मुंबई : ऑस्ट्रेलियाच्या एकदिवसीय क्रिकेट संघाचा प्रमुख आणि कर्णधार स्टीव्ह स्मिथने २०२५ च्या चॅम्पियन्स ट्रॉफीमध्ये भारताविरुद्ध उपांत्य सामन्यात पराभव स्वीकारल्यानंतर एक मोठी घोषणा केली. ३५ वर्षीय स्टीव्ह स्मिथने एकदिवसीय क्रिकेटमधून निवृत्ती घेतली आहे. मात्र, तो कसोटी आणि टी-२० क्रिकेटमध्ये खेळत राहील.

स्टीव्ह स्मिथने ऑस्ट्रेलियाकडून जवळजवळ १५ वर्षे एकदिवसीय क्रिकेट खेळले, आणि या काळात त्याने अनेक वेळा संघाचे नेतृत्वही केले. २०२५ च्या चॅम्पियन्स ट्रॉफीमध्ये, पॅट कमिन्सच्या अनुपस्थितीत, स्मिथला कर्णधार म्हणून मैदानावर उतरवण्यात आले होते. त्यांच्या नेतृत्वाखाली ऑस्ट्रेलिया संघाने चांगला खेळ केला, परंतु चॅम्पियन्स ट्रॉफीच्या उपांत्य फेरीतील पराभवानंतर ३५ वर्षीय स्टीव्ह स्मिथने त्याच्या संघातील सहकाऱ्यांना त्याच्या निर्णयाची माहिती दिली.

स्मिथचे वक्तव्य:
स्मिथने आपल्या निवृत्तीच्या निर्णयावर विचार व्यक्त करताना सांगितले, “हा एक अद्भुत प्रवास होता आणि मी त्यातील प्रत्येक क्षणाचा आनंद घेतला. दोन विश्वचषक जिंकणे हे मोठे यश होते. २०२७ च्या एकदिवसीय विश्वचषकाची तयारी करण्याची ही योग्य वेळ आहे, आणि मला वाटते की हेच योग्य वेळ आहे. कसोटी क्रिकेट अजूनही माझ्या प्राधान्यांमध्ये आहे आणि मी वर्ल्ड टेस्ट चॅम्पियनशिप फायनल, वेस्ट इंडिज दौरा आणि इंग्लंडविरुद्धच्या आगामी कसोट्यांमध्ये सहभाग घेण्यास उत्सुक आहे.”

स्मिथचे योगदान क्रिकेटच्या जगतात अद्वितीय राहिले आहे. स्मिथच्या या निवृत्तीने ऑस्ट्रेलियाच्या एकदिवसीय संघात एक मोठा बदल घडवून आणला आहे.

The post भारताविरुद्ध पराभवानंतर ऑस्ट्रेलियाला अजून एक धक्का, स्टीव्ह स्मिथ एकदिवसीय क्रिकेटमधून निवृत्त appeared first on थोडक्यात घडामोडी.

ऑस्ट्रेलिया : शार्क माशाने एका व्यक्तीवर हल्ला करून त्याला खाल्ल्याची धक्कादायक घटना कॅमेऱ्यात कैद झाली आहे. लोक दुरूनच ओरडत राहिले पण त्या व्यक्तीला वाचवता आले नाही. शार्क माशाने त्या व्यक्तीचे अर्धे शरीर खाल्ले आणि काही वेळाने त्या व्यक्तीचे अर्धे शरीर बाहेर काढण्यात आले. यादरम्यान समुद्रकिनारी बसलेले लोक आरडाओरडा करत मदतीसाठी याचना करत होते, मात्र माशाने त्या माणसाला त्याच्या मजबूत दातांनी पकडून पाण्याखाली ओढले आणि त्याच्या मजबूत दातांनी त्याचे दोन तुकडे केले. जगातील सर्वात धोकादायक माशांपैकी एक मानल्या जाणाऱ्या शार्क माशाचा हा व्हिडिओ सध्या जगभरात व्हायरल होत आहे.

ऑस्ट्रेलियन वेबसाइटवर प्रसिद्ध झालेल्या बातमीनुसार, ही घटना बुधवारी सिडनी बीचच्या लिटल बे एरियामध्ये घडली. तेथे उपस्थित असलेल्या एका मच्छिमाराने पाहिले की, एका शार्क माशाने पोहणाऱ्या माणसाला पाण्यात ओढले आहे आणि तो जीव वाचवण्यासाठी ओरडत आहे. दरम्यान, कोणीतरी या घटनेचा व्हिडिओ बनवण्यास सुरुवात केली. व्हिडिओमध्ये एक व्यक्ती असे म्हणताना ऐकू येत आहे की, शार्क माशाने कोणालातरी खाल्ले आहे. मच्छीमाराने आरडाओरड केल्यावर तेथे उपस्थित असलेल्या बचाव पथकानेही त्या व्यक्तीला वाचवण्याचा प्रयत्न केला मात्र त्याला वाचवता आले नाही आणि अर्ध्या तासानंतर बचाव पथक त्या व्यक्तीच्या अर्ध्या शरीरासह बाहेर आले. या घटनेनंतर समुद्रकिनारा बंद करण्यात आला.

Swimmer killed by shark in horrifying attack in front of beachgoers. #Sydney #Australia #BuchanPoint #Malabar #GreatWhiteShark #Shark #Attack pic.twitter.com/eNZ6oeMQQL

— SALTWATER FISH ??? (@saltwaterfish) February 17, 2022

या घटनेच्या प्रत्यक्षदर्शींनी सांगितले की, हा माणूस डोळ्यासमोर पोहत असताना शार्क माशाने त्याला पकडले आणि पाण्याखाली ओढले. या घटनेनंतर शहरातील अनेक समुद्रकिनारे बंद करण्यात आले असून, जीवरक्षक गस्ती पथक समुद्रात गस्त घालत इतर कोणत्याही समुद्रकिनाऱ्यावर शार्क मासा तर नाही ना, याची खात्री करत होते.

The post Video! शार्क माशाने व्यक्तीवर हल्ला करून त्याला खाल्ल्याची धक्कादायक घटना कॅमेऱ्यात कैद appeared first on थोडक्यात घडामोडी.

सिडनी : भारत-ऑस्ट्रेलिया यांच्यातील तिसरा कसोटी सामना रंगतदार अवस्थेत पोहचला आहे. ऋषभ पंत आणि पुजारा यांनी केलेल्या फलंदाजीमुळे सामना रंगतदार अवस्थेत पोहचला आहे. निर्णायक क्षणी पंत ९७ धावांवर झेलबाद झाला. मैदानावर तग धरुन असलेल्या पुजारानं एक बाजू लावून धरली आहे. दुसऱ्या बाजूला हनुमा विहारी आहे. मात्र आतापर्यंत हनुमा विहारीला या मालिकेत लौकिसास साजेशी कामगिरी करता आली नाही. भारतीय संघाची फलंदाजाची ही अखेरच जोडी असेल. त्यानंतर गोलंदाज येतील. जाडेजाला पहिल्या डावांत फलंदाजीदरम्यान दुखापत झाली होती. गरज पडल्यास जाडेजा दुखापतीनंतरही मैदानावर उतरणार, असल्याचं वृत्त आहे.

ऑस्ट्रेलिया दौऱ्यात जाडेजानं आपल्या अष्टपैलू फंलदाजीमनं सर्वांची मनं जिंकली आहेत. जाडेजानं एकहाती सामनेही फिरवले आहेत. भारतीय संघाला गरज पडल्यास दुखापतग्रस्त जाडेजा मैदानात उतरणार असल्याची माहिती समोर आली आहे. ‘भारताला कसोटी वाचवायची असल्यास, जडेजा वेदनाशामक इंजेक्शन घेऊन मैदानात फलंदाजीस उतरण्याची शक्यता आहे,’ असे भारतीय क्रिकेट नियामक मंडळाच्या पदाधिकाऱ्याने सांगितले.

तिसऱ्या कसोटी सामन्यातील पहिल्या डावात जाडेजानं चार बळी घेतले होते. फलंदाजी करताना मिचेल स्टार्कने टाकलेला आखूड टप्प्याचा चेंडू टोलावताना जडेजाचा अंगठा दुखावला गेला. त्यामुळे तो ऑस्ट्रेलियाच्या दुसऱ्या डावात गोलंदाजी करू शकला नाही. जडेजाला बरा होण्यासाठी ४ ते ६ आठवडय़ांचा कालावधी लागणार आहे. त्यामुळे तो इंग्लंडविरुद्धच्या पहिल्या दोन कसोटी सामन्यांत खेळू शकणार नाही.

The post अष्टपैलू खेळाडू रवींद्र जडेजा याच्या डाव्या हाताचा अंगठा निखळला; गरज पडल्यास इंजेक्शन घेऊन उतरणार मैदानात appeared first on थोडक्यात घडामोडी.

IND vs AUS 2nd Test : भारत आणि ऑस्ट्रेलिया संघात आजपासून मेलबर्न क्रिकेट ग्राऊंडवर बॉक्सिंग डे कसोटीला सुरुवात झाली आहे. ऑस्ट्रेलियाचा कर्णधार टिम पेनने नाणेफेक जिंकून प्रथम फलंदाजीचा निर्णय घेतला आहे. विराटच्या गैरहजेरीत संघाचं नेतृत्त्व अंजिक्य रहाणेकडे सोपवण्यात आलं आहे. ऑस्ट्रेलियाने मेलबर्न कसोटीत पहिल्या दिवशी  lunch break पर्यंत ३ बाद ६५ धावा केल्या.

सलामीवीर जो बर्न्स शून्य धावा करुन परतला. जसप्रीत बुमराहच्या गोलंदाजीवर रिषभ पंतने कॅच घेतला. मॅथ्यू वेड ३० धावा करू शकला. त्याला रविचंद्रन अश्विनने झेलबाद केले. रवींद्र जडेजाने कॅच घेतला. त्यानंतर रविचंद्रन अश्विनने चेतेश्वर पुजाराकरवी स्टीव्ह स्मिथला झेलबाद केले. स्मिथ शून्य धावा करुन परतला. सध्या मार्नस लब्युशेन (२६ धावा) आणि त्रावीस हेड (४ धावा) खेळत आहेत.

मेलबर्न कसोटीच्या पहिल्या दिवशी ऑस्ट्रेलियाने उपहारापर्यंत पहिल्या डावात ३ बाद ६५ धावा केल्या. भारताकडून रविचंद्रन अश्विनने दोन तर जसप्रीत बुमराहने एका फलंदाजाला बाद केले.

दुसऱ्या कसोटी सामन्यासाठी भारतीय संघात चार बदल करण्यात आले आहेत. विराट कोहलीच्या जागी अष्टपैलू रवींद्र जाडेजाला संधी मिळाली आहे. तर पृथ्वी शॉऐवजी शुभमन गिलला स्थान देण्यात आहे. दुखापत झाल्याने मोहम्मद शमी मालिकेतून बाहेर झाला आहे. त्यामुळे त्याच्या जागी मोहम्मद सिराजला संधी मिळाली आहे. या सामन्याद्वारे शुभमन गिल आणि मोहम्मद सिराज यांनी कसोटी क्रिकेटमध्ये पदार्पण केलं आहे. याशिवाय भारतीय संघाने रिद्धीमान साहाच्या जागी रिषभ पंतला परत बोलावलं आहे.

The post IND vs AUS 2nd Test : ऑस्ट्रेलियाविरुद्ध भारताची दमदार सुरुवात appeared first on थोडक्यात घडामोडी.

IND vs AUS 1st test match Day 3 : भारत आणि ऑस्ट्रेलिया यांच्यातील पहिली टेस्ट मॅच एडिलेडमध्ये सुरू असून आज मॅचचा तिसरा दिवस आहे. मॅचच्या तिसऱ्या दिवशी टीम इंडियाची अवस्था बिकट झाली आहे.

मॅचच्या तिसऱ्या दिवसाची सुरुवात टीम इंडियाने 9/1 ने केली. मात्र, टीम इंडियाची अर्धी टीम अवघ्या काही रन्सवर माघारी परतली. सर्वप्रथम जसप्रीत बुमराह दोन रन्सवर आऊट झाला. त्यानंतर चेतेश्वर पुजारा शून्यावर तर मयंक अगरवाल नऊ रन्सवर माघारी परतला. यानंतर अजिंक्य रहाणे शून्यावर आऊट झाला. त्यांनतर कॅप्टन विराट कोहलीने एक फोर मारत स्कोअर थोडा वाढवला आणि चार रन्स करुन माघारी परतला. टीम इंडिया अवघ्या 36 रन्सवर ऑल आऊट झाली आहे. यामुळे ऑस्ट्रेलियाला आता विजयासाठी अवघ्या 90 रन्सचं आव्हान आहे.

मॅचच्या सुरुवातीला टीम इंडियाने टॉस जिंकत प्रथम बॅटिंग करण्याचा निर्णय घेतला. त्यानंतर मैदानात आलेल्या टीम इंडियाने 244 रन्स केल्या. टीम इंडियाकडून कॅप्टन विराट कोहलीने सर्वाधिक 74 रन्स केले. चेतेश्वर पुजाराने 43 तर अजिंक्य रहाणे याने 42 रन्स केले. टीम इंडिया 244 रन्सवर ऑल आऊट झाल्यावर ऑस्ट्रेलियाची टीम मैदानात उतरली. ऑस्ट्रेलियाकडून टीम पेन याने 99 बॉल्समध्ये नॉट आऊट 73 रन्सची खेळी खेळली. मात्र, त्याला इतर बॅट्समनकडून चांगली साथ मिळाली नाही आणि टीम इंडियाने ऑस्ट्रेलियाला 191 रन्सवर रोखलं. टीम इंडियाकडून रविचंद्रन अश्विन याने 18 ओव्हर्समध्ये 55 रन देत चार विकेट्स घेतल्या. उमेश यादवने 16.1 ओव्हर्समध्ये 40 रन देत तीन विकेट्स घेतल्या. जसप्रीत बुमराहने 21 ओव्हर्समध्ये 52 रन्स देत दोन विकेट्स घेतल्या. मोहम्मद शमीने 17 ओव्हर्समध्ये 41 रन दिले.

The post IND vs AUS 1st test match Day 3 : टीम इंडिया अवघ्या 36 रन्सवर ऑल आऊट appeared first on थोडक्यात घडामोडी.

भारताचा सलामीवीर पृथ्वी शॉ ऑस्ट्रेलिया विरुद्ध अॅडलेडच्या टेस्टमध्ये अपयशी ठरला. सलामीला येणाऱ्या फलंदाजाकडून अशी कामगिरी बिलकूल अपेक्षित नाही. याच कारणामुळे पहिल्या टेस्टमध्ये अपयशी ठरलेल्या पृथ्वी शॉ याला पुढील तिन्ही टेस्ट मॅचसाठी वगळले जाण्याची शक्यता आहे, असे भारताचा माजी वेगवान गोलंदाज झहीर खान म्हणाला.

पृथ्वी शॉ सलग दोन्ही डावांमध्ये क्लीनबोल्ड झाला. पहिल्या डावात पृथ्वीला स्टार्कने बाद केले तर दुसऱ्या डावात कमिन्सने त्याला बाद केले. पहिल्या डावाच्या दुसऱ्या चेंडूवर आणि दुसऱ्या डावाच्या चौथ्या ओव्हरमधील पहिल्या चेंडूवर पृथ्वी शॉ बाद झाला. दोन्ही वेळा टीमच्या दहापेक्षा कमी धावा फलकावर असताना सलामीवीर पृथ्वी परतला. पृथ्वीच्या फलंदाजीतले दोष ऑस्ट्रेलियन गोलंदाजांच्या लक्षात आले आहेत. आंतरराष्ट्रीय पातळीवर खेळाडू प्रतिस्पर्ध्याच्या कमकुवत बाजू हेरुन त्यांच्यावर आक्रमण करतात. अशा परिस्थितीत पृथ्वीला वगळणे टीमसाठी आवश्यक असल्याचे झहीर खान म्हणाला.

झहीर खानने पृथ्वी शॉ याला अवास्तव महत्त्व दिल्याचे मत व्यक्त केले. पृथ्वी सातत्याने अपयशी होत आहे. नवख्या पृथ्वीला सलामीला पाठवण्याचा टीम मॅनेजमेंटचा निर्णय अनाकलनीय आहे. ऑस्ट्रेलियात जिंकण्यासाठी सलामीची जोडी सक्षम असणे भारताच्या हिताचे आहे. सध्याची कामगिरी बघता पृथ्वी शॉ याला पुढील तीन टेस्टसाठी अंतिम अकरा जणांच्या टीममधून वगळले जाण्याची शक्यता आहे. पृथ्वीपेक्षा सक्षम पर्याय टीमकडे उपलब्ध आहेत. अशा परिस्थितीत पृथ्वीला वगळून सक्षम खेळाडूंना संधी देणे टीमच्या हिताचे ठरेल, असे मत झहीर खानने व्यक्त केले.

आंतरराष्ट्रीय टेस्टमध्ये प्रत्येक विकेट महत्त्वाची असते. अशा वेळी पृथ्वीमुळे वारंवार एक विकेट गमावणे भारताला परवडणारे नाही. पर्याय उपलब्ध असताना पृथ्वीला सलामीला खेळवत राहणे भारतासाठी धोक्याचे ठरू शकते. ही बाब विचारात घेतली जाईल आणि टीम मॅनेजमेंट पृथ्वीला पुढील तिन्ही टेस्टसाठी अंतिम अकरा खेळाडूंच्या यादीतून वगळेल, अशी शक्यता झहीर खानने व्यक्त केली.

भारतीय उपखंडात फलंदाजांना मोठी धावसंख्या उभारण्यासाठी पाय रोवून उभे राहणे सोपे जाते. या उलट ऑस्ट्रेलियातील वेगवान, उसळत्या खेळपट्टीवर पाय रोवून उभे राहणे कठीण आहे. तिथे फलंदाजांना खेळपट्टीचा अंदाज घेण्यासाठी जास्त वेळ मिळणे कठीण आहे. पृथ्वी शॉ सध्या ऑस्ट्रेलिया विरुद्ध अपयशी ठरत आहे. त्याला गोलंदाजांसमोर जास्त वेळ उभे राहणे जमत नाही. या वास्तवाचे भान ठेवून टीम मॅनेजमेंट सक्षम पर्यायाचा विचार करेल, असे मत झहीर खानने व्यक्त केले.

The post पृथ्वी शॉ ला पुढील तिन्ही टेस्ट मॅचसाठी वगळले जाण्याची शक्यता – झहीर खान appeared first on थोडक्यात घडामोडी.

ऑस्ट्रेलियाने अखेरचा T२० सामना १२ धावांनी जिंकला. १८७ धावांच्या आव्हानाचा पाठलाग करताना भारताचा कर्णधार विराट कोहलीने ८५ धावांची खेळी केली. तरीही भारताला पराभवाचा सामना करावा लागला. अखेरचा सामना भारताने गमावला असला तरीही टी-२० मालिका भारताने २-१ ने जिंकली आहे.

कर्णधार विराट कोहलीने टॉस जिंकत प्रथम गोलंदाजीचा निर्णय घेतला. वेड(80) आणि मॅक्सवेल(५४) जोडीने चौफेर फटकेबाजी केली. ऑस्ट्रेलियाचा कर्णधार फिंच(0) सुंदरच्या गोलंदाजीवर माघारी परतला. यानंतर मॅथ्यू वेड आणि स्टिव्ह स्मिथ यांनी दुसऱ्या विकेटसाठी अर्धशतकी भागीदारी करत संघाचा डाव सावरला. यानंतर सुंदरने स्टिव्ह स्मिथला(24) बाद केलं. मॅथ्यू वेडने अर्धशतक झळकावलं. ग्लेन मॅक्सवेलनेही आपल्याला मिळालेल्या जीवनदानाचा फायदा घेतला. वेड आणि मॅक्सवेल जोडीने तिसऱ्या विकेटसाठी ९० धावांची भागीदारी केली. दरम्यान शार्दुल ठाकूरने वेडला तर नटराजनने मॅक्सवेलला माघारी धाडलं. भारताकडून वॉशिंग्टन सुंदरने २ तर नटराजन आणि शार्दुलने १-१ बळी घेतला.

१८७ धावसंख्येचा पाठलाग करताना भारतीय संघाची सुरुवात खराब झाली. ग्लेन मॅक्सवेलच्या पहिल्याच षटकात लोकेश राहुल माघारी परतला. यानंतर शिखर धवन आणि विराट कोहलीने दुसऱ्या विकेटसाठी महत्वपूर्ण अर्धशतकी भागीदारी केली. ही जोडी भारताचा डाव सावरणार असं वाटत असतानाच स्वेप्सनने शिखर धवनला माघारी धाडलं. यानंतर संजू सॅमसननेही आपली विकेट गमावली. श्रेयस अय्यरही शून्यावर बाद झाला. यानंतर विराटने हार्दिक पांड्याच्या साथीने फटकेबाजी करत भारताचं आव्हान कायम राखण्याचा प्रयत्न केला. परंतू १८ व्या षटकात झॅम्पाने पांड्याला बाद केलं. १९ व्या षटकात अँड्रू टायने विराटला बाद केलं. त्यानंतर भारतीय संघाच्या विजयाच्या आशा मावळल्या.

The post IND vs AUS 3rd T20I : ऑस्ट्रेलियाविरुद्ध टीम इंडियाचा १२ रन्सने पराभव appeared first on थोडक्यात घडामोडी.

IND vs AUS 2nd T20I : टीम इंडिया आणि ऑस्ट्रेलिया यांच्यातील टी-20 सीरिजमधील दुसरी मॅच देखील टीम इंडियाने जिंकली आहे. ऑस्ट्रेलियाने दिलेलं 195 रन्सचं आव्हान टीम इंडियाने 19.4 ओव्हर्समध्ये पूर्ण करत ऑस्ट्रेलियावर सहा विकेट्सने विजय मिळवला.

टीम इंडियाने टॉस जिंकत प्रथम बॉलिंग करण्याचा निर्णय घेतला. ऑस्ट्रेलियन टीमच्या ओपनर्सने दमदार सुरुवात केली. ऑस्ट्रेलियाने 20 ओव्हर्समध्ये 5 विकेट्स गमावून 194 रन करत टीम इंडियासमोर 195 रन्सचं आव्हान ठेवलं. मॅथ्यू वेड याने 32 बॉल्समध्ये 58 रन केले. स्मिथने 46, हेनरिक्सने 26, मॅक्सवेलने 22 रन, स्टोयनीसने नॉट आऊट 16 रन तर शॉर्टने 9 रन केले. टीम इंडियाकडून टी. नटराजन याने चार ओव्हर्समध्ये 20 रन्स देत दोन विकेट्स घेतल्या. तर शार्दुल ठाकूर आणि युजवेंद्र चहल या दोघांनी प्रत्येकी एक-एक विकेट घेतली.

टीम इंडियाकडून केएल राहुलने 30 रन केले. अँड्रू टायने राहुलला बाद केलं. शिखर धवनने 36 चेंडूत 52 रन केले. झॅम्पाच्या गोलंदाजीवर पुढे येऊन फटका खेळण्याच्या प्रयत्नात शिखर बाद झाला. कॅप्टन विराट कोहलीने 24 चेंडूत 40 रन केले. विराट डॅनिअल सम्सच्या गोलंदाजीवर बाद झाला. तर सॅमसनने 15 रन केले. हार्दिक पांड्याने 22 चेंडूत नॉट आऊट 42 रन तर श्रेयस अय्यरने 5 चेंडूत नॉट आऊट 12 रन केले.

पहिल्या टी-20 मॅचमध्ये टीम इंडियाने ऑस्ट्रेलियाचा 11 रन्सने पराभव केला होता. तीन मॅचेसची टी-20 सीरिज असल्याने आजच्या विजयासह टीम इंडियाने सिरीजही जिंकली आहे.

The post IND vs AUS 2nd T20I : ऑस्ट्रेलियावर दणदणीत विजय मिळवत टीम इंडियाने सिरीजही जिंकली appeared first on थोडक्यात घडामोडी.

IND vs AUS 2nd T20I : भारत आणि ऑस्ट्रेलिया यांच्यात आज दुसरा T२० सामना दुपारी १.४० पासून रंगणार आहे. या सामन्याचे थेट प्रक्षेपण सोनी सिक्स आणि सोनी टेन ३ वर करण्यात येणार आहे. ऑस्ट्रेलियाविरुद्धचा दुसरा सामना जिंकून मालिका विजयासाठी भारतीय संघ उत्सुक आहे. ट्वेन्टी-२० मालिका विजयामुळे भारतीय संघाचा कसोटी मालिकेआधी आत्मविश्वास उंचावणार आहे. पुढील दोन्ही ट्वेन्टी-२० सामने जिंकून कसोटी मालिकेसाठी सज्ज होण्याचा भारताचा प्रयत्न असेल.

‘कन्कशन’च्या नियमामुळे जडेजाच्या हेल्मेटवर चेंडू आदळल्यामुळे त्याच्या जागी युजवेंद्र चहलला भारतीय संघात स्थान मिळाल्यानंतर त्याने गोलंदाजीत आपली छाप पाडत भारताला विजय मिळवून दिला. कर्णधार कोहली आणि प्रशिक्षक रवी शास्त्री यांनी विजयी संघात कोणतेही बदल न करण्याचे संकेत दिले आहेत. सलामीला संधी मिळालेल्या लोकेश राहुलने अप्रतिम कामगिरी करत भारताच्या विजयात योगदान दिले. सलामीवीर शिखर धवन त्याचबरोबर कोहलीकडून दमदार कामगिरी अपेक्षित आहे. संजू सॅमसन आणि हार्दिक पंडय़ा यांच्याकडून मोठय़ा फटकेबाजीची आशा आहे.

दुखापतीमुळे डेव्हिड वॉर्नरने ट्वेन्टी-२० मालिकेतून माघार घेतली असून त्यातच आता कर्णधार ऍरॉन फिंचच्या मांडीचे स्नायू ताणले गेल्याने फिंचच्या समावेशाविषयी साशंकता व्यक्त केली जात आहे.

भारत : विराट कोहली (कर्णधार), शिखर धवन, मयांक अगरवाल, लोकेश राहुल, श्रेयस अय्यर, मनीष पांडे, हार्दिक पंडय़ा, संजू सॅमसन, वॉशिंग्टन सुंदर, यजुर्वेद्र चहल, जसप्रीत बुमरा, मोहम्मद शमी, नवदीप सैनी, दीपक चहर, टी. नटराजन आणि शार्दूल ठाकूर

ऑस्ट्रेलिया : आरोन फिंच (कर्णधार), सीन अबॉट, मिचेल स्वीपसन, अ‍ॅलेक्स कॅरी, नॅथन लायन, जोश हेझलवूड, मोझेस हेन्रिक्स, मार्नस लबूशेन, ग्लेन मॅक्सवेल, डॅनियल सॅम्स, केन रिचर्डसन, स्टीव्हन स्मिथ, मिचेल स्टार्क, मार्कस स्टॉइनिस, मॅथ्यू वेड, डार्सी शॉर्ट

The post IND vs AUS 2nd T20I : भारत आणि ऑस्ट्रेलिया यांच्यात आज दुसरा T२० सामना appeared first on थोडक्यात घडामोडी.

Ind vs Aus 1st T20I : टीम इंडिया आणि ऑस्ट्रेलिया यांच्यातील टी-20 सीरिजमधील पहिली मॅच जिंकत टीम इंडियाने विजयी सलामी दिली आहे. टीम इंडियाचं 162 रन्सचं आव्हान घेऊन उतरलेल्या ऑस्ट्रेलियाच्या टीमला 20 ओव्हर्समध्ये सात विकेट्स गमावत 150 रन्सपर्यंत मजल मारता आली आणि टीम इंडियाने ही मॅच 11 रन्सने जिंकली.

मॅचच्या सुरुवातीला ऑस्ट्रेलियाने टॉस जिंकत प्रथम फिल्डिंग करण्याचा निर्णय घेतला. मैदानात बॅटिंगसाठी आलेल्या टीम इंडियाने 20 ओव्हर्समध्ये सात विकेट्स गमावत 161 रन्स केले. टीम इंडियाकडून केएल राहुल याने सर्वाधिक म्हणजेच 51 रन्सची खेळी खेळली. शिखर धवन एका रनवर माघारी परतला त्यानंतर विराट कोहली 9 रन्सवर आऊट झाला. संजू सॅमसनने 23 रन्स, मनीष पांडेने दोन रन्स केले. यानंतर रवींद्र जाडेजाने 23 बॉल्समध्ये नॉट आऊट राहत 44 रन्स केले.

ऑस्ट्रेलियाकडून हेनरिक्स याने सर्वाधिक म्हणजेच तीन विकेट्स घेतल्या. त्याने चार ओव्हर्समध्ये 22 रन्स देत तीन विकेट्स घेतल्या. स्टार्क याने दोन विकेट्स घेतल्या. तर हेझलवूड आणि स्वीप्सन या दोघांनी प्रत्येकी एक-एक विकेट घेतली.

ऑस्ट्रेलियाकडून मैदानात आलेले ओपनर्स शॉर्ट आणि फिंच चांगली पार्टनरशिप करत असताना अॅरॉन फिंचला चहलने आऊट केले. अॅरोन फिंच याने 26 बॉल्समध्ये 35 रन्स केले. त्यानंतर शॉर्ट सुद्धा माघारी परतला. त्याने 34 रन्स केले. स्मिथ 12 रन्स, मॅक्सवेल दोन रन्सवर आऊट झाला. मॅथ्यू वेड सात रन्स करुन माघारी परतला. त्यानंतर हेनरिक्स याला एलबीडब्ल्यू आऊट केलं. हेनरिक्सने 20 बॉल्समध्ये 30 रन्स केले. नटराजन याने स्टार्कला आऊट केलं.

The post Ind vs Aus 1st T20I : ऑस्ट्रेलियाविरुद्ध टीम इंडियाचा दणदणीत विजय appeared first on थोडक्यात घडामोडी.