मुंबई : राज्याच्या ॲनिमेशन, व्हिज्युअल इफेक्ट्स, गेमिंग, कॉमिक्स आणि एक्सटेंडेड रिॲलिटी (एव्हीजीसी-एक्सआर) धोरण २०२५ ला मंत्रिमंडळ बैठकीत मंजुरी देण्यात आली. बैठकीच्या अध्यक्षस्थानी मुख्यमंत्री देवेंद्र फडणवीस होते. मुंबईला मनोरंजन व पर्यटन क्षेत्राची राजधानी बनविण्याच्या दिशेने टाकलेले हे महत्वाचे पाऊल असून माध्यम, मनोरंजन आणि ॲनिमेशन, व्हिज्युअल इफेक्ट्स, गेमिंग, कॉमिक्स आणि एक्सटेंडेड रिॲलिटी (एव्हीजीसी-एक्सआर) या क्षेत्राला आता उद्योग आणि पायाभूत सुविधा क्षेत्राचा दर्जा देण्यात आला आहे.

या धोरणात सन २०५० पर्यंतचे नियोजन करण्यात आले असून, त्यासाठी सुमारे ३ हजार २६८ कोटी रुपयांचा आराखडा तयार करण्यात आला आहे. या धोरणामुळे राज्यात या वीस वर्षांच्या कालावधीत सुमारे ५० हजार कोटींची गुंतवणूक येणे अपेक्षित आहे. तसेच या क्षेत्राशी निगडीत उच्च तंत्रज्ञानावर आधारित २ लाख नवीन रोजगार निर्माण होणार आहेत.

ॲनिमेशन, व्हिज्युअल इफेक्ट्स, गेमिंग, कॉमिक्स आणि एक्सटेंडेड रिॲलिटी (एव्हीजीसी-एक्सआर) हे क्षेत्र देशाच्या मीडिया आणि एंटरटेनमेंट (एम अँण्ड ई) उद्योगाचा महत्वाचा घटक मानले जाते. भारतात हे क्षेत्र झपाट्याने वाढू लागले आहे. मीडिया अँण्ड एंटरटेनमेंट बाजारपेठ सध्याच्या २७ अब्ज डॉलर्सवरून २०३० पर्यंत शंभर अब्ज डॉलर्सहून अधिक विस्तारण्याचा अंदाज आहे. त्यामुळे भारतात या क्षेत्रात ३० लाखांहून अधिक प्रत्यक्ष रोजगार आणि ५१ लाख ५० हजारांहून अधिक अप्रत्यक्ष रोजगार निर्माण होतील अशी अपेक्षा आहे.

महाराष्ट्राची अर्थव्यवस्था १ ट्रिलीयन डॉलर्सची व्हावी यासाठी महाराष्ट्र आर्थिक सल्लागार समितीने तयार केलेल्या व्हिजन डॉक्युमेंटमध्येही या क्षेत्राचा उल्लेख केला होता. याचदृष्टीने केंद्र शासनाने मुंबई मध्ये अलिकडेच व्हेव्ज २०२५ या आंतरराष्ट्रीय परिषदेचेही आयोजन केले होते. या परिषदेच्या माध्यमातून सुमारे ८ हजार कोटींचे सामंजस्य करारही करण्यात आले. या समितीच्या अहवालातही कौशल्य विकास व नवोन्मेष विकास यासाठी ॲनिमेशन, व्हिज्युअल इफेक्ट्स, गेमिंग, कॉमिक्स आणि एक्सटेंडेड रिॲलिटी (एव्हीजीसी-एक्सआर) हे क्षेत्र महत्वाचे आणि पूरक असल्याचे नमूद केले आहे. तसेच या क्षेत्रासाठी स्वतंत्र धोरण तयार करण्याची शिफारस करण्यात आली होती. देशात कर्नाटक, तेलंगणा, राजस्थान, केरळ व मध्यप्रदेश या राज्यांमध्ये असे धोरण तयार करण्यात आले आहे.

महाराष्ट्रात ॲनिमेशन, व्हिज्युअल इफेक्ट्स, गेमिंग, कॉमिक्स आणि एक्सटेंडेड रिॲलिटी (एव्हीजीसी-एक्सआर) या क्षेत्रात २९५ हून अधिक स्टुडिओ आहेत. भारतातील सर्वाधिक म्हणजे ३० टक्के स्टुडिओ हे महाराष्ट्रात आहेत. मुंबई, पुणे येथे अँनिमेशन, व्हिज्युअल इफेक्टस आणि गेमिंगसाठीच्या शैक्षणिक सुविधा देणाऱ्या २० संस्था कार्यरत आहेत. महाराष्ट्राने यापूर्वीच माहिती तंत्रज्ञान आणि माहिती तंत्रज्ञान सहाय्यभूत सेवा धोरण- २०२३ अंतर्गत ॲनिमेशन, व्हिज्युअल इफेक्ट्स, गेमिंग, कॉमिक्स आणि एक्सटेंडेड रिॲलिटी (एव्हीजीसी-एक्सआर) या क्षेत्राला उदयोन्मुख उद्योग म्हणून घोषित केले आहे. या क्षेत्रातील तंत्रज्ञान आरोग्यसेवा, शिक्षण, विपणन, संरक्षण, गेमिंग, कृषि आणि रिअल इस्टेट यासारख्या क्षेत्रांत वापरले जाते. आरोग्यसेवेमध्ये एआर-व्हिआर वैद्यकीय सिम्युलेशनचा वापर केला जातो. यातून रुग्णांसाठी सुविधा देणे आणि वैद्यकीय शिक्षणांकरिताही वापर केला जातो. मार्केटिंग क्षेत्रात ब्रँण्डिंग, इमर्सिव्ह व्हिज्युअल्सचा, तर संरक्षण क्षेत्रातही सिम्युलेशनचा वापर केला जात आहे. रिअल इस्टेटमध्ये थ्री-डी मॉडेलिंग, आभासी टुर्स यासाठी या तंत्रज्ञानाची मदत घेतली जाते.

या क्षेत्रात नवोन्मेषाला, उद्योजकतेला, बौद्धिक संपदा निर्मितीला प्रचंड वाव आहे. यातून देशांतर्गत आणि आंतरराष्ट्रीय गुंतवणुकीचा ओघही राज्यात वाढू शकतो. म्हणूनच महाराष्ट्राला या क्षेत्राच्या दृष्टीने ग्लोबल डेस्टिनेशन बनण्याची मोठी संधी आहे. त्यासाठी या धोरणांतर्गत विविध संस्थात्मक घटकांना प्रोत्साहन देण्यात येणार आहे. इंडियन इन्स्टिट्यूट ऑफ क्रिएटिव्ह टेक्नॉलॉजी (आयआयसीटी) ही या क्षेत्रातील प्रमुख संस्था म्हणून काम करणार आहे.

AVGC-XR पार्क समर्पित उद्योग हब म्हणून विकसित करण्यात येतील. हे पार्क अत्याधुनिक पायाभूत सुविधा, व्यवसायासाठीच्या सर्व सुविधांनी युक्त आणि या क्षेत्रातील कार्यरत असलेल्या स्टार्टअप्स, एमएसएमई व मोठ्या घटकांस प्रोत्साहन मिळेल, अशा रितीने विकसित केले जातील.

विशेषतः महाराष्ट्रातील फिल्म सिटी (मुंबई), नवी मुंबई, पुणे, नाशिक, छत्रपती संभाजीनगर, कोल्हापूर, सातारा आणि नागपूर यांसारख्या ठिकाणी या पार्कच्या विकासाचे नियोजन करण्यात येईल. हे पार्क हाय-स्पीड डिजिटल कनेक्टिव्हिटी, मोशन कॅप्चर स्टुडिओ, पोस्ट-प्रोडक्शन लॅब, हाय-परफॉर्मन्स रेंडरिंग फार्म, साउंड रेकॉर्डिंग सुविधा आणि व्हर्च्युअल प्रोडक्शन स्टुडिओ यासारख्या जागतिक दर्जाच्या सुविधांनी सुसज्ज असतील. या उद्योगाच्या गरजा पूर्ण करण्यासाठी एआय- आधारित अॅनिमेशन, रिअल-टाइम रेंडरिंग, इमर्सिव्ह अनुभव आणि मेटाव्हर्स-संबंधित उपयोजनांचा समावेश असलेल्या पायाभूत सुविधा या ठिकाणी दिल्या जातील.

एकात्मिक औद्योगिक क्षेत्र (IIA), माहिती तंत्रज्ञान पार्क, अन्य सुविधा केंद्रांच्या ठिकाणी ६०% क्षेत्र या उपक्रमांसाठी राखीव असेल, तर उर्वरित ४०% भाग निवासी, संस्थात्मक आणि मनोरंजनात्मक जागांसारख्या पूरक व्यवसायांसाठी राहील. तसेच यापूर्वीच्या आयटी अँण्ड आयटीईस (महाराष्ट्र माहिती तंत्रज्ञान आणि माहिती तंत्रज्ञान सहाय्यभूत सेवा) धोरण २०२३ मध्ये समाविष्ट अतिरिक्त चटई क्षेत्र निर्देशांक (FSI) या उपक्रमांना उपलब्ध करुन देण्यात येईल. यातून या क्षेत्रासाठीची पायाभूत परिसंस्था (इन्फ्रा-इकोसिस्टीम) आणखी मजबूत होणार आहे. एव्हीजीसी-एक्सआर उद्यान (पार्क), तसेच या घटकांचा समूह (क्लस्टर), प्रादेशिक समूह, चाचणी आणि प्रमाणन सुविधा (स्टँडर्डायझेशन), उत्कृष्टता केंद्र, आभासी उत्पादन स्टुडिओ, डिझाईन स्टुडिओ अशा घटकांची उभारणी होणार आहे.

हा AVGC-XR उपक्रम कोणत्याही झोनमध्ये सुरु करता येईल. त्यासाठी निवासी, ग्रोन झोन असे बंधन असणार नाही. तसेच या उपक्रमांना २४ X ७ या धोरणांतर्गत कामगार विभाग आणि इतर संबंधित अधिकाऱ्यांनी विहित केलेल्या सुरक्षा निकषांचे पालन करून कार्यरत राहण्याची परवानगी राहील. या उद्योगाला अत्यावश्यक सेवेचा दर्जा राहील आणि ते २४x७ आणि ३६५ दिवस कार्यरत राहतील.

या उपक्रमांसाठी राज्य महाराष्ट्र माहिती तंत्रज्ञान इंटरफेस (MAHITI) पोर्टलवर एक विशेष कक्ष असेल. याशिवाय मैत्री पोर्टल (MAITRI) वन-स्टॉप हब म्हणून काम करेल. या उद्योगासाठी आवश्यक कुशल मनुष्यबळ उपलब्ध व्हावे यासादृष्टीने महाराष्ट्र AVGC-XR कौशल्य सल्लागार समिती स्थापन करण्यात येत आहे. समितीत याक्षेत्रातील उद्योग तज्ज्ञ, विद्यापीठ तसेच शैक्षणिक क्षेत्रातील तज्ज्ञ, विविध उद्योग संघटनांचे प्रतिनिधी आदींचा समावेश राहील.

या धोरणाच्या अमंलबजावणीसाठी पहिल्या पाच वर्षांसाठी (२०२५-३०) साठी ३०८ कोटी, तसेच पुढील वीस वर्षांसाठी (सन २०३१-५०) अंदाजित २ हजार ९६० कोटी अशा एकूण ३ हजार २६८ कोटींच्या आराखड्यास मान्यता देण्यात आली. या धोरणाच्या अंमलबजावणीसाठी सन २०२५-२६ या आर्थिक वर्षात १०० कोटींच्य्या अतिरिक्त तरतुदीस मान्यता देण्यात आली. तर या धोरणांतर्गत व्हेव्ज (WAVES) सहभाग निधी म्हणून २०० कोटी आणि या क्षेत्रातील स्थानिक उद्योजकांच्या स्टार्टअपसना पाठबळ देण्यासाठी ३०० कोटी रुपयांचा निधी उभारण्याच्या प्रस्तावासह मान्यता देण्यात आली. हे धोरण सविस्तर प्रकाशित करण्यात येणार आहे.

The post महाराष्ट्र ॲनिमेशन, व्हिज्युअल इफेक्ट्स, गेमिंग, कॉमिक्स आणि एक्सटेंडेड रिॲलिटी धोरण २०२५, नवीन २ लाख रोजगार संधी appeared first on थोडक्यात घडामोडी.

मुंबई : बॉलिवूड अभिनेत्री आलिया भट्ट्ट आणि रणबीर कपूर ही जोडी सध्या त्यांच्या होणाऱ्या बाळामुळे चर्चेत आहे. लवकरच त्यांच्या घरी एका छोट्या पाहुण्याचं आगमन होणार आहे. नुकतंच आलिया भट्टला रिलायन्स हॉस्पिटलमध्ये नेण्यात आलं आहे. मीडिया रिपोर्ट्सनुसार आलियाला सकाळी ७.30 च्या सुमारास हॉस्पिटलमध्ये आणण्यात आलं आहे. सर्व चाहते या बातमीकडे लक्ष लावून आहेत.

बॉलिवूडच्या सर्वात लोकप्रिय जोडप्यांपैकी एक रणबीर कपूर आणि आलिया भट्ट लवकरच आई-वडील होणार आहेत आणि ही गोष्ट कोणापासून लपून राहिलेली नाहीय. या लोकप्रिय जोडप्याने लग्नाच्या अवघ्या 2 महिन्यांनंतरच आपल्या घरी छोटा पाहुणा येणार असल्याची घोषणा केली होती. जूनमध्ये आलियाने सोनोग्राफी रुममधून एक फोटो शेअर करत आपण आई होणार असल्याची गोड बातमी दिली होती. आलिया आणि रणबीर आपल्या पहिल्या अपत्याच्या स्वागतासाठी प्रचंड उत्सुक आहेत. आज सकाळी रणबीर-आलिया मुंबईतील रिलायन्स हॉस्पिटलबाहेर दिसले आणि मीडिया रिपोर्ट्सनुसार, हे जोडपं त्यांच्या पहिल्या मुलाच्या प्रसूतीसाठी हॉस्पिटलमध्ये पोहोचलं आहे.

आलियाची डिलीव्हरी नोव्हेंबर महिन्याच्या शेवटी किंवा डिसेंबर महिन्याच्या पहिल्या आठवड्यात होण्याची शक्यता वर्तवण्यात आली होती. गिरगावातील ‘एच.एन. रिलायंस फाऊंडेशन’ या रुग्णालयात आलिया बाळाला जन्म देणार आहे. आलियाचे सासरे म्हणजेच ऋषी कपूर यांनादेखील प्रकृती बिघडल्यानंतर याच रुग्णालयात दाखल करण्यात होते. याच रुग्णालयात त्यांनी अखेरचा श्वास घेतला.

अभिनेत्री आलिया भट्ट्ट बाळाच्या जन्मानंतर मॅटरनिटी लीव्हवर जाणार आहे. आलिया एका वर्षाचा ब्रेक घेणार आहे. आलिया भट्ट्टने मॅटरनिटी लीव्हवर जाण्याचा निर्णय घेतला आहे. बाळासोबत जास्तीत जास्त वेळ घालवता यावा यासाठी आलियाने हा निर्णय घेतला आहे. ब्रेकवर जाण्यासाठी आलियाने आगामी सिनेमाचं शूटिंग पूर्ण केलं आहे.

The post आलिया भट्ट लवकरच देणार गोड बातमी; प्रसूतीसाठी रुग्णालयात दाखल appeared first on थोडक्यात घडामोडी.

नवी दिल्ली : आयकर विभागाकडून सोनू सूदच्या घरी आणि कार्यालयांवर छापेमारी करण्यात आली. त्यानंतर आता आयकर विभागाला सोनू सूदच्या आर्थिक व्यवहारांमध्ये सुमारे 250 कोटी रुपयांची अनियमितता आढळून आली आहे.

सोनू सूदवर अडीचशे कोटी रुपयांची आर्थिक अनियमितता केल्याचा आरोप आहे. यामध्ये त्याला चॅरिटीमध्ये मिळालेले फंड आणि बोगस करारांचा देखील समावेश आहे. विशेष गोष्ट म्हणजे सोनू सूदने संपूर्ण भारतभर देणग्या दिल्या आहेत. कर विभागाने सोनू सूदशी संबंधित एकूण 28 ठिकाणी छापे मारून तपास केला आहे. यामध्ये मुंबई, दिल्ली, लखनौ, जयपूर, कानपूर आणि गुरुग्राम यांचा समावेश आहे. सोनू सूदविरोधात करण्यात आलेला हा आतापर्यंतचा सर्वात मोठा तपास आहे.

सोनू सूदने क्राउड फंडिंगद्वारे 20 कोटी रुपयांचा निधी जमा केल्याचा आयकर विभागाचा दावा आहे. याशिवाय, त्याने बनावट करारांद्वारे 65 कोटी रुपये उभे केले आहेत आणि 175 कोटी रुपयांचे परिपत्रक आणि संशयास्पद व्यवहार केले आहेत. सोनू सूदकडून रोख रक्कम देखील जप्त करण्यात आली आहे. तसेच अशी अनेक कागदपत्रे जप्त करण्यात आली आहेत, ज्यावरून करचोरी केल्याचे दिसत आहे. आयकर विभागाचा तपास अजूनही सुरूच आहे.

सोनू सूद एक चित्रपट अभिनेता आहे. त्याने अनेक चित्रपटांमध्ये काम केले असून त्याच्या भूमिका प्रेक्षकांना चांगल्याच आवडल्या आहेत. त्याने लॉकडाऊनमध्ये लोकांना मदत केल्याबद्दल बरीच प्रशंसा मिळवली आहे. सोनू सूदवर करण्यात आलेल्या कारवाईमुळे त्याचे चाहते खूप नाराज झाले आहेत आणि सोशल मीडियावर सतत कमेंट करून आपले मत व्यक्त करत आहेत.

The post सोनू सूद अडचणीत! आयकर विभागाला आढळली सुमारे 250 कोटी रुपयांची आर्थिक अनियमितता appeared first on थोडक्यात घडामोडी.

नवी दिल्ली : उद्योगपती राज कुंद्रा याला मुंबई गुन्हे शाखेने गेल्या महिन्यात अटक केली. त्याने त्याच्या ऍपवर अश्लील व्हिडीओ तयार करून ते प्रसारित केल्याचा आरोप त्याच्यावर करण्यात आला आहे. त्यातच या प्रकरणाचा तपास पुढे जात असतानाच अनेक अभिनेत्री आणि मॉडेल समोर येऊन राज कुंद्रावर अनेक धक्कादायक आरोप करत आहेत. आता आणखी एका बॉलिवूड अभिनेत्रीने राज कुंद्रावर गंभीर आरोप केले आहेत.

राज कुंद्रा हा कथित पॉर्न व्हिडीओ प्रकरणातील मुख्य सूत्रधारांपैकी एक असल्याचा पोलिसांचा दावा आहे. पोलिसांनी त्यांच्याकडे याबाबत थोडं पुरावे असल्याचे स्पष्ट केले आहे. यासोबतच कुंद्रावर आरोप करण्यात आला आहे की, वेब सीरिजमध्ये भूमिका देण्याच्या बहाण्याने त्याने महिलांना अश्लील चित्रपटांच्या दलदलीत ढकलले. अनेक मॉडेल आणि अभिनेत्रींनी या आरोपाची पुष्टी केली आहे.

आता मुंबई पोलिसांच्या गुन्हे शाखेने पॉर्न व्हिडीओ प्रकरणात आणखी एका पीडितेचा जबाब नोंदवून घेतला आहे. वृत्तानुसार, पीडितेने मालवणी पोलीस स्टेशनमध्ये एफआयआर दाखल केली असून बुधवारी तिचा जबाब नोंदवला आहे. तिच्या निवेदनात तिने आरोप केला आहे की आरोपीने आश्वासन दिले होते की तिचे प्रायव्हेट पार्ट दाखवले जाणार नाहीत, कारण ती फक्त इंटिमेट दृश्यांचे शूटिंग करत होती. परंतु, नंतर पीडितेला तिच्या एका मित्राकडून समजले की तिचा पॉर्न व्हिडीओ काही दिवसांसाठी अॅपवर उपलब्ध आहे. त्यानंतर पीडितेला समजले की तो संपूर्ण व्हिडिओ कोणत्याही कटशिवाय अपलोड केला गेला आहे, तिचे प्रायव्हेट पार्ट्स देखील व्हिडिओमध्ये दाखवले गेले आहेत. पीडितेने सांगितले की तिने एक करार केला होता आणि शूटिंगसाठी काही हजार रुपयेही मिळाले होते.

The post राज कुंद्राच्या अडचणीत आणखी भर, बॉलिवूड अभिनेत्रीने राज कुंद्रावर केले गंभीर आरोप appeared first on थोडक्यात घडामोडी.

नवी दिल्ली : कंगना रनौतचा वैयक्तिक अंगरक्षक कुमार हेगडे याला मुंबई पोलिसांनी बलात्काराच्या आरोपाखाली अटक केली आहे. आरोपी हेगडे लग्न करण्यासाठी कर्नाटकातील त्याच्या गावी गेला होता, तेथे त्याच्या गावात सुरु असलेल्या लग्नाच्या तयारीदरम्यान पोलिसांनी त्याला अटक केली.

पोलिसांनी दिलेल्या माहितीनुसार, कुमार हेगडे दहा दिवसांपासून फरार होता. त्याला शनिवारी दुपारी कर्नाटकातील मांड्या जिल्ह्यातील त्याच्या हेग्गादाहल्ली या गावातून अटक करण्यात आली आणि ट्रान्झिट रिमांडवर येथे आणले. एका ब्युटिशियनने कुमार हेगडे याच्यावर आरोप केले आहेत की त्याने लग्नाचे आमिष दाखवून तिच्यावर वारंवार बलात्कार केला.

आरोपी कुमार हेगडे याने २७ एप्रिल रोजी त्याच्या आईचा मृत्यू झाल्याचे सांगून पीडित तरुणीकडून ५० हजार रुपये घेतले आणि गावी निघून गेला. परंतु, त्यानंतर 28 एप्रिलपासूनच त्याचा फोन बंद होता. त्यामुळे त्याची लिव्ह इन पार्टनर असलेल्या पीडित तरुणीला त्याच्याशी संपर्क करता येत नव्हता. दरम्यान, काही दिवसांनंतर आरोपी कुमार हेगडे हा लग्न करण्यासाठी त्याच्या गावी गेल्याचं या तरुणीला समजलं. त्यानंतर या तरुणीने तात्काळ पोलिसांकडे जाऊन हेगडेवर बलात्कार, अनैतिक लैंगिक संबंध आणि फसवणूकीचा आरोप करत गुन्हा दाखल केला.

अभिनेत्री कंगना रनौतच्या बॉडीगार्डवर बलात्कार आणि अनैसर्गिक लैंगिक संबंधाचा गुन्हा दाखल

पोलिसांत गुन्हा नोंदवल्यानंतर पोलिसांना देखील त्याच्याशी संपर्क साधता येत नव्हता. त्यानंतर, मुंबई पोलिसांनी कुमार हेगडे याला अटक करण्यासाठी कर्नाटकात जाताना पीडित तरुणी आणि तिची मैत्रीण दिव्या कोटियन यांना मुंबईहून कर्नाटकला नेले होते. पोलिसांनी शनिवारी हेगडे याला अटक केल्यानंतर त्याला मुंबईत आणण्याची सर्व प्रक्रिया पूर्ण केली. त्यानंतर पोलिसांनी कुमार हेगडे याला स्थानिक न्यायालयात हजर देखील केले होते.

बॉलीवूड इंडस्ट्रीला मोठा धक्का, चित्रपट निर्माता रायन स्टीफन यांचे कोरोनामुळे निधन

The post कंगना रनौतचा बॉडीगार्ड कुमार हेगडे याला बलात्काराच्या आरोपाखाली अटक appeared first on थोडक्यात घडामोडी.

मुंबई : बॉलिवूड अभिनेता सलमान खान आणि कमाल राशिद खान (​​केआरके) यांच्यातील संघर्ष आता वाढताना दिसत आहे. सलमान खानने दाखल केलेल्या मानहानीच्या प्रकरणानंतर कमाल खानने पहिल्यांदा तर सलीम खान यांना विनंती केली होती की सलमानला खटला मागे घेण्यास सांगावे. पण आता केआरकेचा सूर बदललेला दिसत आहे.

केआरकेने त्याच्या एका ट्विटमध्ये म्हटले की, “सहसा मी त्या चित्रपटांची समीक्षा (review) करत नाही, ज्यांचे निर्माता, दिग्दर्शक किंवा अभिनेते मला त्यांच्या चित्रपटांची समीक्षा करण्यास नकार देतात. पण आता जर या माणसाने (सलमान) मला विनंती केली, तो माझ्या पाया जरी पडला तरी मी त्याच्या प्रत्येक चित्रपटाची आणि प्रत्येक गाण्याची समीक्षा करीन. सत्यमेव जयते. जय हिंद.”

Normally I don’t review the film if producer director or actor of the film asks me to not review it. But Now if this man will request me, or even touch my feet also, still I will review his each film and each song. Satyamev Jayate! Jai Hind!

— KRK (@kamaalrkhan) May 27, 2021

इतकेच नाही तर केआरकेने आपल्या ट्विटमध्ये विवेक ओबेरॉय, जॉन अब्राहम आणि अरिजीत सिंग यांचादेखील उल्लेख केला आहे. कमाल राशिद खान याने आपल्या ट्विटमध्ये लिहिले की, “जेव्हा लोक एखाद्या भांडणात आपली साथ देतात तेव्हा समोरच्याने समजून जावं की तुमचा तंबू उखडला आहे. विवेक, जॉन आणि अरिजित हे सरळ मुलं आहेत, पण यावेळी त्याने चुकीच्या माणसाला डिवचले आहे.”

Jab Aapke Saath Ladai main, public Hamare Saath Aa Jaaye, Toh Samajhlo Bhayya, Ki Aapka Tamboo Ukhad Chuka Hai.

— KRK (@kamaalrkhan) May 28, 2021

Vivek, John, Arijit Bechare Seedhe Ladke Hain, Lekin Iss Baar Galat Aadmi Se Panga Le Liya!

— KRK (@kamaalrkhan) May 28, 2021

सलमान खान -कमाल खान केस : मानहानीचा दावा ‘राधे’ च्या समीक्षेवरून नाही, ‘हे’ आहे कारण

सलमानने केआरके विरोधात दाखल केला मानहानीचा खटला, केआरकेने अगोदर खिल्ली उडवली, पण नंतर…

The post केआरकेचे सलमानला उत्तर, विवेक, जॉन, अरिजित हे सरळ आहेत, यावेळी चुकीच्या माणसाबरोबर पंगा घेतला appeared first on थोडक्यात घडामोडी.

मुंबई : चित्रपट अभिनेता कमाल राशिद खानला (केआरके) सलमान बरोबर पंगा घेणं महागात पडलं आहे. आपल्या विचित्र वक्तव्यांमुळे नेहमी चर्चेत राहणारा कमाल खान याच्यावर सलमान खान प्रचंड संतापला असून त्याने केआरके विरोधात मानहानीचा खटला दाखल केला आहे. सलमानचा ईदच्या मुहूर्तावर अलीकडेच रिलीज झालेला ‘राधे योर मोस्ट वॉन्टेड भाई’ या चित्रपटाची समीक्षा करताना केआरकेने सलमानची खूप खिल्ली उडवली होती.

केआरके अनेकदा बॉलिवूड चित्रपट आणि गाण्यांची समीक्षा (Review) करून स्टार्सची खिल्ली उडवत असतो, पण आता केआरके सलमान बरोबर पंगा घेऊन चांगलाच अडचणीत सापडला आहे. सलमानने त्याच्याविरोधात मुंबई उच्च न्यायालयात मानहानीचा खटला दाखल केला आहे.

पहिल्यांदा तर केआरके सलमान बरोबर भांडण्याच्या अविर्भावात दिसला. त्याने ट्विट करत म्हटले कि, “प्रिय सलमान खान, हे मानहानी प्रकरण तुमच्या हताश आणि निराश असण्याचा पुरावा आहे. मी माझ्या फॉलोअर्ससाठी समीक्षा करतो आणि मी माझे कार्य करीत आहे. मला समीक्षा करण्यापासून रोखण्याऐवजी आपण एक चांगला चित्रपट बनवायला हवा. मी सत्यासाठी लढत राहणार आहे. या केससाठी धन्यवाद.”

Dear #Salmankhan Ye defamation case Aapki Hataasha Aur Niraasha Ka Saboot Hai. I am giving review for my followers and doing my job. You should make better films instead of stopping me from reviewing your films. Main Sacchi Ke Liye Ladta Rahunga! Thank you for the case. ?? pic.twitter.com/iwYis64rLd

— KRK (@kamaalrkhan) May 25, 2021

पण नंतर त्याला समजले की सलमानचा सामना करण्यात आपले नुकसान होऊ शकते. त्यामुळे त्याने नंतर सूर बदलला. त्याने सलमानचे वडील सलीम खान यांना विनंती केली की त्यांनी सलमानची समजूत काढावी आणि त्याला ही केस मागे घ्यायला सांगावी. तो यापुढे सलमानच्या चित्रपटांची समीक्षा करणार नाही आणि त्यांचे सर्व व्हिडिओ काढून टाकेल.

केआरकेने ट्विटमध्ये लिहिले कि, “सलीम खान सर मी सलमानच्या चित्रपटाला आणि त्याच्या कारकिर्दीला नुकसान पोहोचवत नाही. मी फक्त मनोरंजनासाठी समीक्षा करतो. पण त्यामुळे सलमानवर परिणाम झाला आहे हे मला माहित असतं, तर मी समीक्षा केली नसती. जर त्याने मला चित्रपटाची समीक्षा न करण्यास सांगितले असते तर मी समीक्षा केली नसती. कृपया त्यांना सांगा की हा खटला पुढे नेऊ नका. मी यापुढे सलमानच्या चित्रपटांची समीक्षा करणार नाही आणि तुम्ही म्हणत असाल तर त्यांचे सर्व व्हिडिओ काढून टाकेल.”

Therefore there is no need to file a case to stop me from reviewing his film. Salim Sir, I am not here to hurt anyone. So I won’t review his film in the future. Pls ask him to not proceed the case. I will delete my review videos also, if you want. Thank you Salim Sahab! ?

— KRK (@kamaalrkhan) May 26, 2021

The post सलमानने केआरके विरोधात दाखल केला मानहानीचा खटला, केआरकेने अगोदर खिल्ली उडवली, पण नंतर… appeared first on थोडक्यात घडामोडी.

नवी दिल्ली : कोरोनाच्या दुसर्‍या लाटेमध्ये बॉलिवूडमधील अनेक दिग्गजांनी आपला जीव गमावला. दरम्यान, आणखी एक वाईट बातमी समोर येत आहे. ‘मर्डर’, ‘रोग’ सारख्या बर्‍याच चित्रपटांसाठी संवाद लेखन करणारे लेखक सुबोध चोप्रा यांचे कोरोनामुळे निधन झाले आहे. ते ४९ वर्षांचे होते. शुक्रवारी सकाळी ११.३० वाजण्याच्या सुमारास सुबोध चोप्रा यांचे निधन झाले.

सुबोध यांना काही दिवसांपूर्वी कोरोनाची लागण झाली होती, परंतु, उपचार घेतल्यानंतर त्यांचा कोरोना अहवाल निगेटिव्ह आला होता. पण त्यानंतर कोरोनामुळे निर्माण झालेल्या गुंतागुंतीमुळे त्यांचा मृत्यू झाल्याची माहिती सुबोध चोप्रा यांचा धाकटा भाऊ श्यांकी यांनी दिली आहे.

श्यांकी यांनी सांगितले कि, “गेल्या शनिवारी त्यांचा कोरोना अहवाल निगेटिव्ह आला होता. परंतु या सोमवारी (10 मे) त्यांची प्रकृती अचानक खालावली. त्यांची ऑक्सिजन पातळी अचानक खाली जाऊ लागली. त्यांना खूप थकवा जाणवत होता आणि त्यांचा ब्लड प्रेशरही वाढत होता. त्यांची प्रकृती अधिकच खालावल्यामुळे मी त्यांना मालाडच्या लाईफलाईन रुग्णालयात दाखल केले, परंतु हृदयविकाराच्या झटक्याने त्याचा मृत्यू झाला. कोरोना अहवाल निगेटिव्ह आल्यानंतर या सगळ्या गोष्टी घडल्या.”

श्यांकी यांनी पुढे सांगितले की, “सुबोधला हिंदी चित्रपट दिग्दर्शित करायचा होता, पण त्याची इच्छा अपूर्ण राहिली. त्यांनी मल्याळममधील ‘वसुधा’ या चित्रपटाचे दिग्दर्शन केले होते. तो एक हुशार व्यक्ती होता.”

सुबोध यांच्या निधनामुळे चित्रपटसृष्टीतील अनेकजण दुःख व्यक्त करत आहेत. सुबोध चोप्रा 1997 पासून चित्रपटसृष्टीत सक्रिय होते. त्यांनी डीडी 1 ची सीरियल ‘रिपोर्टर’ मधून संवाद लेखन सुरू केले. याशिवाय सुबोध यांनी टीव्ही सीरियल ‘हकीकत’ चा १ एपिसोड आणि ‘रिश्ते’चे 6 एपिसोडसुद्धा लिहिले होते. एवढेच नाही तर त्यांनी ‘सावधान इंडिया’ च्या अनेक भागांचे दिग्दर्शनही केले होते.

The post प्रसिद्ध संवाद लेखक सुबोध चोप्रा यांचे कोरोनामुळे अकाली निधन, चित्रपटसृष्टीवर पसरली शोककळा appeared first on थोडक्यात घडामोडी.

मुंबई : बॉलिवूड अभिनेत्री करीना कपूर खान आणि सैफ अली खान यांची जोडी ही बॉलिवूडमधील एक लोकप्रिय जोडी आहे. करीना आणि सैफ या दोघांच लग्न होण्याआधी सैफला सारा अली खान आणि इब्राहम खान ही दोन मुलं होती. ‘कॉफी विथ करण’ या शोमध्ये साराने तिच्या आणि करीनाच्या नात्याबद्दल सांगताना अनेक खुलासे केले.

सारा आणि सैफ दिग्दर्शक करण जोहरच्या ‘कॉफी विथ करण’ या टॉक शोमध्ये सहभागी झाले होते. त्यावेळी करणने साराला “करीनाला तू छोटी आई म्हणून हाक मारते का? असा प्रश्न विचारला. त्यावर हसत सारा म्हणाली, “माझ्या वडिलांनी माझ्यावर कधीही करीना आमची दुसरी आई आहे असा दबाव टाकला नाही. त्यामुळे आम्हाला असं कधी वाटलंच नाही की आम्ही करिनाला आई म्हणून हाक मारावी. जर मी करीनाला छोटी आई म्हणून हाक मारली तर करीनाला धक्का बसेल. आणि ती म्हणेल काय? नाही. मी करीनाला के किंवा करीना नावाने हाक मारते. आम्ही एकमेकींच्या चांगल्या मैत्रिणी आहोत. जेव्हा करीना माझ्याशी पहिल्यांदा बोलली होती तेव्हा ती म्हणाली होती की, हे बघ तुझी आई खूप छान व्यक्ती आहे. मला फक्त तुझ्यासोबत मैत्री करायची आहे. तिने कधीच आमची आई होण्याचा प्रयत्न केला नाही. जर मी तिला छोटी आई वगैरे म्हणाले असते तर कदाचित ती स्वतःच माझ्यावर वैतागली असती.”

The post करिनाने कधीच आमची आई होण्याचा प्रयत्न केला नाही, साराने केला खुलासा appeared first on थोडक्यात घडामोडी.

नवी दिल्ली : अभिनेता सूरज थापर यांना प्रकृती अस्वास्थ्यामुळे ICU मध्ये दाखल करण्यात आलं आहे. कोरोनामुळे मुंबईतील सर्व शूटिंग बंद असल्यामुळे सूरज थापर ‘शौर्य और अनोखी’ या मालिकेच्या शूटिंगसाठी दररोज मुंबई- गोवा प्रवास करत होते.

मिळालेल्या माहितीनुसार, सूरज यांना तीन दिवसांपासून हलका ताप येत होता. सूरज थापर गोव्याहून मुंबईला परत आले तेव्हा त्यांची तब्येत अचानक खराब झाली, त्यानंतर त्यांना आयसीयूमध्ये दाखल करण्यात आले.

सूरज थापर यांची बहीण वनिता थापर यांनी सांगितले की, सूरजचा कोविड अहवाल अद्याप आलेला नाही. सूरजला मुंबईत येताच तीव्र ताप आला आणि ऑक्सिजनची पातळीही कमी होऊ लागली, त्यानंतर त्याला त्वरित आयसीयूमध्ये दाखल केले. त्यांना मालाडमधील एका रुग्णालयात दाखल करण्यात आलं आहे.

सूरज स्वत: च्या आरोग्याबद्दल खूप जागरूक आहे. ते वेळोवेळी आपला आहार आणि फिटनेस तपासत राहतो. सूरजने विविध टीव्ही शो आणि चित्रपटांमध्ये काम केले आहे. ‘ससुराल गेंदा फूल’, ‘एक रिश्ता सांझेदारी का, हम पाच फिर, एक नई जंग आणि इतर अनेक लोकप्रिय टीव्ही कार्यक्रमांमध्ये त्यांनी काम केले असून ते प्रेक्षकांमध्ये चांगलेच लोकप्रिय आहेत.

 

View this post on Instagram

 

A post shared by Sooraj Thapar (@soorajthapar)

The post अभिनेता सूरज थापर ICU मध्ये दाखल, मालाडमधील रुग्णालयात उपचार सुरु appeared first on थोडक्यात घडामोडी.