IPL डबल हेडर : इंडियन प्रीमियर लीग (IPL) च्या 17 व्या हंगामातील पहिला डबल हेडर आज खेळवला जाणार आहे. दिवसाच्या पहिल्या सामन्यात पंजाब किंग्जचा सामना दिल्ली कॅपिटल्सशी मोहाली येथे दुपारी 3.30 वाजता होणार आहे. या सामन्याचा नाणेफेक महाराजा यादवेंद्र सिंग आंतरराष्ट्रीय क्रिकेट स्टेडियमवर दुपारी ३.०० वाजता होणार आहे.

पंजाब किंग्जचा सामना दिल्ली कॅपिटल्सशी मोहालीतील नवीन स्टेडियम महाराजा यादवेंद्र सिंग स्टेडियममध्ये खेळवला जाईल. आयपीएलमध्ये पहिल्यांदाच येथे हा सामना खेळवला जाणार आहे. रिषभ पंत 30 डिसेंबर 2022 रोजी कार अपघातात जखमी झाल्यापासून आयपीएलमध्ये टीम इंडिया किंवा दिल्लीकडून खेळू शकला नव्हता. या सामन्याद्वारे ऋषभ पंत स्पर्धात्मक क्रिकेटमध्ये पुनरागमन करेल.

दुसऱ्या सामन्यात दोन वेळचा चॅम्पियन कोलकाता नाईट रायडर्सचा सामना 2016 च्या चॅम्पियन सनरायझर्स हैदराबादशी होणार आहे. हा सामना संध्याकाळी ७.३० वाजता कोलकाता येथील ईडन गार्डन्स स्टेडियम येथे होणार आहे.

ऋषभ पंतचे पुनरागमन
ऋषभ पंतचा कार अपघात झाला होता. त्यानंतर ऋषभ पंत आयपीएलच्या माध्यमातून क्रिकेटमध्ये पुनरागमन करत आहे. अशा परिस्थितीत प्रत्येक चाहत्याची नजर त्याच्या कामगिरीवर असेल. आयपीएलपाठोपाठ यंदा टी-२० विश्वचषकही आहे. पंतने आयपीएलमध्ये यष्टिरक्षण आणि फलंदाजीमध्ये चांगली कामगिरी केली तर त्याचा विश्वचषकात समावेश केला जाऊ शकतो, असे बीसीसीआयचे सचिव जय शहा यांनी म्हटले आहे.

The post IPL डबल हेडर : आज पंजाब किंग्ज आणि दिल्ली कॅपिटल्समध्ये पहिला सामना, कोलकाता नाईट रायडर्स आणि सनरायझर्स हैदराबाद यांच्यात दुसरा सामना appeared first on थोडक्यात घडामोडी.

मुंबई : महेंद्रसिंह धोनी पुन्हा कॅप्टन होताच पहिल्याच मॅचमध्ये चेन्नई सुपर किंग्सनं विजय मिळवला आहे. रविवारी पुण्यात झालेल्या लढतीमध्ये सीएसकेनं सनरायझर्स हैदराबादचा 13 रननं पराभव केला. हा आयपीएल सिझन सुरू होण्यापूर्वी रविंद्र जडेजाची चेन्नईच्या कॅप्टनपदी नियुक्ती करण्यात आली होती. पण, जडेजानं आठ मॅचमधील खराब कामगिरीनंतर कॅप्टनसी सोडण्याचा निर्णय घेतला.

हैदराबाद विरूद्ध विजय मिळाल्यानंतर धोनी म्हणाला, “जडेजाला मागच्या सिझनमध्येच तो यंदा कॅप्टन होणार हे माहिती होतं. त्याच्याकडे तयारीसाठी पुरेसा वेळ होता. मी पहिल्या 2 मॅचमध्ये जडेजाला मदत केली. त्यानंतर कुणी कोणत्या साईडनं बॉलिंग करायची, तसंच अन्य सर्व निर्णय मी त्याच्यावर सोपवले. तो फक्त टॉससाठी कॅप्टन असावा असं मला वाटत नाही. स्पून फिडिंग केल्यानं कॅप्टनला मदत होत नाही. मैदानावर त्याला महत्त्वाचे निर्णय घ्यायचे असतात. त्याची जबाबदारी त्यानंच घेणं आवश्यक आहे. एकदा कॅप्टन झाल्यावर अनेक गोष्टींवर लक्ष द्यावं लागतं. त्यामध्ये स्वत:च्या खेळाचाही समावेश असतो. माझ्या मते कॅप्टनसीचा त्याच्या तयारीवर परिणाम झाला. त्याची बॅटींग आणि बॉलिंग पूर्वीच्या पद्धतीनं होत नव्हती. आम्ही डिप मिडविकेटला आम्ही एक चांगल्या फिल्डरलाही मिस करत होतो. आम्ही या सिझनमध्ये 17 ते 18 कॅच सोडल्या आहेत. हा काळजीचा विषय आहे. आम्ही लवकरच यामध्ये सुधारणा करण्याचा प्रयत्न करू.”

आयपीएलच्या या सामन्याआधी रवींद्र जडेजाने सीएसकेची कॅप्टन्सी सोडली होती, त्यामुळे टीमने पुन्हा एकदा धोनीला कर्णधार केलं. यानंतरच्या सामन्यात सीएसकेला विजय मिळाला. यंदाच्या आयपीएलमधला 9 मॅचमधला सीएकेचा हा तिसरा विजय आहे. पॉईंट्स टेबलमध्ये चेन्नईची टीम नवव्या क्रमांकावर आहे.

The post सर्व स्पून फीडिंग शक्य नाही.. धोनीनं सांगितलं जडेजाने कॅप्टनशिप सोडण्याचे कारण… appeared first on थोडक्यात घडामोडी.

IPL 2021 : आज चेन्नई सुपर किंग्ज (CSK) आणि सनरायझर्स हैदराबाद यांच्यात सामना रंगणार आहे. आज सायंकाळी ७.30 वाजल्यापासून शारजाहमध्ये हा सामना खेळवला जाईल.

धोनीच्या नेतृत्वात चेन्नईने 10 सामन्यांत 16 गुणांसह प्ले-ऑफमध्ये आपले स्थान जवळजवळ निश्चित केले आहे. दुसरीकडे हैदराबाद संघाला 10 सामन्यात फक्त 4 गुण मिळवता आले आहेत. हैदराबादकडे अजूनही प्लेऑफमध्ये स्थान मिळवण्याची शक्यता आहे, परंतु वास्तविकता अशी आहे की संघ अंतिम -4 मध्ये पोहोचण्याच्या स्पर्धेतून जवळजवळ बाहेरच पडला आहे आणि उर्वरित सामने ते सन्मानाची लढाई म्हणून खेळतील.

हा सामना शारजाह क्रिकेट मैदानावर खेळवला जाणार आहे. येथे 2020 च्या आयपीएलमध्ये पहिल्या डावात सरासरी 178 धावा झाल्या होत्या, पण यावेळी नवीन खेळपट्टी बनवण्यात आली आहे जी खूप संथ आहे आणि शॉट्स खेळणे अवघड आहे. यामुळे फेज -2 मधील पहिल्या डावाचा सरासरी स्कोअर 136 वर आला आहे.

The post आज चेन्नई सुपर किंग्ज आणि सनरायझर्स हैदराबाद यांच्यात सामना appeared first on थोडक्यात घडामोडी.

मुंबई : आयपीएलचा 14 च्या मोसमात सनरायजर्स हैदराबादची कामगिरी लौकिकाला साजेशी नव्हती. हैदराबादचा संघ गुणतालिकेत तळाशी राहिला. संपूर्ण टीम विजयासाठी संघर्ष करताना दिसली. संघाचा संघनायक डेव्हिड वॉर्नर त्याच्या फॉर्मशी झगडत होता. संघाच्या खराब प्रदर्शनामुळे डेव्हिड वॉर्नरला टीकेला सामोरं जावं लागलं. प्रसंगी त्याच्याकडून संघाचं नेतृत्व काढून घेऊन केन विल्यमसनकडे देण्यात आलं. या साऱ्या प्रकारानंतर अनेक दिग्गजांनी डेव्हिड वॉर्नरवर टीकेचा भडीमार केला. भारताचा माजी अष्टपैलू खेळाडू इरफान पठाणने देखील हैदराबादच्या खराब खेळाला वॉर्नरलाच जबाबदार धरलं आहे.

इरफान पठाण म्हणाले कि, सनरायजर्स हैदराबादचं यंदाच्या वर्षी मला आश्चर्य वाटलं. हैदराबादचा संघ माझ्या चॉप 4 पैकी एक होता. सनरायजर्सच्या संघाची सगळ्यात प्रमुख समस्या ही त्यांची कॅप्टन्सी होती.वॉर्नर ज्याप्रकारे हैदराबादचं नेतृत्व करत होता किंवा बॅटिंग करत होता, त्यामुळे संघाला अडचणी आल्या. वॉर्नरने खराब नेतृत्व केल्यामुळेच केन विल्यमसनकडे संघाचं नेतृत्व दिलं गेलं. टीम मॅनेजमेंट वॉर्नरच्या कॅप्टन्सीवर समाधानी नव्हती किंबहुना नाराज होती.

The post मोठं वक्तव्य! हैदराबादच्या खराब खेळाला डेव्हिड वॉर्नरच जबाबदार – इरफान पठाण appeared first on थोडक्यात घडामोडी.

नवी दिल्ली : सनरायझर्स हैदराबादने IPL 2021 च्या उर्वरित सामन्यांसाठी न्यूझीलंडचा खेळाडू केन विल्यमसनला संघाचा नवा कर्णधार म्हणून नेमले आहे. या संघाचे नेतृत्व सध्या ऑस्ट्रेलियाचा खेळाडू डेव्हिड वॉर्नर करत आहे. मात्र, या मोसमातील सनरायझर्स हैदराबादची कामगिरी खूपच खराब आहे. हैदराबाद संघाला सहा सामन्यांपैकी पाच सामन्यांत पराभव पत्करावा लागला आहे.

आयपीएलच्या गुणतालिकेत हा संघ सध्या सर्वात खालच्या स्थानावर आहे. डेव्हिड वॉर्नर धावा करण्यासाठी संघर्ष करत असून तो सध्या फॉर्ममध्ये नाही. हैदराबादकडे इंग्लंडचा स्फोटक फलंदाज जेसन रॉयचा पर्याय आहे. त्यामुळे पुढील काही सामन्यांमध्ये डेव्हिड वॉर्नरच्या जागी जेसन रॉयला संघात स्थान मिळू शकते.

? Announcement ? pic.twitter.com/B9tBDWwzHe

— SunRisers Hyderabad (@SunRisers) May 1, 2021

सनरायझर्स हैदराबादने दिलेल्या निवेदनात म्हटले आहे की, सनरायझर्स हैदराबाद उद्याच्या सामन्यासाठी आणि आयपीएल 2021 च्या उर्वरित सामन्यांसाठी केन विल्यमसनकडे कर्णधारपदाची सूत्रे सोपवण्याची घोषणा करत आहे. राजस्थान रॉयल्सविरुद्ध उद्या होणाऱ्या सामन्यासाठी संयोजन बदलण्याचा निर्णय संघ व्यवस्थापनाने घेतला आहे, त्यामुळे वॉर्नरला प्लेइंग इलेव्हनमधून वगळले जाण्याची शक्यता असल्याचे संघाने म्हटले आहे.

आयपीएल मध्ये अर्ध्यातून कर्णधारपद काढून घेण्याची ही पहिलीच वेळ नाही. 2020 मध्ये कोलकाता संघानं कार्तिकला हटवून मॉर्गनकडे संघाचं नेतृत्व सोपवलं होतं. 2014 मध्ये हैदराबादनं शिखर धवनकडून कर्णधारपद काढून घेत डेरेन सॅमीकडे सोपवलं होतं. 2012 कुमार संगकारा, 2013 रिकी पॉटिंग, 2016 डेव्हिड मिलर आणि गौतम गंभीर यांनाही कर्णधारपदावरुन हाकलण्यात आलं होतं.

The post ब्रेकिंग : सनरायझर्स हैदराबादने डेव्हिड वॉर्नरला कर्णधारपदावरून हटवले, पुढील सामन्यात संघातून बाहेर? appeared first on थोडक्यात घडामोडी.

IPL २०२१ : आयपीएल २०२१ मधून दिल्ली कॅपिटल्सचा स्पिनर रविचंद्रन अश्विनने ब्रेक घेतला आहे. अश्विनचे ​​कुटुंब सध्या कोरोना विरुद्ध युद्ध लढा देत असून आपल्या कुटूंबाला आधार देण्यासाठी त्याने हा निर्णय घेतल्याचं सांगितलं आहे. काल (रविवारी) अश्विन सनरायझर्स हैदराबाद विरुद्धच्या सामन्यात खेळला, परंतु त्यानंतर त्याने ट्विटरच्या माध्यमातून सांगितले की या हंगामात तो आणखी खेळणार नाही.

I would be taking a break from this years IPL from tomorrow. My family and extended family are putting up a fight against #COVID19 and I want to support them during these tough times. I expect to return to play if things go in the right direction. Thank you @DelhiCapitals ??

— Stay home stay safe! Take your vaccine?? (@ashwinravi99) April 25, 2021

अश्विनने ट्विट करत म्हटले कि, ‘मी उद्यापासून आयपीएलच्या या मोसमात ब्रेक घेत आहे. माझे कुटुंब कोरोना विरुद्ध युद्ध लढा देत आहे आणि मला या कठीण काळात त्यांच्या बरोबर राहायचे आहे. जर गोष्टी सुधारल्या तर मी परत येईन. धन्यवाद दिल्ली कॅपिटल्स. ‘ दिल्ली कॅपिटल्स आणि सनरायझर्स हैदराबाद यांच्यातील सामना रविवारी चेन्नईच्या एमए चिदंबरम स्टेडियमवर खेळविण्यात आला, ज्यात सुपर ओव्हर झाली आणि दिल्ली कॅपिटल्सने सामना जिंकला.

The post IPL 2021 : दिल्ली कॅपिटल्सला मोठा धक्का, अश्विनने ‘या’ कारणासाठी घेतली IPL मधून माघार appeared first on थोडक्यात घडामोडी.

IPL २०२१ : आज होणाऱ्या डबल हेडर सामन्यात चेन्नई सुपर किंग्ज (CSK) आणि रॉयल चॅलेंजर्स बंगळुरू (RCB) यांच्यात दुपारी ३.३० वाजता सामना रंगणार आहे. मुंबई येथे होणारा हा सामना वानखेडे स्टेडियमवर खेळला जाईल. तर दिल्ली कॅपिटल्स (DC) आणि सनरायझर्स हैदराबाद यांच्यात रात्री ७.३० वाजता सामना खेळला जाईल.

विराट कोहलीच्या नेतृत्वात बंगळुरू संघाने हंगामात आतापर्यंतचे सर्व 4 सामने जिंकले आहेत. त्याचबरोबर सीएसकेने महेंद्रसिंग धोनीच्या नेतृत्वात 4 पैकी 3 सामने जिंकले आहेत. पॉईंट टेबलमध्ये आरसीबी अव्वल आहे, तर सीएसके नंबर -2 वर आहे. चेन्नई संघाने बंगळुरूवर नेहमीच वर्चस्व राखले आहे. आतापर्यंत दोघांमधील 27 सामन्यांमध्ये सीएसकेने 17 तर आरसीबीने केवळ 9 सामने जिंकले आहेत. एक सामना अनिश्चित होता.

आज डबल हेडरच्या दुसर्‍या सामन्यात दिल्ली कॅपिटल्सचा सामना सनरायझर्स हैदराबादशी होईल. या हंगामात चेन्नईत खेळला जाणारा हा शेवटचा सामना असेल. दिल्ली सध्या ४ पैकी ३ सामन्यांत विजय मिळवून 6 गुणांसह पॉईंट टेबलमध्ये तिसऱ्या क्रमांकावर आहे. त्याचबरोबर हैदराबादची टीम 4 सामन्यांमध्ये २ गुणांसह सातव्या क्रमांकावर आहे.

मागील मोसमप्रमाणे दिल्लीची टीम या वेळी चांगल्या लयीत दिसत आहे. ऋषभ पंतच्या नेतृत्वात दिल्लीने चेन्नई आणि मुंबई पंजाब या संघांचा पराभव केला आहे. मात्र राजस्थानकडून त्यांना पराभवाचा सामना करावा लागला आहे.

डेव्हिड वॉर्नरचे अवघा 1 षटकार मारताच आयपीएल कारकिर्दीत 200 षटकार पूर्ण होणार आहेत. याखेरीज त्याने आज अर्धशतक ठोकले तर स्पर्धेत त्याच्या नावे 50 अर्धशतक पूर्ण होतील. तसेच वॉर्नर टी -20 क्रिकेटमध्ये 10,000 धावा पूर्ण करण्यापासून अवघ्या 46 धावा दूर आहे.

The post IPL डबल हेडर : आज दुपारी चेन्नई आणि बेंगळुरू यांच्यात सामना, तर रात्री दिल्ली आणि हैदराबाद यांच्यात सामना appeared first on थोडक्यात घडामोडी.

IPL 2021 : आयपीएलच्या १४व्या हंगामात आज होणाऱ्या डबल हेडर मध्ये पहिला सामना पंजाब किंग्ज आणि सनरायझर्स हैदराबाद यांच्यात दुपारी ३.३० वाजता तर दुसरा सामना कोलकाता नाइट रायडर्स आणि चेन्नई सुपर किंग्ज यांच्यात रात्री ७.३० वाजता होणार आहे.

डबल हेडरमधील पहिल्या लढतीमधील पंजाब आणि हैदराबाद या दोन्ही संघांनी आतापर्यंत ३ सामने खेळले आहेत. त्यापैकी पंजाबचा एक सामन्यात विजय तर हैदराबादचा तिनही सामन्यात पराभव झाला आहे. गुणतालिकेत पंजाब एका विजयासह सातव्या स्थानावर असून हैदराबाद अखेरच्या स्थानावर आहे.

महेंद्र सिंह धोनीच्या नेतृत्वाखालील चेन्नई सुपर किंग्जने पहिल्या लढतीत पराभव पत्करल्यानंतर सलग दोन सामने जिंकले आहेत. तर कोलकाता नाइट रायडर्स संघाने १ सामना जिंकला असून दोन सामने गमावले आहेत.

The post IPL डबल हेडर : आज दुपारी पंजाब आणि हैदराबाद यांच्यात सामना, तर रात्री कोलकाता आणि चेन्नई यांच्यात सामना appeared first on थोडक्यात घडामोडी.

IPL २०२१ : आज IPL च्या 9 व्या सामन्यात मुंबई इंडियन्स आणि सनरायझर्स हैदराबाद समोरासमोर असतील. चेन्नईच्या चेपक स्टेडियमवर रात्री ७.30 वाजता हा सामना सुरू होईल. या हंगामात हैदराबादच्या संघाला त्यांच्या दोन्ही सामन्यात पराभवाला सामोरे जावे लागले आहे, त्यामुळे आजचा सामना जिंकून पहिला विजय मिळवण्याचं आव्हान त्यांच्यासमोर असेल.

या मोसमात मुंबईने आतापर्यंत 2 सामने खेळले आहेत. RCB समोर मुंबई संघाला पराभवाला सामोरे जावे लागले. तर केकेआर विरुद्ध सामना जिंकला. लीगमध्ये मुंबई इंडियन्स आणि सनरायझर्स हैदराबाद यांच्यात 16 सामने खेळले गेले आहेत. यापैकी दोन्ही संघांनी 8-8 सामने जिंकले आहेत.

चेपॅक स्टेडियमची खेळपट्टी स्पिनर्सला उपयुक्त ठरली आहे. फिरकीपटू येथे आश्चर्यकारक प्रदर्शन करू शकतील अशी अपेक्षा आहे. या खेळपट्टीवर मागील सामन्यात राहुल चहर आणि राशिद खान यांनी चांगली गोलंदाजी केली. या मैदानावर या मोसमात आतापर्यंत 4 सामने झाले आहेत. त्यात प्रथम फलंदाजी करणारा संघ 3 सामने जिंकला आणि नंतर फलंदाजी करणार्‍या संघाने केवळ 1 सामना जिंकला. 14 व्या मोसमात या खेळपट्टीवर एकूण 62 विकेट पडल्या आहेत. त्यापैकी फिरकीपटूंनी 20 विकेट्स घेतल्या आहेत.

The post IPL 2021 : आज मुंबई इंडियन्स आणि सनरायझर्स हैदराबाद यांच्यात सामना appeared first on थोडक्यात घडामोडी.

इंडियन प्रीमियर लीगच्या क्वालिफायर 2 सामन्यात दिल्ली कॅपिटल्सने सनरायझर्स हैदराबादचा पराभव करत फायनलमध्ये स्थान मिळवले. या पराभवानंतर SRH चा कर्णधार डेविड वॉर्नरने पराभवाला खराब क्षेत्ररक्षण जबाबदार असल्याचं म्हटलं आहे.

डेविड वॉर्नर म्हणाला, जर आपण सामन्यात कॅच सोडत असू तर आपण मॅच जिंकू शकत नाही. मला वाटतं फलंदाजी आणि गोलंदाजीमध्ये आम्ही खराब सुरुवातीनंतरही सामन्यात वापसी केली होती. मात्र खराब क्षेत्ररक्षण आमच्या पराभवाचं कारण ठरलं. या सामन्यात दिल्लीचे सलामीवीर शिखर धवन आणि मार्कस स्टॉयनिस या दोघांचेही झेल सुटले. धवनने 50 चेंडूत 78 तर स्टॉयनिसने 27 चेंडूत 38 धावा केल्या आणि संघाला मजबूत सुरुवात करुन दिली. पराभवानंतर वॉर्नर म्हणाला कि, आयपीएल 2020 चा प्रवास चांगला झाला. तिसऱ्या स्थानी राहाणं अभिमानाची बाब आहे, कारण कुणीही असा विचार केला नव्हता की आम्ही तिसऱ्या स्थानी राहू शकू.

दिल्ली कॅपिटल्सने सनरायझर्स हैदराबादचा 17 धावांनी पराभव केला. दिल्ली कॅपिटल्सने पहिल्यांदाचं फायनलमध्ये स्थान मिळवले आहे. शिखर धवनच्या अर्धशतकी खेळीच्या बळावर दिल्लीने 20 षटकात 189 धावांचे लक्ष्य उभारले होते. या लक्ष्याचा पाठलाग करताना सनरायझर्स हैदराबादचा संघ 172 धावापर्यंतचं मजल मारु शकला.

The post डेविड वॉर्नरने सांगितलं सनरायझर्स हैदराबादच्या पराभवाचं कारण appeared first on थोडक्यात घडामोडी.