इंडियन प्रीमियर लीगचा 14 वा सीजन एप्रिल-मेमध्ये सुरु होणार आहे. किंग्ज इलेव्हन पंजाब संघाला आतापर्यंत एकदाही आयपीएलच्या विजेतेपदावर नाव कोरता आलेलं नाही. 14 व्या सीजनपूर्वी पंजाब संघाने मोठा बदल केला आहे.

किंग्ज इलेव्हन पंजाबने आपले नाव बदलले असून इंडियन प्रीमियर लीगच्या पुढील सीजनमध्ये हा संघ ‘पंजाब किंग्ज’ म्हणून ओळखला जाईल. दरम्यान, इंडियन प्रीमियर लीगच्या 14 व्या मोसमासाठी 18 फेब्रुवारीला लिलाव प्रक्रिया पार पडणार आहे.

The post IPL 2021 : किंग्ज इलेव्हन पंजाब संघाचे नाव बदलले, संघाचे आता ‘हे’ नाव appeared first on थोडक्यात घडामोडी.

IPL २०२० : कर्णधार महेंद्रसिंग धोनीने नाणेफेक जिंकून गोलंदाजीचा निर्णय घेतला. किंग्स इलेव्हन पंजाबने दिलेल्या १५४ धावांच्या आव्हानाचा चेन्नई सुपरकिंग्सने यशस्वी पाठलाग केला. चेन्नईने १८.५ ओव्हरमध्ये १ बाद १५४ धावा केल्या.  पुणेकर ऋतुराज गायकवाडने सलग तिसरं अर्धशतक झळकावत चेन्नईला दणदणीत विजय मिळवून दिला.

#CSK end their #Dream11IPL 2020 campaign on a winning note.

Beat #KXIP by 9 wickets who are now out of the Playoffs race.#Dream11IPL pic.twitter.com/Pt512ByZat

— IndianPremierLeague (@IPL) November 1, 2020

कर्णधार महेंद्रसिंग धोनीने नाणेफेक जिंकली आणि प्रथम पंजाबला फलंदाजीसाठी आमंत्रित केलं. पंजाबच्या सलामीवीरांनी चांगली सुरूवात केली. पण अर्धशतकी भागीदारी करण्याआधीच मयंक २६ धावांवर बाद झाला. पाठोपाठ लोकेश राहुलही २९ धावांवर माघारी परतला. त्यानंतर पंजाबने ठराविक अंतराने गडी गमावले. ख्रिस गेल (१२), निकोलस पूरन (२) स्वस्तात तंबूत गेले. मनदीप सिंगही १४ धावा काढून बाद झाला. पण दीपक हुड्डाने एक बाजू लावून धरत २६ चेंडूत दमदार अर्धशतक ठोकलं. त्याने नाबाद ६२ धावा केल्या आणि संघाला १५३ धावांपर्यंत मजल मारून दिली. चेन्नईकडून लुंगी एन्गीडीने ३ तर शार्दुल ठाकूर, जाडेजा आणि इमरान ताहीरने १-१ बळी टिपला.

या आव्हानाचा पाठलाग करताना फाफ डु प्लेसिस आणि ऋतुराज गायकवाड जोडीने चेन्नईला धडाकेबाज सलामी मिळवून दिली. या दोघांनी ८२ धावांची भागीदारी केली, पण डु प्लेसिसला अर्धशतकाने हुलकावणी दिली. तो ४८ धावा काढून माघारी परतला. त्यानंतर ऋतुराज गायकवाडने आपली दमदार फलंदाजी सुरूच ठेवली आणि सलग तिसरं अर्धशतक झळकावलं. रायडूच्या साथीने त्याने चेन्नईला ९ गडी राखून दणदणीत विजय मिळवून दिला. ऋतुराजने ६२ धावा केल्या. रायडूनेही नाबाद ३० धावा केल्या.

The post चेन्नईचा ९ विकेट राखून विजय; ऋतुराज गायकवाड पुन्हा चमकला appeared first on थोडक्यात घडामोडी.

आज आयपीएलचा शेवटचा डबल हेडर (एका दिवसात 2 सामने) आहे. चेन्नई सुपर किंग्ज आणि किंग्ज इलेव्हन पंजाब यांच्यात दुपारी ३.30 वाजता अबू धाबी येथे सामना रंगेल. यानंतर कोलकाता नाईट रायडर्स आणि राजस्थान रॉयल्स यांच्यात दुबई येथे सायंकाळी ७.30 वाजता सामना होईल.

पंजाबचे १३ सामन्यांत १२ गुण आहेत. चेन्नई आधीच प्ले-ऑफ रेसमधून बाहेर पडली आहे. चेन्नईने हा सामना जिंकल्यास पंजाबसाठी प्ले-ऑफचे दरवाजे पूर्णपणे बंद होतील. कोलकाता आणि राजस्थान या दोन्ही संघांचे प्रत्येकी १२ गुण आहेत. अशा परिस्थितीत, जो संघ हा सामना गमावेल तो स्पर्धेमधून बाहेर जाईल.

मागच्या सामन्यात चेन्नईने पंजाबला 10 गडी राखून पराभूत केले. मोसमातील 12 व्या सामन्यात कोलकाताने राजस्थानला 37 धावांनी पराभूत केले.

राजस्थान रॉयल्सचा सक्सेस रेट 50.94% आणि कोलकाताचा सक्सेस रेट 51.83% इतका आहे. राजस्थान रॉयल्सने आतापर्यंत लीगमध्ये 160 सामने खेळले असून 81 सामने जिंकले आणि 77 गमावले. 2 सामने अनिश्चित होते. त्याचबरोबर कोलकाताने आतापर्यंत 192 पैकी 98 सामने जिंकले आणि 93 गमावले आहेत.

चेन्नई सुपर किंग्जचा सक्सेस रेट सर्वाधिक 59.60% आहे. पंजाबचा सक्सेस रेट 46.03% आहे. चेन्नईने आतापर्यंत लीगमध्ये एकूण 178 सामने खेळले आहेत. त्यापैकी 105 जिंकले आणि 72 सामने गमावले आहेत. 1 सामना अनिर्णीत होता. दुसरीकडे, पंजाबने आतापर्यंत 189 सामने खेळले आहेत. त्यापैकी 88 जिंकले आहेत आणि 101 गमावले आहेत.

अबू धाबी आणि दुबईमधील खेळपट्टी फलंदाजांना मदत करू शकेल. येथे स्लो विकेटमुळे स्पिनर्सनाही खूप मदत होईल. अबू धाबीमध्ये नाणेफेक जिंकणारा संघ प्रथम गोलंदाजीला प्राधान्य देईल. त्याचबरोबर दुबईमध्ये नाणेफेक जिंकणार्‍या संघाला प्रथम फलंदाजी करायला आवडेल.

The post IPL 2020 : शेवटचा डबल हेडर, प्ले-ऑफच्या शर्यतीत आजचे सामने ठरणार निर्णायक, जाणून घ्या संघांविषयी.. appeared first on थोडक्यात घडामोडी.

अबुधाबी : पंजाब वि. राजस्थान ही मॅच ७ विकेट राखून राजस्थानने जिंकली. बेन स्टोक्सच्या ५० तर संजू सॅमसनच्या ४८ धावांमुळे राजस्थानला पंजाबने दिलेल्या आव्हानाचा पाठलाग करणे शक्य झाले. रॉबिन उथप्पा, स्टीव्ही स्मिथ आणि जोस बटलरच्या छान खेळीमुळे विजय सोपा झाला.

किंस इलेव्हन पंजाबने राजस्थानला १८६ धावांचे आव्हान दिले होते. गेलेच्या झंझावाती खेळीमुळे मिळालेले हे आव्हान सांघिक खेळी करुन राजस्थान रॉयल्सने १८व्या ओव्हरमध्येच पूर्ण केले. त्यांनी १७.३ ओव्हरमध्ये ३ बाद १८६ धावा केल्या.

That’s that from Match 50.@rajasthanroyals WIN by 7 wickets.#Dream11IPL pic.twitter.com/ILJXeG6JRm

— IndianPremierLeague (@IPL) October 30, 2020

रॉबिन उथप्पा आणि बेन स्टोक्स या जोडीने ६० धावांची भागीदारी केली. बेन स्टोक्स ५० धावा करुन बाद झाला. ख्रिस जॉर्डनने त्याला दीपक हूडाकरवी झेलबाद केले. स्टोक्सच्या खेळीमुळे प्रेरित होऊन उथप्पाने ३० धावा केल्या. संजू सॅमसनने ४८ धावा केल्या. स्मिथने ३१ धावा केल्या तर बटलरने नाबाद २२ धावा केल्या.
सुसाट खेळून राजस्थानला दमदार सुरुवात करुन देणाऱ्या बेन स्टोक्सने गोलंदाजी करताना केएल राहुल आणि निकोलस पूरन यांची विकेट घेतली. तसेच फलंदाजीत झटपट अर्धशतकी खेळी केली. स्टोक्सच्या या योगदानाची दखल घेत त्याला मॅन ऑफ द म२च पुरस्कार देण्यात आला.

किंग्स इलेव्हन पंजाबने (Kings XI Punjab) राजस्थान रॉयल्सला (Rajasthan Royals) १८६ धावांचे आव्हान दिले होते. प्रथम फलंदाजी करणाऱ्या किंग्स इलेव्हन पंजाबने २० ओव्हरमध्ये ४ बाद १८५ धावा केल्या. गेलच्या ९९ धावा आणि केएल राहुलच्या ४६ धावांच्या जोरावर पंजाबने ही मजल मारली. सलामीवीर केएल राहुल आणि ख्रिस गेल यांची जोडी जमली. दोघांनी १२० धावांची भागीदारी केली. बेन स्टोक्सने राहुल तेवतियाकरवी केएल राहुलला झेलबाद केले. केएल राहुलने ४१ चेंडूत ३ चौकार आणि २ षटकारांसह ४६ धावा केल्या.

पॉईंट टेबलं वर एक नजर :

It’s getting a tad interesting here at the Points Table. What are your predictions for the playoffs?#Dream11IPL pic.twitter.com/xcXTYIpWdg

— IndianPremierLeague (@IPL) October 30, 2020

The post राजस्थानचा ७ विकेट राखून विजय, पंजाबसाठी गेलची दमदार खेळी appeared first on थोडक्यात घडामोडी.

IPL २०२० : आयपीएलचा 50 वा  सामना अबू धाबीमध्ये किंग्ज इलेव्हन पंजाब आणि राजस्थान रॉयल्स यांच्यात खेळला जात आहे. नाणेफेक जिंकल्यानंतर राजस्थानचा कर्णधार स्टीव्ह स्मिथने गोलंदाजीचा निर्णय घेतला आहे. स्मिथने प्लेइंग इलेव्हनमध्ये बदल केला. अंकित राजपूतची जागा घेण्याची संधी वरुण आरोनला मिळाली. पंजाब संघात कोणताही बदल झाला नाही.

#RR have won the toss and they will bowl first against #KXIP #Dream11IPL pic.twitter.com/AbQzubBNr8

— IndianPremierLeague (@IPL) October 30, 2020

राजस्थानचा हा 13 वा सामना आहे जो त्यांच्यासाठी एलिमिनेटर सारखा आहे. हा सामना गमावल्यास राजस्थानसाठी प्ले-ऑफचे दरवाजे बंद होतील आणि ते स्पर्धेतून बाहेर पडतील. त्याचबरोबर पंजाबला आपला 7 वा विजय नोंदवून पॉइंट टेबलमध्ये चौथे स्थान कायम राखण्यास आवडेल.

The post पंजाब वि. राजस्थान : टॉस जिंकून राजस्थानचा प्रथम बॉलिंगचा निर्णय, पंजाबसाठी विजय अत्यंत महत्वाचा appeared first on थोडक्यात घडामोडी.

आयपीएलचा 50 वा सामना किंग्स इलेव्हन पंजाब आणि राजस्थान रॉयल्स यांच्यात सायंकाळी ७.30 वाजता अबू धाबी येथे खेळला जाईल. राजस्थान रॉयल्स संघाने हा सामना गमावल्यास त्यांच्यासाठी प्ले-ऑफचे दरवाजे बंद होतील आणि ते स्पर्धेतून बाहेर पडतील. पंजाबला आपला सातवा विजय नोंदवून पॉइंट्स टेबलमध्ये चौथे स्थान कायम राखण्यास आवडेल.

शारजाह येथे खेळल्या गेलेल्या मोसमातील 9 व्या सामन्यात पंजाबने प्रथम फलंदाजी करताना 2 गडी गमावून 223 धावा केल्या. प्रत्युत्तरादाखल राहुल तेवतियाच्या दमदार फलंदाजीमुळे राजस्थानने ३ बॉल शिल्लक असतानाच 6 गडी गमावून सामना जिंकला.

राजस्थान रॉयल्सने आतापर्यंत 159 सामने खेळले आहेत, त्यात 80 विजय आणि 77 पराभव झाले. 2 सामने अनिश्चित होते. पंजाबने आतापर्यंत 188 पैकी 88 सामने जिंकले आहेत आणि 100 सामने गमावले आहेत. राजस्थानचा सक्सेस रेट 50.63% आणि पंजाबचा सक्सेस रेट 46.27% आहे.

अबू धाबीमधील खेळपट्टी फलंदाजांना मदत करू शकते. स्लो विकेट असल्याने फिरकीपटूंनाही खूप मदत होऊ शकते. नाणेफेक जिंकणार्‍या संघाला प्रथम गोलंदाजी करायला आवडेल.

The post IPL 2020 : आज किंग्स इलेव्हन पंजाब आणि राजस्थान रॉयल्स यांच्यात सामना appeared first on थोडक्यात घडामोडी.

शारजा : कोलकाता नाईट रायडर्स विरूद्धच्या सामन्यात किंग्स इलेव्हन पंजाब संघाने ८ गडी राखून दमदार विजय मिळवला. पंजाबच्या संघाकडून मनदीप सिंग (६६*) आणि ख्रिस गेल (५१) यांनी दमदार अर्धशतकं ठोकली. किंग्ज इलेव्हन पंजाब संघाचा हा सलग पाचवा तर स्पर्धेतील सहावा विजय ठरला. पंजाबने या विजयाच्या जोरावर चौथ्या स्थानी विराजमान होत स्पर्धेतील आव्हान कायम राखले.

नाणेफेक जिंकून पंजाबने प्रथम गोलंदाजीचा निर्णय घेतला. कोलकाताच्या डावाची सुरूवात खराब झाली. नितीश राणा शून्यावर बाद झाला. त्यानंतर शमीने राहुल त्रिपाठी (७) आणि दिनेश कार्तिकला (०) माघारी धाडलं. त्यानंतर शुबमन गिल आणि कर्णधार मॉर्गन यांनी दमदार ८० धावांची भागीदारी केली. मॉर्गनने २५ चेंडूत ४० धावा केल्या. मॉर्गन बाद झाल्यावर पुन्हा कोलकाताच्या डावाला गळती लागली. पण शुबमन गिलने आपलं अर्धशतक (५७) पूर्ण केलं. त्यामुळे कोलकाताला १४९ धावांपर्यंत मजल मारता आली. मोहम्मद शमीने ३, जॉर्डन, बिश्नोईने २-२ तर मुरुगन अश्विन, मॅक्सवेलने प्रत्येकी १ बळी टिपला.

Half-centuries from Gayle (51) and Mandeep (66*) guide @lionsdenkxip to an 8-wicket win over #KKR

Scorecard – https://t.co/Ye2Tx7iO5Z #Dream11IPL pic.twitter.com/BLL2LAvxsw

— IndianPremierLeague (@IPL) October 26, 2020

किंग्स इलेव्हन पंजाबकडून एल राहुल २५ चेंडूत २८ धावा करुन वरुण चक्रवर्तीच्या चेंडूवर एलबीडब्ल्यू झाला. मनदीप सिंह याने नाबाद राहून विजयात मोठी भूमिका बजावली. मनदीप सिंहने ५६ चेंडूत नाबाद ६६ धावा केल्या. त्याला ख्रिस गेलने उत्तम साथ दिली. गेलने फक्त २९ चेंडूत ५१ धावा केल्या. तो लोकी फर्ग्युसनच्या चेंडूवर प्रसिध कृष्णाकडे झेल देऊन परतला. निकोलस पूरनने नाबाद २ धावा केल्या. किंग्स इलेव्हन पंजाबने कोलकाता नाईट रायडर्स विरुद्धची मॅच ८ विकेट राखून जिंकली.

किंग्स इलेव्हन पंजाबच्या विजयामुळे १२ पॉइंट्स आणि चांगल्या रनरेटसह पॉइंट्स टेबलमध्ये चौथ्या स्थानावर पोहोचण्यात यशस्वी झाले. आता पॉइंट्स टेबलमध्ये मुंबई इंडियन्स, दिल्ली कॅपिटल्स आणि रॉयल चॅलेंजर्स बंगळुरू या तीन टीमचे प्रत्येकी १४ पॉइंट्स आहेत. रनरेटच्या आधारे मुंबई इंडियन्स पहिल्या, दिल्ली कॅपिटल्स दुसऱ्या आणि रॉयल चॅलेंजर्स बंगळुरू तिसऱ्या स्थानावर आहे. किंग्स इलेव्हन पंजाब १२ पॉइंट्स आणि चांगल्या रनरेटसह चौथ्या स्थानावर आहे. आधी चौथ्या स्थानावर असलेली कोलकाता नाईट रायडर्सची टीम १२ पॉइंट्ससह पाचव्या स्थानावर आहे. राजस्थान रॉयल्स १० पॉइ्ट्ससह सहाव्या स्थानावर आहे. सनरायजर्स हैदराबाद ८ पॉइंट्स आणि चांगल्या रनरेटसह सातव्या स्थानावर तर चेन्नई सुपरकिंग्स ८ पॉइंट्ससह शेवटच्या, आठव्या स्थानावर आहे.

#KXIP makes its way in the Top 4 in the Points Table after Match 46 of #Dream11IPL pic.twitter.com/PlCAYG6k9R

— IndianPremierLeague (@IPL) October 26, 2020

The post IPL २०२० : KKR vs KXIP किंग्स इलेव्हन पंजाबचा ८ विकेट राखून विजय, गेलचं दमदार अर्धशतक appeared first on थोडक्यात घडामोडी.

आयपीएलचा 46 वा सामना शारजा येथे किंग्ज इलेव्हन पंजाब आणि कोलकाता नाईट रायडर्स यांच्यात आज सायंकाळी 7.30 वाजता खेळला जाईल. अव्वल -२ मध्ये मुंबई, दिल्ली आणि बेंगलुरूच्या पराभवानंतर प्ले ऑफमध्ये चौथ्या संघाची लढाई रोमांचक बनली आहे. पंजाब आणि कोलकाता यांच्यातील सामन्यांच्या विजयासाठी प्ले ऑफची वाट थोडी सुकर होईल.

पॉईंट टेबलमध्ये कोलकाता 6 सामने जिंकून 12 गुणांसह चौथ्या स्थानावर आहे. त्याचबरोबर पंजाब 5 सामने जिंकून 10 गुणांसह पाचव्या स्थानावर आहे. नेट रनरेटच्या बाबतीत पंजाब केकेआरपेक्षा चांगले आहे.

शारजाहमधील खेळपट्टी फलंदाजांना मदत करू शकते. येथे स्लो विकेट असल्याने स्पिनर्सनाही खूप मदत होईल. शारजाहमध्ये नाणेफेक जिंकणार्‍या संघाला प्रथम फलंदाजी करायला आवडेल.

कोलकाता चा 52.38% इतका सक्सेस रेट आहे. केकेआरने आतापर्यंत एकूण 189 सामने खेळले आहेत. ज्यामध्ये 98 सामने जिंकले आहेत आणि 91 गमावले आहेत. त्याच वेळी, पंजाबचा सक्सेस रेट 45.98% आहे. पंजाबने आतापर्यंत एकूण 187 सामने खेळले आहेत. ज्यामध्ये 87 सामने जिंकले आणि 100 गमावले आहेत.

The post IPL 2020 : आज किंग्ज इलेव्हन पंजाब आणि कोलकाता नाईट रायडर्स यांच्यात सामना appeared first on थोडक्यात घडामोडी.

आयपीएलमध्ये आज एका दिवसात दोन सामने होणार आहेत. पहिला सामना कोलकाता नाईट रायडर्स आणि दिल्ली कॅपिटलमध्ये अबूधाबी येथे दुपारी साडेतीन वाजता होईल. यानंतर किंग्ज इलेव्हन पंजाब आणि सनरायझर्स हैदराबाद यांच्यात दुबई येथे सायंकाळी साडेसात वाजता सामना होईल.

कोलकाता प्ले-ऑफ मध्ये स्थान मिळण्याच्या आशा कायम राखण्यासाठी इन-फॉर्म दिल्लीशी सामना करेल. दिल्लीला हा सामना जिंकून प्ले-ऑफमध्ये आपले स्थान सुरक्षित करायचे आहे. यानंतर किंग्ज इलेव्हन पंजाब आणि सनरायझर्स हैदराबाद आमनेसामने असतील. दोन्ही संघांना स्पर्धेत टिकण्यासाठी हा सामना जिंकणे आवश्यक आहे. पराभूत संघाला प्ले ऑफसाठी उर्वरित सर्व सामने जिंकावे लागतील.

पॉइंट्स टेबलमध्ये दिल्ली 14 गुणांसह दुसर्‍या स्थानावर आहे. त्याचबरोबर 10 गुणांसह कोलकाता चौथ्या क्रमांकावर आहे. हैदराबाद 4 विजयांसह 5 व्या स्थानावर आहे. तसेच, पंजाबने हंगामात 4 सामने जिंकले आहेत, परंतु नेट रनरेटमुळे ते 6 व्या स्थानावर आहे.

अबू धाबी येथे पीचमुळे फिरकीपटूंना खूप फायदा होईल. नाणेफेक जिंकणार्‍या संघाला प्रथम गोलंदाजी करायला आवडेल. दुबईतील खेळपट्टी फलंदाजांना मदत करू शकेल. येथे स्लो विकेट असल्याने स्पिनर्सनाही खूप मदत होईल. नाणेफेक जिंकणार्‍या संघाला प्रथम फलंदाजी करायला आवडेल.

The post IPL 2020 : आज कोलकाता आणि दिल्ली यांच्यात ३.३० वाजता मैच, पंजाब आणि हैदराबाद यांच्यात ७.३० वाजता मैच appeared first on थोडक्यात घडामोडी.

आयपीएल मध्ये किंग्ज इलेव्हन पंजाबचा संघ आपली पराभवांची मालिका खंडीत करण्यात यशस्वी ठरला आहे. सलामीवीर मयांक अग्रवाल, कर्णधार लोकेश राहुल आणि ख्रिस गेल यांनी केलेल्या फटकेबाजीच्या जोरावर पंजाबने RCB वर ८ गडी राखून मात केली आहे. तेराव्या हंगामात आपला पहिलाच सामना खेळणाऱ्या गेलने अर्धशतक झळकावलं. कर्णधार लोकेश राहुलनेही नाबाद अर्धशतकी खेळी करत संघाच्या विजयात मोलाचा वाटा उचलला.

नाणेफेक जिंकून RCB चा कर्णधार विराट कोहलीने प्रथम फलंदाजी करण्याचा निर्णय घेतला. देवदत पडीकल आणि फिंच या सलामीच्या जोडीने RCB च्या संघाला आश्वासक सुरुवात करुन दिली. दोन्ही फलंदाजांमध्ये ३८ धावांची भागीदारी झाल्यानंतर अर्शदीप सिंहने देवदत पडीकलला माघारी धाडलं. त्याने १८ धावा केल्या. मुरगन आश्विनने फिंचला त्रिफळा उडवत बाद केलं. चौथ्या क्रमांकावर RCB ने वॉशिंग्टन सुंदरला संधी दिली. विराट कोहली संघाची बाजू सावरण्याचा प्रयत्न करत असताना वॉशिंग्टन सुंदर आश्विनच्या गोलंदाजीवर माघारी परतला.

शिवम दुबेने मैदानावर येऊन विराट कोहलीच्या साथीने संघाचा डाव सावरत १०० धावांचा टप्पा ओलांडून दिला. १६ व्या षटकाच्या अखेरीस शिवम दुबेही माघारी परतला. १६ व्या षटकापर्यंत RCB ने फक्त १२७ धावांपर्यंत मजल मारली होती. डिव्हीलियर्सला अखेरच्या षटकांत फटकेबाजी करण्यासाठी राखून ठेवण्याचा RCB चा प्लान फसला. मोहम्मद शमीच्या गोलंदाजीवर १८ व्या षटकात मोठा फटका खेळण्याच्या प्रयत्नात डिव्हीलियर्स दोन धावा काढून माघारी परतला. कोहलीही शमीच्या स्लो बाऊन्सरवर फटका खेळण्याच्या प्रयत्नात यष्टीरक्षक लोकेश राहुलकडे झेल देऊन माघारी परतला. त्याने ३९ चेंडूत ४८ धावांची खेळी केली. अखेरच्या षटकात ख्रिस मॉरिसने फटकेबाजी करत RCB ला १७१ धावांचा पल्ला गाठून दिला.पंजाबकडून मोहम्मद शमी आणि मुरगन आश्विनने प्रत्येकी २ तर अर्शदीप सिंह आणि ख्रिस जॉर्डनने १-१ बळी घेतला.

RCB ने विजयासाठी दिलेल्या १७२ धावांचा पाठलाग करताना किंग्ज इलेव्हन पंजाबने आक्रमक सुरुवात केली. कर्णधार लोकेश राहुल आणि मयांक अग्रवाल यांनी अर्धशतकी भागीदारी करत पंजाबला भक्कम सुरुवात करुन दिली. युजवेंद्र चहलने मयांकला बाद करत बंगळुरुला पहिलं यश मिळवून दिलं. मयांकने २५ चेंडूत ४ चौकार आणि ३ षटकारांसह धडाकेबाज ४५ धावा केल्या. मयांक माघारी परतल्यानंतर ख्रिस गेल मैदानावर आला. यानंतर ख्रिस गेलनेही बंगळुरुच्या गोलंदाजांवर हल्ला चढवला. शारजाच्या छोट्या मैदानाचा फायदा घेत गेलनेही फटकेबाजी करत ५३ धावांची खेळी केली. लोकेश राहुलने नाबाद ६१ धावांची खेळी केली. शेवटच्या चेंडूवर विजयासाठी एक धाव हवी असताना निकोलस पूरनने षटकार मारत संघाला विजय मिळवून दिला.

The post IPL 2020 : पंजाबने बेंगळुरू वर ८ गडी राखून केली मात appeared first on थोडक्यात घडामोडी.