मुंबई : बॉलिवूडचा ‘ही-मॅन’ म्हणून ओळखले जाणारे ज्येष्ठ अभिनेते धर्मेंद्र यांचे वयाच्या ८९व्या वर्षी निधन झाल्याचे वृत्त सर्वत्र व्हायरल होत आहे. मात्र धर्मेंद्र यांची मुलगी, अभिनेत्री इशा देओल हिने इन्स्टाग्रामवर पोस्ट शेअर करत वडिलांची प्रकृती स्थिर असल्याची माहिती दिली आहे.

सोमवारी धर्मेंद्र यांना श्वसनाचा त्रास झाल्याने मुंबईतील ब्रीच कँडी हॉस्पिटलमध्ये दाखल करण्यात आले होते. रुग्णालयात दाखल झाल्याची बातमी समजताच इंडस्ट्रीतील अनेक कलाकारांनी त्यांच्या प्रकृतीबद्दल चिंता व्यक्त केली. शाहरुख खान, सलमान खान आणि गोविंदा यांनी रुग्णालयात जाऊन त्यांच्या प्रकृतीची विचारपूस केली. संपूर्ण देओल कुटुंब यावेळी रुग्णालयात उपस्थित होते.

१० नोव्हेंबरच्या संध्याकाळी धर्मेंद्र यांच्या पत्नी हेमा मालिनी यांनी त्यांच्या सोशल मीडिया अकाउंटवर अभिनेत्याचा एक हसरा फोटो शेअर करत लिहिले – “धरमजींबद्दल काळजी दाखवणाऱ्या सर्वांचे मी आभार मानते. ते सध्या डॉक्टरांच्या देखरेखीखाली आहेत आणि त्यांच्यावर बारकाईने लक्ष ठेवले जात आहे. आम्ही सर्व त्यांच्यासोबत आहोत. कृपया त्यांच्या लवकर बरे होण्यासाठी प्रार्थना करा.”

सात दशकांची कारकीर्द आणि ३०० हून अधिक चित्रपट
धर्मेंद्र हे हिंदी चित्रपटसृष्टीतील सर्वात आदरणीय आणि लोकप्रिय स्टार आहेत. त्यांच्या सात दशकांहून अधिकच्या चमकदार कारकिर्दीत त्यांनी ३०० हून अधिक चित्रपटांमध्ये काम केले. त्यांच्या सुपरहिट चित्रपटांमध्ये “शोले”, “चुपके चुपके”, “सीता और गीता”, “धरम वीर” यांचा समावेश आहे. ‘शोले’मधील त्यांचा प्रसिद्ध संवाद “बसंती, इन कुत्तों के सामने मत नाचना” आजही प्रेक्षकांच्या मनात जिवंत आहे.

वयाच्या ८९व्या वर्षीही धर्मेंद्र इंडस्ट्रीत सक्रिय आहेत. अलीकडेच ते “रॉकी और रानी की प्रेम कहानी” आणि “तेरी बातें में ऐसा उलझा जिया” या चित्रपटांमध्ये झळकले होते. त्यांचा शेवटचा चित्रपट “इक्किस” असून तो २५ डिसेंबर रोजी प्रदर्शित होणार आहे. या चित्रपटात अगस्त्य नंदा प्रमुख भूमिकेत दिसणार आहे.

The post ज्येष्ठ अभिनेते धर्मेंद्र यांच्या निधनाचे वृत्त खोटे… appeared first on थोडक्यात घडामोडी.

मुंबई : बॉलीवूड अभिनेता अमित साध याला कोरोनाची लागण झाली आहे. अमित याने स्वतःच सोशल मीडियावर याविषयी माहिती दिली आहे. तो सध्या विलगीकरणात असून घरीच उपचार घेत आहे.

अमितने इंस्टाग्रामवर एक पोस्ट लिहून सांगितले की, “सर्व प्रकारची खबरदारी घेतल्यानंतरही तो कोविड-19 पॉझिटिव्ह झाला आहे. त्याला कोरोनाची सौम्य लक्षणे जाणवत आहेत. प्रोटोकॉलचे पालन करून मी स्वतःला विलगीकरणात ठेवले आहे आणि होम क्वारंटाईनमध्ये राहीन. मला खात्री आहे की मी यातून व्यवस्थित बाहेर येईन. कृपया स्वतःची काळजी घ्या आणि आपल्या प्रियजनांची काळजी घ्या.”

 

View this post on Instagram

 

A post shared by AMIT SADH (@theamitsadh)

The post बॉलीवूड अभिनेता अमित साध याला कोरोनाची लागण appeared first on थोडक्यात घडामोडी.

नवी दिल्ली : आयकर विभागाकडून सोनू सूदच्या घरी आणि कार्यालयांवर छापेमारी करण्यात आली. त्यानंतर आता आयकर विभागाला सोनू सूदच्या आर्थिक व्यवहारांमध्ये सुमारे 250 कोटी रुपयांची अनियमितता आढळून आली आहे.

सोनू सूदवर अडीचशे कोटी रुपयांची आर्थिक अनियमितता केल्याचा आरोप आहे. यामध्ये त्याला चॅरिटीमध्ये मिळालेले फंड आणि बोगस करारांचा देखील समावेश आहे. विशेष गोष्ट म्हणजे सोनू सूदने संपूर्ण भारतभर देणग्या दिल्या आहेत. कर विभागाने सोनू सूदशी संबंधित एकूण 28 ठिकाणी छापे मारून तपास केला आहे. यामध्ये मुंबई, दिल्ली, लखनौ, जयपूर, कानपूर आणि गुरुग्राम यांचा समावेश आहे. सोनू सूदविरोधात करण्यात आलेला हा आतापर्यंतचा सर्वात मोठा तपास आहे.

सोनू सूदने क्राउड फंडिंगद्वारे 20 कोटी रुपयांचा निधी जमा केल्याचा आयकर विभागाचा दावा आहे. याशिवाय, त्याने बनावट करारांद्वारे 65 कोटी रुपये उभे केले आहेत आणि 175 कोटी रुपयांचे परिपत्रक आणि संशयास्पद व्यवहार केले आहेत. सोनू सूदकडून रोख रक्कम देखील जप्त करण्यात आली आहे. तसेच अशी अनेक कागदपत्रे जप्त करण्यात आली आहेत, ज्यावरून करचोरी केल्याचे दिसत आहे. आयकर विभागाचा तपास अजूनही सुरूच आहे.

सोनू सूद एक चित्रपट अभिनेता आहे. त्याने अनेक चित्रपटांमध्ये काम केले असून त्याच्या भूमिका प्रेक्षकांना चांगल्याच आवडल्या आहेत. त्याने लॉकडाऊनमध्ये लोकांना मदत केल्याबद्दल बरीच प्रशंसा मिळवली आहे. सोनू सूदवर करण्यात आलेल्या कारवाईमुळे त्याचे चाहते खूप नाराज झाले आहेत आणि सोशल मीडियावर सतत कमेंट करून आपले मत व्यक्त करत आहेत.

The post सोनू सूद अडचणीत! आयकर विभागाला आढळली सुमारे 250 कोटी रुपयांची आर्थिक अनियमितता appeared first on थोडक्यात घडामोडी.

मुंबई : अभिनेत्री सायरा बानो यांना रुग्णालयात दाखल करण्यात आले आहे. त्यांना ब्लड प्रेशर, हाय शुगर लेव्हल आणि श्वास घेण्यास त्रास होत असल्यामुळे रुग्णालयात दाखल करण्यात आले आहे. तीन दिवसांपूर्वीच सायरा बानो यांना मुंबईतील हिंदूजा रुग्णालयात दाखल करण्यात आलं असून त्या गेल्या 3 दिवसांपासून आयसीयूमध्ये दाखल आहेत. दिलीप कुमार यांच्या मृत्यूच्या दुःखातून त्या अजूनही सावरू शकलेल्या नाहीत. त्याचा त्यांच्या आरोग्यावर परिणाम झाला आहे.

ज्येष्ठ अभिनेते दिलीप कुमार यांचे निधन होऊन जवळजवळ दोन महिने झाले आहेत, परंतु सायरा बानो त्यांच्या मृत्यूच्या दुःखातून सावरू शकलेल्या नाहीत. त्यांचा बीपी सामान्य होत नसून ऑक्सिजनची पातळी कमी राहत असल्यामुळे त्यांना श्वास घेण्यात अडचण येत आहे. परंतु, त्यांची प्रकृती स्थिर असल्याचे सांगितले जात आहे. कदाचित, त्यांना आणखी तीन-चार दिवस रुग्णालयात राहावे लागेल.

दोन महिन्यांपूर्वी 7 जुलै रोजी दिलीप कुमार यांचे निधन झाले. दिलीप कुमार यांच्यासोबत 54 वर्षांपासून राहणाऱ्या सायरा बानो दिलीप कुमार यांचा मृत्यू झाल्यापासून कुणाशी बोलत नाहीत किंवा कोणालाही भेटत नाहीत. संपूर्ण जग विसरून त्यांनी दिलीप साहेबांच्या आठवणींना आपले संपूर्ण जग बनवले आहे. सायरा बानो 54 वर्षे दिलीप कुमार यांच्या सहवासात आणि त्यांच्या देखरेखीमध्ये व्यस्त होत्या. त्यांना या धक्क्यातून बाहेर पडणे आणि जगणे अवघड वाटत आहे. त्याचा त्यांच्या आरोग्यावर परिणाम होत आहे. तीन दिवसांपूर्वी जेवण केल्यानंतर त्याची तब्येत बिघडली, म्हणून सायरा यांना रुग्णालयात दाखल करण्यात आले.

सायरा स्वत: देखील 76 वर्षांच्या आहेत, दिलीप कुमार यांच्यासोबत लग्न झाले, तेव्हा सायरा 22 वर्षांच्या होत्या. यानंतर त्यांनी आयुष्यभर दिलीप कुमार यांची अतिशय मनापासून सेवा केली, आणि एक आदर्श ठेवला.

The post अभिनेत्री सायरा बानो रुग्णालयात दाखल, आयसीयूमध्ये उपचार सुरु appeared first on थोडक्यात घडामोडी.

नवी दिल्ली : उद्योगपती राज कुंद्रा याला मुंबई गुन्हे शाखेने गेल्या महिन्यात अटक केली. त्याने त्याच्या ऍपवर अश्लील व्हिडीओ तयार करून ते प्रसारित केल्याचा आरोप त्याच्यावर करण्यात आला आहे. त्यातच या प्रकरणाचा तपास पुढे जात असतानाच अनेक अभिनेत्री आणि मॉडेल समोर येऊन राज कुंद्रावर अनेक धक्कादायक आरोप करत आहेत. आता आणखी एका बॉलिवूड अभिनेत्रीने राज कुंद्रावर गंभीर आरोप केले आहेत.

राज कुंद्रा हा कथित पॉर्न व्हिडीओ प्रकरणातील मुख्य सूत्रधारांपैकी एक असल्याचा पोलिसांचा दावा आहे. पोलिसांनी त्यांच्याकडे याबाबत थोडं पुरावे असल्याचे स्पष्ट केले आहे. यासोबतच कुंद्रावर आरोप करण्यात आला आहे की, वेब सीरिजमध्ये भूमिका देण्याच्या बहाण्याने त्याने महिलांना अश्लील चित्रपटांच्या दलदलीत ढकलले. अनेक मॉडेल आणि अभिनेत्रींनी या आरोपाची पुष्टी केली आहे.

आता मुंबई पोलिसांच्या गुन्हे शाखेने पॉर्न व्हिडीओ प्रकरणात आणखी एका पीडितेचा जबाब नोंदवून घेतला आहे. वृत्तानुसार, पीडितेने मालवणी पोलीस स्टेशनमध्ये एफआयआर दाखल केली असून बुधवारी तिचा जबाब नोंदवला आहे. तिच्या निवेदनात तिने आरोप केला आहे की आरोपीने आश्वासन दिले होते की तिचे प्रायव्हेट पार्ट दाखवले जाणार नाहीत, कारण ती फक्त इंटिमेट दृश्यांचे शूटिंग करत होती. परंतु, नंतर पीडितेला तिच्या एका मित्राकडून समजले की तिचा पॉर्न व्हिडीओ काही दिवसांसाठी अॅपवर उपलब्ध आहे. त्यानंतर पीडितेला समजले की तो संपूर्ण व्हिडिओ कोणत्याही कटशिवाय अपलोड केला गेला आहे, तिचे प्रायव्हेट पार्ट्स देखील व्हिडिओमध्ये दाखवले गेले आहेत. पीडितेने सांगितले की तिने एक करार केला होता आणि शूटिंगसाठी काही हजार रुपयेही मिळाले होते.

The post राज कुंद्राच्या अडचणीत आणखी भर, बॉलिवूड अभिनेत्रीने राज कुंद्रावर केले गंभीर आरोप appeared first on थोडक्यात घडामोडी.

मुंबई : एका मॉडेलने बॉलिवूडमधील नऊ जणांविरोधात बलात्कार आणि विनयभंग केल्याचा गुन्हा दाखल केला आहे. यामध्ये अभिनेता जॅकी भगनानी आणि प्रसिद्ध फोटोग्राफर कॉलस्टन जूलियन यांच्यासह प्रसिद्ध व्यक्तींच्या नावांचा समावेश आहे. या मॉडेलने फोटोग्राफर कॉलस्टन जूलियनवर बलात्कार केल्याचा आरोप केला आहे. यात अभिनेता जॅकी भगनानीसह आठ जणांवर बलात्कार आणि विनयभंग केल्याचा आरोप केला आहे. पोलिसांनी याबाबत गुन्हा दाखल करून घेतला आहे.

मॉडेलच्या आरोपानुसार, ती मुंबईमध्ये अभिनयात करिअर करण्यासाठी आली होती. २०१४ ते २०१८ या चार वर्षांच्या काळात अनेक वेळा तिचा शारीरिक छळ आणि विनयभंग करण्यात आला. सिनेमात काम देण्याच्या नावाखाली तिची फसवणक करत ने फोटोग्राफर कॉलस्टन जूलियनने तिच्यावर अनेकदा बलात्कार केला. अभिनेता जॅकी भगनानीने वांद्रे इथं या मॉडलचं शोषण केल्याचं एअआयआरमध्ये नमूद करण्यात आलं आहे. तर निखिल कामतने सांताक्रूजमधील एका हॉटेलमध्ये तिचा विनयभंग केला. मॉडलने दाखल केलेल्या गुन्ह्यात इतर लोकांमध्ये टी-सीरीज चे कृष्ण कुमार, टॅलेंट मॅनेजमेंट कंपनी क्वानचे सह-संस्थापक अनिर्बान दास ब्लाह, शील गुप्ता, अजित ठाकुर, गुरुज्योत सिंह आणि ‘थलाइवी’ चे निर्माता विष्णु वर्धन इंदुरी यांच्या नावांचा समावेश आहे. या प्रकरणी पोलिसांनी अद्याप कुणालाही ताब्यात घेतलेलं नाही.

‘ये रिश्ता क्या कहलाता है’ फेम अभिनेता करण मेहराला अटक

‘टार्झन’चा अंत! अभिनेता जो लारा यांचा विमान अपघातात मृत्यू, पत्नीसह अन्य सहा जण ठार

दरम्यान, निर्माता अजित ठाकूर यांनी या मॉडेलने केलेले आरोप फेटाळून लावले आहेत. ते म्हणाले की मॉडेलने केलेले सर्व आरोप निराधार आहेत. बदनामी करण्याच्या उद्देशाने करण्यात आले आहेत. त्यांची प्रतिमा खराब करण्याचा प्रयत्न केला जात आहे.

The post मॉडेलचा सिनेसृष्टीतील ९ जणांवर बलात्कार आणि विनयभंगाचा आरोप, प्रसिद्ध व्यक्तींच्या नावाचा समावेश appeared first on थोडक्यात घडामोडी.

नवी दिल्ली : कंगना रनौतचा वैयक्तिक अंगरक्षक कुमार हेगडे याला मुंबई पोलिसांनी बलात्काराच्या आरोपाखाली अटक केली आहे. आरोपी हेगडे लग्न करण्यासाठी कर्नाटकातील त्याच्या गावी गेला होता, तेथे त्याच्या गावात सुरु असलेल्या लग्नाच्या तयारीदरम्यान पोलिसांनी त्याला अटक केली.

पोलिसांनी दिलेल्या माहितीनुसार, कुमार हेगडे दहा दिवसांपासून फरार होता. त्याला शनिवारी दुपारी कर्नाटकातील मांड्या जिल्ह्यातील त्याच्या हेग्गादाहल्ली या गावातून अटक करण्यात आली आणि ट्रान्झिट रिमांडवर येथे आणले. एका ब्युटिशियनने कुमार हेगडे याच्यावर आरोप केले आहेत की त्याने लग्नाचे आमिष दाखवून तिच्यावर वारंवार बलात्कार केला.

आरोपी कुमार हेगडे याने २७ एप्रिल रोजी त्याच्या आईचा मृत्यू झाल्याचे सांगून पीडित तरुणीकडून ५० हजार रुपये घेतले आणि गावी निघून गेला. परंतु, त्यानंतर 28 एप्रिलपासूनच त्याचा फोन बंद होता. त्यामुळे त्याची लिव्ह इन पार्टनर असलेल्या पीडित तरुणीला त्याच्याशी संपर्क करता येत नव्हता. दरम्यान, काही दिवसांनंतर आरोपी कुमार हेगडे हा लग्न करण्यासाठी त्याच्या गावी गेल्याचं या तरुणीला समजलं. त्यानंतर या तरुणीने तात्काळ पोलिसांकडे जाऊन हेगडेवर बलात्कार, अनैतिक लैंगिक संबंध आणि फसवणूकीचा आरोप करत गुन्हा दाखल केला.

अभिनेत्री कंगना रनौतच्या बॉडीगार्डवर बलात्कार आणि अनैसर्गिक लैंगिक संबंधाचा गुन्हा दाखल

पोलिसांत गुन्हा नोंदवल्यानंतर पोलिसांना देखील त्याच्याशी संपर्क साधता येत नव्हता. त्यानंतर, मुंबई पोलिसांनी कुमार हेगडे याला अटक करण्यासाठी कर्नाटकात जाताना पीडित तरुणी आणि तिची मैत्रीण दिव्या कोटियन यांना मुंबईहून कर्नाटकला नेले होते. पोलिसांनी शनिवारी हेगडे याला अटक केल्यानंतर त्याला मुंबईत आणण्याची सर्व प्रक्रिया पूर्ण केली. त्यानंतर पोलिसांनी कुमार हेगडे याला स्थानिक न्यायालयात हजर देखील केले होते.

बॉलीवूड इंडस्ट्रीला मोठा धक्का, चित्रपट निर्माता रायन स्टीफन यांचे कोरोनामुळे निधन

The post कंगना रनौतचा बॉडीगार्ड कुमार हेगडे याला बलात्काराच्या आरोपाखाली अटक appeared first on थोडक्यात घडामोडी.

मुंबई : बॉलीवूड इंडस्ट्रीतून एक दुःखद बातमी समोर आली आहे. चित्रपट निर्माता रायन स्टीफन यांचे निधन झाले आहे. त्यांचे वय फक्त 50 वर्षे होते. रायन यांना कोरोनाची संसर्ग झाला होता. त्यांच्या मृत्यूची बातमी समजताच चित्रपटसृष्टीत शोककळा पसरली आहे. त्यांच्या कुटुंबियांनाच नाही तर इंडस्ट्रीमधील त्याच्या खास मित्रांनाही मोठा धक्का बसला आहे.

रायन स्टीफन यांच्या मृत्यूची बातमी मनोज बाजपेयी यांच्या ‘द फॅमिली मॅन’ चित्रपटाचे लेखक आणि निर्माता सुपर्ण एस वर्मा यांनी दिली आहे. मनोज बाजपेयी यांनीही त्यांच्या मृत्यूबद्दल शोक व्यक्त केला आहे. सुपरन यांनी ट्वीट करून लिहिले की, “जीवन खूप क्रूर आहे. परंतु तू दयाळू होता. मला आनंद आहे की आपण काही कथांवर एकत्र काम केले, त्या लिहिल्याचा आनंद तुझ्यामुळे होता. तुझ्यावर प्रेम करणारी बरीच माणसं तू तुझ्या मागे सोडली आहेत… ”

सुपर्ण यांचे हे ट्विट पुन्हा ट्विट करत मनोज बाजपेयी यांनी लिहिले कि, “तुम्हाला ओळखणाऱ्या सर्वांसाठी हा खूप मोठा धक्का आहे. हे खरं असू शकत नाही! माझा मित्र रायन, तुझी आठवण येईल..’

It’s so so shocking for all of us who knew this gentle soul .It really can’t be true!! I will miss you my friend RYAN https://t.co/VDDkCMH6Kb

— manoj bajpayee (@BajpayeeManoj) May 29, 2021

कियारा अडवाणी, वरुण धवन, दिया मिर्झा, फरहान अख्तर यांच्यासह अनेक जणांनी त्यांच्या निधनाबद्दल शोक व्यक्त केला आहे. मध्यंतरी, कियारा अडवाणी स्टारर ‘इंदू की जवानी’ आणि काजोल, नेहा धुपिया आणि श्रुती हसन यांची शॉर्ट फिल्म ‘देवी’ यामुळे रायन चर्चेत आला होता.

केआरकेचे सलमानला उत्तर, विवेक, जॉन, अरिजित हे सरळ आहेत, यावेळी चुकीच्या माणसाबरोबर पंगा घेतला

शस्त्रक्रिया करून पुरुष बनली ही प्रसिद्ध अभिनेत्री , ६ पॅक ऍब्सचे फोटो केले शेअर

The post बॉलीवूड इंडस्ट्रीला मोठा धक्का, चित्रपट निर्माता रायन स्टीफन यांचे कोरोनामुळे निधन appeared first on थोडक्यात घडामोडी.

मुंबई : बॉलिवूड अभिनेता सलमान खान आणि कमाल राशिद खान (​​केआरके) यांच्यातील संघर्ष आता वाढताना दिसत आहे. सलमान खानने दाखल केलेल्या मानहानीच्या प्रकरणानंतर कमाल खानने पहिल्यांदा तर सलीम खान यांना विनंती केली होती की सलमानला खटला मागे घेण्यास सांगावे. पण आता केआरकेचा सूर बदललेला दिसत आहे.

केआरकेने त्याच्या एका ट्विटमध्ये म्हटले की, “सहसा मी त्या चित्रपटांची समीक्षा (review) करत नाही, ज्यांचे निर्माता, दिग्दर्शक किंवा अभिनेते मला त्यांच्या चित्रपटांची समीक्षा करण्यास नकार देतात. पण आता जर या माणसाने (सलमान) मला विनंती केली, तो माझ्या पाया जरी पडला तरी मी त्याच्या प्रत्येक चित्रपटाची आणि प्रत्येक गाण्याची समीक्षा करीन. सत्यमेव जयते. जय हिंद.”

Normally I don’t review the film if producer director or actor of the film asks me to not review it. But Now if this man will request me, or even touch my feet also, still I will review his each film and each song. Satyamev Jayate! Jai Hind!

— KRK (@kamaalrkhan) May 27, 2021

इतकेच नाही तर केआरकेने आपल्या ट्विटमध्ये विवेक ओबेरॉय, जॉन अब्राहम आणि अरिजीत सिंग यांचादेखील उल्लेख केला आहे. कमाल राशिद खान याने आपल्या ट्विटमध्ये लिहिले की, “जेव्हा लोक एखाद्या भांडणात आपली साथ देतात तेव्हा समोरच्याने समजून जावं की तुमचा तंबू उखडला आहे. विवेक, जॉन आणि अरिजित हे सरळ मुलं आहेत, पण यावेळी त्याने चुकीच्या माणसाला डिवचले आहे.”

Jab Aapke Saath Ladai main, public Hamare Saath Aa Jaaye, Toh Samajhlo Bhayya, Ki Aapka Tamboo Ukhad Chuka Hai.

— KRK (@kamaalrkhan) May 28, 2021

Vivek, John, Arijit Bechare Seedhe Ladke Hain, Lekin Iss Baar Galat Aadmi Se Panga Le Liya!

— KRK (@kamaalrkhan) May 28, 2021

सलमान खान -कमाल खान केस : मानहानीचा दावा ‘राधे’ च्या समीक्षेवरून नाही, ‘हे’ आहे कारण

सलमानने केआरके विरोधात दाखल केला मानहानीचा खटला, केआरकेने अगोदर खिल्ली उडवली, पण नंतर…

The post केआरकेचे सलमानला उत्तर, विवेक, जॉन, अरिजित हे सरळ आहेत, यावेळी चुकीच्या माणसाबरोबर पंगा घेतला appeared first on थोडक्यात घडामोडी.

मुंबई : चित्रपट अभिनेता कमाल राशिद खानला (केआरके) सलमान बरोबर पंगा घेणं महागात पडलं आहे. आपल्या विचित्र वक्तव्यांमुळे नेहमी चर्चेत राहणारा कमाल खान याच्यावर सलमान खान प्रचंड संतापला असून त्याने केआरके विरोधात मानहानीचा खटला दाखल केला आहे. सलमानचा ईदच्या मुहूर्तावर अलीकडेच रिलीज झालेला ‘राधे योर मोस्ट वॉन्टेड भाई’ या चित्रपटाची समीक्षा करताना केआरकेने सलमानची खूप खिल्ली उडवली होती.

केआरके अनेकदा बॉलिवूड चित्रपट आणि गाण्यांची समीक्षा (Review) करून स्टार्सची खिल्ली उडवत असतो, पण आता केआरके सलमान बरोबर पंगा घेऊन चांगलाच अडचणीत सापडला आहे. सलमानने त्याच्याविरोधात मुंबई उच्च न्यायालयात मानहानीचा खटला दाखल केला आहे.

पहिल्यांदा तर केआरके सलमान बरोबर भांडण्याच्या अविर्भावात दिसला. त्याने ट्विट करत म्हटले कि, “प्रिय सलमान खान, हे मानहानी प्रकरण तुमच्या हताश आणि निराश असण्याचा पुरावा आहे. मी माझ्या फॉलोअर्ससाठी समीक्षा करतो आणि मी माझे कार्य करीत आहे. मला समीक्षा करण्यापासून रोखण्याऐवजी आपण एक चांगला चित्रपट बनवायला हवा. मी सत्यासाठी लढत राहणार आहे. या केससाठी धन्यवाद.”

Dear #Salmankhan Ye defamation case Aapki Hataasha Aur Niraasha Ka Saboot Hai. I am giving review for my followers and doing my job. You should make better films instead of stopping me from reviewing your films. Main Sacchi Ke Liye Ladta Rahunga! Thank you for the case. ?? pic.twitter.com/iwYis64rLd

— KRK (@kamaalrkhan) May 25, 2021

पण नंतर त्याला समजले की सलमानचा सामना करण्यात आपले नुकसान होऊ शकते. त्यामुळे त्याने नंतर सूर बदलला. त्याने सलमानचे वडील सलीम खान यांना विनंती केली की त्यांनी सलमानची समजूत काढावी आणि त्याला ही केस मागे घ्यायला सांगावी. तो यापुढे सलमानच्या चित्रपटांची समीक्षा करणार नाही आणि त्यांचे सर्व व्हिडिओ काढून टाकेल.

केआरकेने ट्विटमध्ये लिहिले कि, “सलीम खान सर मी सलमानच्या चित्रपटाला आणि त्याच्या कारकिर्दीला नुकसान पोहोचवत नाही. मी फक्त मनोरंजनासाठी समीक्षा करतो. पण त्यामुळे सलमानवर परिणाम झाला आहे हे मला माहित असतं, तर मी समीक्षा केली नसती. जर त्याने मला चित्रपटाची समीक्षा न करण्यास सांगितले असते तर मी समीक्षा केली नसती. कृपया त्यांना सांगा की हा खटला पुढे नेऊ नका. मी यापुढे सलमानच्या चित्रपटांची समीक्षा करणार नाही आणि तुम्ही म्हणत असाल तर त्यांचे सर्व व्हिडिओ काढून टाकेल.”

Therefore there is no need to file a case to stop me from reviewing his film. Salim Sir, I am not here to hurt anyone. So I won’t review his film in the future. Pls ask him to not proceed the case. I will delete my review videos also, if you want. Thank you Salim Sahab! ?

— KRK (@kamaalrkhan) May 26, 2021

The post सलमानने केआरके विरोधात दाखल केला मानहानीचा खटला, केआरकेने अगोदर खिल्ली उडवली, पण नंतर… appeared first on थोडक्यात घडामोडी.