कोहलीच्या रॉयल चॅलेंजर्स बंगळुरुवर ६ गडी राखून मात केली. या पराभवासह RCB चं स्पर्धेतलं आव्हानही संपुष्टात आलं आहे. विजयासाठी दिलेलं १३२ धावांचं हैदराबादकडून विल्यमसन-होल्डरने संयमी फलंदाजी करत पूर्ण केलं. विल्यमसनने नाबाद अर्धशतक झळकावत संघाच्या विजयात मोलाचा वाटा उचलला. अखेरच्या षटकापर्यंत मैदानावर टिकून राहत विल्यमसनने नाबाद ५० धावा केल्या. त्याला होल्डरने २४ धावा करत मोलाची साथ दिली.

RCB ने विजयासाठी दिलेल्या १३२ धावांचा पाठलाग करण्यासाठी आलेल्या हैदराबादच्या संघाची सुरुवातही खराब झाली. मोहम्मद सिराजने आपल्या पहिल्याच षटकात श्रीवत्स गोस्वामीला माघारी धाडलं. मोहम्मद सिराजने डेव्हिड वॉर्नरला माघारी धाडलं. दुसऱ्या विकेटसाठी वॉर्नरने पांडेसोबत ४१ धावांची भागीदारी केली. यानंतर मनिष पांडेही झॅम्पाच्या गोलंदाजीवर मोठा फटका खेळण्याच्या प्रयत्नात माघारी परतला. त्याने २४ धावा केल्या. युवा प्रियम गर्गला चहलने आपल्या जाळ्यात अडकवत हैदराबादला आणखी एक धक्का दिला. त्यानंतर केन विल्यमसनने सावध खेळ करत डाव सावरला. जेसन होल्डरने विल्यमसनला साथ दिली. बंगळुरुकडून मोहम्मद सिराजने २ तर झॅम्पा आणि चहलने प्रत्येकी १-१ बळी घेतला.

त्याआधी, हैदराबादच्या गोलंदाजांच्या भेदक माऱ्यामुळे RCB चा संघ फक्त १३१ धावांपर्यंत मजल मारु शकला. एबी डिव्हीलियर्सचा अपवाद वगळता RCB चा एकही फलंदाज हैदराबादच्या गोलंदाजांचा सामना करु शकला नाही. डिव्हीलियर्सने एकाकी झुंज देत अर्धशतकी खेळी करत संघाला सन्मानजनक धावसंख्या गाठून दिली. हैदराबादकडून जेसन होल्डरने ३, टी. नटराजनने २ तर शाहबाज नदीमने १ बळी घेतला.

नाणेफेक जिंकून हैदराबादचा कर्णधार डेव्हिड वॉर्नरने प्रथम गोलंदाजी करण्याचा निर्णय घेतला. कर्णधार विराट कोहली स्वतः फलंदाजीसाठी सलामीला आला. परंतू दुसऱ्याच षटकात जेसन होल्डरने विराट कोहलीला(6) यष्टीरक्षक श्रीवत्स गोस्वामी करवी झेलबाद केलं. देवदत पडीकलही लगेचच माघारी परतला. होल्डरच्या गोलंदाजीवर प्रियम गर्गने त्याचा झेल घेतला. RCB चा संघ संकटात सापडलेला असताना फिंच आणि डिव्हीलियर्स यांनी महत्वपूर्ण भागीदारी करत संघाचा डाव सावरला. दोन्ही फलंदाजांनी तिसऱ्या विकेटसाठी ४१ धावांची भागीदारी केली. शाहबाद नदीमने फिंचला(३२) आपल्या जाळ्यात अडकवत RCB ला तिसरा धक्का दिला. यानंतर त्याच षटकात मोईन अली फ्रि-हीटवर धावबाद होऊन माघारी परतला. सोळाव्या षटकात RCB ने शतकी धावसंख्येचा टप्पा ओलांडला. याच षटकात चौकार लगावत डिव्हीलियर्सने आपलं अर्धशतकही झळकावलं. अखेरच्या षटकांत फटकेबाजी करण्याच्या नादात डिव्हीलियर्स(56) नटराजनच्या यॉर्करवर माघारी परतला.

That’s that from Eliminator.@SunRisers win by 6 wickets. They will face #DelhiCapitals in Qualifier 2 at Abu Dhabi.

Scorecard – https://t.co/XBVtuAjJpn #Dream11IPL #Eliminator pic.twitter.com/HKuxBFEccG

— IndianPremierLeague (@IPL) November 6, 2020

The post IPL 2020 : सनरायजर्स हैदराबादचा ६ गडी राखून विजय; बंगळुरूचे आव्हान संपुष्टात appeared first on थोडक्यात घडामोडी.

IPL 2020 MI vs DC: दिल्ली विरूद्ध मुंबई  सामन्यात धडाकेबाज कामगिरी करत मुंबई इंडियन्सने अंतिम फेरीत प्रवेश केला. मुंबईने २०० धावांपर्यंत मजल मारली होती. या आव्हानाचा पाठलाग करताना मुंबईच्या गोलंदाजांनी दिल्लीचं १४३ धावांवर रोखलं. जसप्रीत बुमराहने १४ धावांत ४ बळी घेत संघाला ५७ धावांनी विजय मिळवून दिला. ट्रेंट बोल्टनेही ९ धावांत २ बळी टिपत विजयात मोलाचा वाटा उचलला.

Qualifier 1. It’s all over! Mumbai Indians won by 57 runs https://t.co/E4FTqjK95p #MIvDC #Dream11IPL #IPL2020

— IndianPremierLeague (@IPL) November 5, 2020

नाणेफेक जिंकून दिल्लीने प्रथम गोलंदाजीचा निर्णय घेतला. कर्णधार रोहित पहिल्याच चेंडूवर पायचीत झाला. डी कॉक-सूर्यकुमार यादव जोडीने चांगली भागीदारी केली. क्विंटन डी कॉक ४० धावांवर झेलबाद झाला. त्याने ५ चौकार आणि १ षटकार लगावला. तर सूर्यकुमार यादव अर्धशतकानंतर लगेचच ५१ धावांवर माघारी परतला. कायरन पोलार्ड (०), कृणाल पांड्या (१३) देखील लवकर बाद झाले. किशनने ३० चेंडूत नाबाद ५५ धावा केल्या. हार्दिकने १४ चेंडूत नाबाद ३७ धावा केल्या.

२०१ धावांच्या विशाल आव्हानाचा पाठलाग करताना पहिल्या षटकातच दिल्लीला दोन धक्के बसले. पृथ्वी शॉ आणि अजिंक्य रहाणे दोघेही शून्यावर माघारी परतले. दमदार फॉर्मात असलेला शिखर धवनही शून्यावर बाद झाला. त्यामुळे दिल्लीची अवस्था शून्य धावांवर ३ गडी बाद अशी झाली. कर्णधार श्रेयस अय्यर (१२) आणि ऋषभ पंत (३) देखील परतले. त्यानंतर मार्कस स्टॉयनीस आणि अक्षर पटेल जोडीने काही काळ संघर्ष केला. स्टॉयनीसने लढाऊ वृत्ती दाखवत ६५ धावांची खेळी केली. अक्षर पटेलनेही फलंदाजीत दम दाखवत ४२ धावांची जोरदार खेळी केली. पण अखेर त्यांना ५७ धावांनी पराभव स्वीकारावा लागला.

The post दिल्लीचा धुव्वा उडवत मुंबईचा दणदणीत विजय; मुंबईची फायनलमध्ये धडक appeared first on थोडक्यात घडामोडी.

IPL 2020 Match 55 DC vs RCB : दिल्ली कॅपिटल्सने रॉयल चॅलेंजर्स बंगळुरू विरुद्धची मॅच ६ विकेट राखून जिंकली. या विजयामुळे मुंबई इंडियन्स पाठोपाठ दिल्ली कॅपिटल्स आणि रॉयल चॅलेंजर्स बंगळुरू या टीम आयपीएल २०२० स्पर्धेच्या ‘प्ले ऑफ’मध्ये दाखल झाल्या. अजिंक्य रहाणे (६०) आणि शिखर धवन (५४) यांनी केलेल्या अर्धशतकांमुळे दिल्लीच्या संघाने विजय मिळवत गुणतालिकेत दुसरं स्थान पटकावलं.

That’s that from Match 55.@DelhiCapitals win by 6 wickets and book the No.2 spot in #Dream11IPL 2020 Points Table. pic.twitter.com/QGkcH0TNtF

— IndianPremierLeague (@IPL) November 2, 2020

प्रथम फलंदाजी करताना बंगळुरूचा सलामीवीर जोशुआ फिलीप १२ स्वस्तात बाद झाला. विराट २९ धावा करून माघारी परतला. त्यानंतर पडीकलने डीव्हिलियर्सच्या साथीने भागीदारी करत डाव सावरला. पडीकलने ५० धावा केल्या. डीव्हिलियर्सने फटकेबाजी केली आणि ३५ धावा करून बाद झाला. त्यामुळे संघाला १५२ पर्यंतच मजल मारता आली. दिल्लीकडून एनरिक नॉर्येने ३, कगिसो रबाडाने २ तर अश्विनने १ बळी टिपला.

We have the three qualifiers for #Dream11IPL 2020.

Who will take the vacant spot? pic.twitter.com/6PkxK6nzsa

— IndianPremierLeague (@IPL) November 2, 2020

The post दिल्लीने बंगळुरू विरुद्धची मॅच ६ विकेट राखून जिंकली; बंगळुरूलाही प्लेऑफचं तिकीट appeared first on थोडक्यात घडामोडी.

अबू धाबी : बेंगळूरु आणि दिल्ली यांच्यात आज होणाऱ्या ‘आयपीएल’ लढतीत विजयी प्ले-ऑफ आपले स्थान पक्के करेल ,संघांदरम्यानच्या लढतीला उपांत्यपूर्व फेरीच्या लढतीचे स्वरुप प्राप्त झाले आहे. कारण हरणाऱ्या संघाचा बाद फेरीचा मार्ग बिकट होऊ शकेल. परिणामी पराभूत संघाचे आव्हान संपुष्टात येऊ शकेल किंवा बिकट होईल.या

आयपीएल’च्या पूर्वार्धात दिमाखदार प्रारंभ करणाऱ्या बेंगळूरु आणि दिल्ली या दोन्ही संघांनी मागील अनुक्रमे चार आणि तीन सामने गमावले आहेत. त्यामुळेच आजच्या सामन्याला उपांत्यपूर्व फेरीचेच स्वरूप प्राप्त झाले आहे. सलामीच्या स्थानांसाठीचे अस्थर्य ही दिल्लीची प्रमुख चिंता आहे. शिखर धवनला पृथ्वी शॉ आणि अजिंक्य रहाणे हे दोघेही तोलामोलाची साथ देऊ शकलेले नाही. धवनने दोन सलग शतकांनिशी सूर गवसल्याची ग्वाही दिली, पण मागील तीन सामन्यांत तो अनुक्रमे ०, ० आणि ६ धावांवर झगडताना आढळला आहे.

मजबूत बाजू :

1. दिल्ली : धवन, श्रेयस अय्यर व ऋषभ पंत यांच्या समावेशामुळे फलंदाजी मजबूत. रबाडा भेदक मारा करण्यास सक्षम.
2. बँगलोर : कोहली, डिव्हिलियर्स यांच्या समावेशामुळे फलंदाजी मजबूत. फिरकीपटू चहल व वाॅशिंग्टन सुंदर प्रतिस्पर्धी फलंदाजांवर वर्चस्व गाजवण्यास सक्षम.

कमजोर बाजू

1. दिल्ली : नियमित सलामी जोडीचा अभाव. पृथ्वी शॉ व अजिंक्य राहणे यांनी धवनसोबत सलामीला जोडी बनविली, पण त्यांना कामगिरीत सातत्य राखता आले नाही. धवन गेल्या तीन सामन्यात अपयशी. मधली फळीही विशेष यशस्वी ठरली नाही.
2. बँगलोर : कोहली व डिव्हिलियर्स गेल्या दोन लढतींमध्ये अपयशी.

The post दिल्ली, बँगलोरच्या सामन्याला उपांत्यपूर्व फेरीचेच स्वरूप, विजयी संघ द्वितीय स्थानी; जाणून घेऊयात संघांविषयी appeared first on थोडक्यात घडामोडी.

IPL 2020, KKR vs RR : राजस्थान रॉयल्स विरुद्धच्या मॅचमध्ये कोलकाता नाईट रायडर्सचा 60 रन्सने विजय झाला आहे. राजस्थान रॉयल्सच्या टीमने 20 ओव्हर्समध्ये नऊ विकेट्स गमावत 131 रन्स केले . कोलकाता नाईट रायडर्सकडून पॅट कमिन्स याने जबरदस्त बॉलिंग करत चार ओव्हर्समध्ये 34 रन्स देत चार विकेट्स घेतल्या. शिवम मावी आणि वरुण चक्रवर्ती या दोघांनी प्रत्येकी दोन-दोन विकेट्स घेतल्या. शिवम मावी याने चार ओव्हर्समध्ये 15 रन्स देत दोन विकेट्स घेतल्या. वरुण चक्रवर्ती याने चार ओव्हर्समध्ये 20 रन्स देत दोन विकेट्स घेतल्या. तर कमलेश नागरकोट्टी याने एक विकेट घेतली.

राजस्थान रॉयल्सने टॉस जिंकत प्रथम बॉलिंग करण्याचा निर्णय घेतला. यानंतर बॅटिंगसाठी मैदानात आलेल्या कोलकाता नाईट रायडर्सच्या टीमने 20 ओव्हर्समध्ये सात विकेट्स गमावत 191 रन्स केले आणि राजस्थान समोर विजयासाठी 192 रन्सचं आव्हान दिलं. कोलकाता नाईट रायडर्सच्या टीमकडून ईऑन मॉर्गन याने जबरदस्त खेळी खेळली. मॉर्गन याने 35 बॉल्समध्ये नॉट आऊट राहत 68 रन्स केले. राहुल त्रिपाठीने 39 रन्स केले. शुभमन गिल याने 36 रन्स केले. आंद्रे रसेल याने 25 रन्स तर पॅट कमिन्स याने 15 रन्स केले.

राजस्थान रॉयल्सच्या टीमकडून राहुल तेवतिया याने सर्वाधिक विकेट्स घेतल्या. राहुल तेवतिया याने चार ओव्हर्समध्ये 25 रन्स देत तीन विकेट्स घेतल्या. कार्तिक त्यागी याने चार ओव्हर्समध्ये 36 रन्स देत दोन विकेट्स घेतल्या. तर जोफ्रा आर्चर आणि श्रेयस गोपाल या दोघांनी प्रत्येकी एक-एक विकेट घेतली.

#KKR win by 60 runs to keep their hopes alive in #Dream11IPL 2020. pic.twitter.com/aISfVK98zJ

— IndianPremierLeague (@IPL) November 1, 2020

कोलकाताने दिलेलं आव्हान गाठण्यासाठी मैदानात उतरलेल्या राजस्थान रॉयल्सची सुरुवात खूपच खराब झाली. ओपनर बॅट्समन रॉबिन उथप्पा अवघ्या सहा रन्सवर माघारी परतला. त्यानंतर बेन स्टोक्स हा 18 रन्स करुन आऊट झाला. त्यापाठोपाठ स्टिव्ह स्मिथ चार रन्स तर संजू सॅमसन एक रन करुन आऊट झाला. मग आलेल्या जॉस बटलरने टीमला सावरण्याचा प्रयत्न केला. मात्र, बटलर सुद्धा 35 रन्सवर आऊट झाला. रियान पराग शून्यावर आऊट झाला. राहुल तेवतिया याने 31 रन्स, जोफ्रा आर्चरने सहा रन्स केले. श्रेयस गोपाळ याने नॉट आऊट राहत 23 रन्स केले.

The post कोलकाता नाईट रायडर्सचा 60 रन्सने दणदणीत विजय; राजस्थान रॉयल्सचं आव्हान संपुष्टात appeared first on थोडक्यात घडामोडी.

IPL २०२० : कर्णधार महेंद्रसिंग धोनीने नाणेफेक जिंकून गोलंदाजीचा निर्णय घेतला. किंग्स इलेव्हन पंजाबने दिलेल्या १५४ धावांच्या आव्हानाचा चेन्नई सुपरकिंग्सने यशस्वी पाठलाग केला. चेन्नईने १८.५ ओव्हरमध्ये १ बाद १५४ धावा केल्या.  पुणेकर ऋतुराज गायकवाडने सलग तिसरं अर्धशतक झळकावत चेन्नईला दणदणीत विजय मिळवून दिला.

#CSK end their #Dream11IPL 2020 campaign on a winning note.

Beat #KXIP by 9 wickets who are now out of the Playoffs race.#Dream11IPL pic.twitter.com/Pt512ByZat

— IndianPremierLeague (@IPL) November 1, 2020

कर्णधार महेंद्रसिंग धोनीने नाणेफेक जिंकली आणि प्रथम पंजाबला फलंदाजीसाठी आमंत्रित केलं. पंजाबच्या सलामीवीरांनी चांगली सुरूवात केली. पण अर्धशतकी भागीदारी करण्याआधीच मयंक २६ धावांवर बाद झाला. पाठोपाठ लोकेश राहुलही २९ धावांवर माघारी परतला. त्यानंतर पंजाबने ठराविक अंतराने गडी गमावले. ख्रिस गेल (१२), निकोलस पूरन (२) स्वस्तात तंबूत गेले. मनदीप सिंगही १४ धावा काढून बाद झाला. पण दीपक हुड्डाने एक बाजू लावून धरत २६ चेंडूत दमदार अर्धशतक ठोकलं. त्याने नाबाद ६२ धावा केल्या आणि संघाला १५३ धावांपर्यंत मजल मारून दिली. चेन्नईकडून लुंगी एन्गीडीने ३ तर शार्दुल ठाकूर, जाडेजा आणि इमरान ताहीरने १-१ बळी टिपला.

या आव्हानाचा पाठलाग करताना फाफ डु प्लेसिस आणि ऋतुराज गायकवाड जोडीने चेन्नईला धडाकेबाज सलामी मिळवून दिली. या दोघांनी ८२ धावांची भागीदारी केली, पण डु प्लेसिसला अर्धशतकाने हुलकावणी दिली. तो ४८ धावा काढून माघारी परतला. त्यानंतर ऋतुराज गायकवाडने आपली दमदार फलंदाजी सुरूच ठेवली आणि सलग तिसरं अर्धशतक झळकावलं. रायडूच्या साथीने त्याने चेन्नईला ९ गडी राखून दणदणीत विजय मिळवून दिला. ऋतुराजने ६२ धावा केल्या. रायडूनेही नाबाद ३० धावा केल्या.

The post चेन्नईचा ९ विकेट राखून विजय; ऋतुराज गायकवाड पुन्हा चमकला appeared first on थोडक्यात घडामोडी.

IPL २०२० : सनरायजर्स हैदराबादच्या टीमने 14.1 ओव्हर्समध्ये पाच विकेट्स गमावत बंगळुरूवर विजय मिळवला आहे.हैदराबादचा ओपनर बॅट्समन डेव्हिड वॉर्नर हा अवघ्या आठ रन्सवर आऊट झाला. यानंतर वृद्धीमान सहा आणि मनिष पांडे या दोघांनी टीमला सावरत चांगली पार्टनरशिप केली. मनिष पांडे 26 रन्सवर आऊट झाला. त्यानंतर साहा सुद्धा 39 रन्सवर आऊट झाला. यानंतर केन विल्यम्सन सुद्धा आठ रन्स करुन माघारी परतला. मग, जेसन होल्डर याने दमदार बॅटिंग करत टीमला विजय मिळवून दिला.

Match 52. It’s all over! Sunrisers Hyderabad won by 5 wickets https://t.co/CLIIZwApll #RCBvSRH #Dream11IPL #IPL2020

— IndianPremierLeague (@IPL) October 31, 2020

वृद्धिमान साहा आणि मनिष पांडे यांनी हैदराबादचा डाव सावरला. त्यांनी ३२ चेंडूत ५० धावांची भागीदारी केली. मनिष पांडे २६ धावांवर बाद झाला. पाठोपाठ साहा ३९ धावांवर बाद झाला. त्यानंतर केन विल्यमसन ८ आणि अभिषेक शर्मा ८ झटपट माघारी परतले. पण जेसन होल्डरने नाबाद २६ धावा केल्या.

A 5-wicket win and two crucial points in the bag for @SunRisers ??#Dream11IPL pic.twitter.com/rsuO6svtVx

— IndianPremierLeague (@IPL) October 31, 2020

बंगळुरूच्या टीमने 20 ओव्हर्समध्ये सात विकेट्स गमावत अवघे 120 रन्स केले आणि सनरायजर्स हैदराबाद समोर विजयासाठी 121 रन्सचं आव्हान दिलं.बंगळुरूच्या टीमकडून जोश फिलिप याने 31 बॉल्समध्ये 32 रन्स केले. एबी डिव्हिलियर्सने 24 रन्स, वॉशिंग्टन सुंदरने 21 रन्स, गुरकीरत मन सिंग याने 15 रन्स केले. विराट कोहली सात रन्स, देवदत्त पड्डीकल पाच रन्स तर क्रिस मॉरिस तीन रन्सवर आऊट झाला.

The post हैदराबादचा बंगळुरूवर 5 विकेट्सने दणदणीत विजय, बंगळुरूची प्ले-ऑफची वाट अधिक खडतर appeared first on थोडक्यात घडामोडी.

IPL 2020 : MI vs DC मुंबई इंडियन्सने दिल्ली कॅपिटल्सवर ९ गडी राखून विजय मिळवला आहे. प्ले-ऑफचं तिकीट मिळवलेल्या मुंबईने दिल्लीवर मात करत इतर संघांसाठीची शर्यत अधिक रंगतदार केली आहे. दिल्ली कॅपिटल्सने दिलेले १११ धावांचे आव्हान मुंबई इंडियन्सने १४.२ ओव्हरमध्येच पूर्ण केले. मुंबईने १ विकेट गमावून १११ धावा केल्या आणि मॅच ९ विकेट राखून जिंकली. या विजयामुळे मुंबईचे १८ पॉइंट्स झाले.

मुंबई इंडियन्सने धावांचा पाठलाग करताना छान सुरुवात केली. सलामीला आलेल्या इशान किशन आणि क्विंटन डी कॉक या जोडीने ६८ धावांची भागीदारी केली. डी कॉक २६ धावा करुन एनरिच नॉर्टजेच्या चेंडूवर क्लीनबोल्ड झाला. यानंतर इशान किशन आणि सूर्यकुमार यादव यांनी शेवटपर्यंत विकेट जाणार नाही याची काळजी घेत विजयावर शिक्कामोर्तब केले. सलामीवीर इशार किशनने ४७ चेंडूत आठ चौकार आणि तीन षटकारांच्या जोरावार नाबाद ७२ धावा केल्या. सूर्यकुमारने नाबाद १२ धावा केल्या. शनदार अर्धशतक झळकावणारा इशान किशन मॅन ऑफ द मॅच झाला.

An emphatic win for @mipaltan as they beat #DC by 9 wickets.@ishankishan51 with an unbeaten knock of 72.

Scorecard – https://t.co/8MWEaoY1Qn #Dream11IPL pic.twitter.com/nSydSGOkii

— IndianPremierLeague (@IPL) October 31, 2020

कर्णधार श्रेयस अय्यर आणि ऋषभ पंत यांनी तिसऱ्या विकेटसाठी ३५ धावांची भागीदारी करत संघाचा डाव सावरण्याचा प्रयत्न केला. दिल्लीची ही जोडी फोडण्यासाठी कर्णधार पोलार्डने राहुल चहरला संधी दिली. चहरनेही आपल्या लेगस्पिनच्या जाळ्यात दिल्लीच्या कर्णधाराला अडकवत संघाला मोठं यश मिळवून दिलं. यानंतर दिल्लीच्या डावाला लागलेली गळती थांबलीच नाही. बुमराह, चहर, बोल्ट, कुल्टर-नाईल यांनी एकामागोमाग एक दिल्लीला धक्के देणं सुरु ठेवलं. स्टॉयनिस, ऋषभ पंत, हर्षल पटेल, शेमरॉन हेटमायर यांनीही फटकेबाजी करण्याच्या प्रयत्नात आपल्या विकेट फेकल्या. मुंबईकडून जसप्रीत बुमराह आणि ट्रेंट बोल्ट यांनी प्रत्येकी ३-३ तर कुल्टर-नाईल आणि चहर यांनी १-१ बळी घेतला.

The post मुंबई इंडियन्सचा ९ विकेट राखून विजय, इशान किशनची दमदार खेळी appeared first on थोडक्यात घडामोडी.