मुख्यमंत्री लाडकी बहीण योजना, जी गरीब कुटुंबांतील महिलांसाठी सुरू करण्यात आली आहे, ज्या कुटुंबाचं वार्षिक उत्पन्न दोन लाख पन्नास हजार रुपयांपेक्षा कमी आहे, अशा कुटुंबातील महिलांसाठी ही योजना आहे. योजनेअंतर्गत प्रत्येक लाभार्थी महिलांच्या खात्यात दर महिन्याला १,५०० रुपये जमा होतात. या योजनेला २०१४ च्या अंतरिम अर्थसंकल्पात मंजुरी मिळाली होती आणि जुलै महिन्यापासून योजनेची अंमलबजावणी सुरू झाली.

जुलै ते नोव्हेंबर या कालावधीत, महिलांच्या खात्यात पाच हफ्त्यांचे पैसे जमा झाले. आचारसंहितेमुळे नोव्हेंबरचा हफ्ता अ‍ॅडव्हान्स जमा करण्यात आला होता, त्यामुळे ऑक्टोबर महिन्यात महिलांच्या खात्यात एकाच वेळी ३,००० रुपये जमा झाले. आता डिसेंबर महिन्याचे पैसे कधी जमा होणार, याकडे लाडक्या बहिणींचं लक्ष लागलं आहे.

महायुतीच्या नेत्यांनी राज्यात पुन्हा सत्तेत आल्यावर योजनेत आणखी वाढ करण्याची घोषणा केली होती. त्यानुसार, महिलांच्या खात्यात दर महिन्याला 2100 रुपये जमा होणार असल्याचं सांगितलं आहे. त्यामुळे, महायुती सरकार पुन्हा सत्तेत आल्यानंतर 2100 रुपये कधीपासून जमा होणार याची सर्वांना उत्सुकता लागली आहे. यावर उपमुख्यमंत्री देवेंद्र फडणवीस यांनी सांगितलं होतं की, यासाठी अर्थसंकल्पात तरतूद केली जाईल आणि ही योजना सुरूच राहील. त्यामुळे, पुढील वर्षी महिलांना दर महिन्याला 2100 रुपये मिळण्याची शक्यता आहे.

हिवाळी अधिवेशनाच्या पहिल्याच दिवशी महायुती सरकारने लाडक्या बहिणींना मोठं गिफ्ट दिलं आहे. 35,788 कोटी रुपयांच्या पुरवणी मागण्यांना मंजुरी दिली असून, त्यात मुख्यमंत्री लाडकी बहीण योजनेसाठी 1400 कोटी रुपयांची तरतूद करण्यात आली आहे. याशिवाय, मुख्यमंत्री बळीराजा वीज सवलत योजनेसाठी 3050 कोटी, सार्वजनिक बांधकाम विभागासाठी रस्ते आणि पूल बांधणीसाठी 1500 कोटी, मोदी आवास घरकुल योजनेसाठी 1250 कोटी, मुंबई मेट्रोसाठी 1212 कोटी आणि मुख्यमंत्री अन्नपूर्णा योजनेसाठी 514 कोटी रुपयांची तरतूद करण्यात आली आहे.

मुख्यमंत्री लाडकी बहीण योजनेसाठी मंजूर 1400 कोटी रुपयांच्या तरतुदीसोबत अन्नपूर्णा योजनेसाठी मंजूर 514 कोटी रुपयांची तरतूद ही लाडक्या बहिणींसाठी सरकारचं दुहेरी गिफ्ट मानली जात आहे. यामुळे महिलांच्या सक्षमीकरणाच्या दिशेने सरकारचा सकारात्मक पाऊल पुढे टाकला आहे.

The post महिलांसाठी आनंदाची बातमी! लाडक्या बहिणींना सरकारचं डबल गिफ्ट, मुख्यमंत्री लाडकी बहीण योजनेसाठी 1400 कोटींची मंजुरी appeared first on थोडक्यात घडामोडी.

मुंबई : लाडकी बहीण योजनेचे १ ऑगस्टपासून जे अर्ज आले आहेत त्याचा निधी ३१ ऑगस्टपासून वितरीत होणार असल्याची माहिती महिला आणि बालविकास मंत्री आदिती तटकरे यांनी दिली आहे. प्रसार माध्यमांशी बोलताना त्यांनी ही माहिती दिली आहे.

आदिती तटकरे म्हणाल्या की, लाडकी बहीण योजनेच्या दुसऱ्या टप्यातील निधी वितरणाचा कार्यक्रम नागपूरमध्ये होणार आहे. या कार्यक्रमात ज्या महिलांनी १ ऑगस्टपासून या योजनेत ज्यांनी अर्ज केले आहेत, त्यांना पैसे मिळणार आहे. सध्या ऑगस्ट महिन्याच्या अर्जांची छाननी सुरु आहे. तसेच दुसऱ्या टप्प्यात ४५ ते ५० लाख महिलांना पैसे मिळणार असल्याची माहिती मंत्री आदिती तटकरे यांनी प्रसार माध्यमांशी बोलताना दिली आहे.

The post Ladki Bahin Yojana: लाडक्या बहिणींना दुसऱ्या टप्प्यातील पैसे या तारखेला मिळणार, मंत्री आदिती तटकरेंची मोठी घोषणा appeared first on थोडक्यात घडामोडी.

सेक्स किंवा शारीरिक संबंध ठेवल्याने पती-पत्नीमधील संबंध मजबूत होतात. पण महिलांनी आरोग्य व्यवस्थित राखण्यासाठी शारीरिक संबंधानंतर काही कामे करणे गरजेचे असते. स्त्रीचे लैंगिक आरोग्य योग्य ठेवण्यासाठी ही कामे अत्यंत महत्वाची असतात. बहुतेक स्त्रियांना या महत्वाच्या गोष्टीबद्दल माहिती नसते, त्यामुळे त्यांचे लैंगिक आरोग्य आणि लैंगिक जीवन बिघडू शकते. त्यामुळे या टिप्स तुम्हाला निरोगी लैंगिक जीवनात फार मदत करतील.

महिलांनी सेक्स नंतर काय करावे?

संभोगानंतर नेहमी लघवी करावी
महिलांमध्ये लैंगिक आरोग्य राखण्यासाठी महिलांनी नेहमी संभोगानंतर लघवी करावी. कारण, लैंगिक संबंध ठेवताना संक्रमणाचा धोका निर्माण होऊ शकतो. त्यामुळे लघवीद्वारे हानिकारक जीवाणू आणि बुरशी काढून टाकणे आवश्यक असते.

प्रायव्हेट पार्टच्या सभोवतालची त्वचा पाण्याने स्वच्छ करावी
संभोगानंतर अनेकदा महिला जननेंद्रियामध्ये सूज आणि जळजळीची तक्रार करतात. त्यामुळे संसर्गाचा धोका कमी करण्यासाठी, महिलांनी संभोगानंतर प्रायव्हेट पार्टच्या सभोवतालची त्वचा पाण्याने (शक्य असल्यास कोमट पाण्याने) स्वच्छ धुवावी. जननेंद्रियाच्या आत मात्र पाणी जाऊ देऊ नये.

प्रायव्हेट पार्टच्या सभोवतालची जागा कोरडी करा
अंतर्वस्त्र परिधान करण्यापूर्वी प्रायव्हेट पार्टच्या सभोवतालची पाण्याने स्वच्छ केलेली त्वचा व्यवस्थित कोरडी करा. यामुळे संसर्गाचा धोका उद्भवणार नाही.

पाणी प्यावे
शारीरिक संबंध ठेवल्यानंतर महिलांनी पुरेसे पाणी प्यावे. कारण लैंगिक संबंध हा एक प्रकारचा व्यायाम आहे, ज्यामुळे शरीर डिहायड्रेट होते. संभोगानंतर पाणी प्यायल्याने शरीर हायड्रेट होईल आणि लघवी येण्यास मदत होईल.

दही, योगर्ट खावे
शक्यतो, शारीरिक संबंध ठेवल्यानंतर स्त्रियांनी दही, योगर्ट यासारखे प्रोबायोटिक्स अन्न खाणे फायदेशीर ठरते. कारण, त्यात महिलांच्या जननेंद्रियासाठी फायदेशीर ठरणारे जीवाणू असतात. तसेच यामुळे यीस्ट संसर्गाचा धोका कमी होतो.

या गोष्टी करू नका
संभोगानंतर जननेंद्रियाच्या संपर्कात सुगंधी वाइप्स आणि साबण यांचा वापर कधीही करू नये. यामुळे पुरळ, खाज आणि संसर्गाचा धोका उद्भवू शकतो.

The post सेक्स केल्यानंतर महिलांनी जरूर करावं ‘हे’ काम, आरोग्यासाठी फायदेशीर appeared first on थोडक्यात घडामोडी.

मुंबई : 1 मे पासून १८ वर्षांच्या पुढील व्यक्तींसाठी लसीकरण सुरू होत आहे. त्यातच सध्या एक मेसेज व्हायरल होत आहे. त्यानुसार मासिक पाळीच्या आधी आणि नंतर चार पाच दिवस प्रतिकारशक्ती कमी असते, त्यामुळे अशावेळी मुलींनी लस घेणे टाळावे अशा प्रकारचा दावा करण्यात येत आहे. परंतु हा दावा खोटा आहे.

हा दावा अशास्त्रीय असून यावर विश्वास ठेवू नये, असे आवाहन डॉक्टरांनी केले आहे. तसेच BMC कडून देखील याविषयी माहिती देण्यात आली आहे. मासिक पाळीमुळे कोरोना लसीच्या कार्यक्षमतेत बदल होत असल्याचा कोणताही डेटा नसल्याचं स्पष्ट करण्यात आलं आहे. त्यामुळे हा मेसेज खोटा आहे.

Code Red: Break The Fake News Cycle

This message in circulation is propagating falsehoods and misinformation.

There is no data on menstruation altering the efficacy of the vaccine.

All eligible citizens can and should take the vaccine as soon as they can. #FakeNewsAlert pic.twitter.com/TvfxKycYD1

— माझी Mumbai, आपली BMC (@mybmc) April 24, 2021

The post मासिक पाळी दरम्यान लस घेणं सुरक्षित आहे का? जाणून घ्या.. appeared first on थोडक्यात घडामोडी.

‘व्हाईट डिस्चार्ज’ म्हणजेच योनीतुन येणारा पांढरा स्त्राव, त्याला पांढरे पाणी देखील म्हणतात. यासंदर्भात स्त्रियांच्या मनात अनेक प्रश्न आणि गैरसमज असतात. कधीकधी पांढरा स्त्राव हा आजार आहे, असादेखील समज असतो, परंतु असं नाहीये. जशी मासिक पाळी महत्वाची असते, तसाच पांढरा स्त्राव देखील महिलांच्या आरोग्यासाठी खूप महत्वाचा असतो. ‘व्हाईट डिस्चार्ज’ सामान्यत: मुलींच्या पहिल्या मासिक पाळीनंतर सुरू होतो. त्यानंतर दर महिन्यात मासिक पाळीच्या अगोदर आणि नंतर होणारा व्हाईट डिस्चार्ज सामान्य मानला जातो.

व्हाईट डिस्चार्ज नैसर्गिकरित्या योनी स्वच्छ ठेवतो. यामुळे लैंगिक संसर्ग रोखण्यास मदत होते. ती एक नैसर्गिक प्रक्रिया आहे आणि निरोगी योनीचे लक्षण आहे. पीरियड सर्कल दरम्यान बहुतेक महिलांमध्ये अनेक प्रकारचे व्हाईट डिस्चार्ज होतात. तो घट्ट किंवा पातळ स्वरूपात असू शकतो. त्याचा रंग पांढरा असेल आणि त्याला वास येत नसल्यास ते सामान्य असते. कधीकधी ते हलक्या पिवळ्या रंगाचे देखील असू शकते. बऱ्याचदा याचे प्रमाण कमी-अधिक असू शकते.

व्हाईट डिस्चार्जमुळे होणारा ओलेपणाचा त्रास टाळण्यासाठी तुम्ही लाइनर पॅन्टी घालायला सुरुवात केली पाहिजे. ह्या पॅन्टी अतिरिक्त ओलेपणा शोषून घेतात आणि आरामदायक वाटतात.

व्हाईट डिस्चार्ज संसर्गामुळे होत असेल तर…

1. व्हाईट डिस्चार्जचा रंग बदलून पिवळसर, हिरवा किंवा गुलाबी झाला असेल आणि त्याला दुर्गंधी येत असेल तर तत्काळ डॉक्टरांशी संपर्क साधावा, कारण हे संक्रमणाचे (infection) लक्षण असू शकते. (बॅक्टेरिया, यीस्ट, STD इ.)
2. उत्तेजित झाल्यानंतर देखील स्त्राव होण्याचे प्रमाण वाढते, जे योनीला ओलसर ठेवते आणि लैंगिक संबंधादरम्यान नैसर्गिक वंगण म्हणून कार्य करते.
3. जास्त प्रमाणात डिस्चार्जसह जळजळ आणि खाज सुटत असल्यास, याचा अर्थ असा आहे की आपल्या खाजगी भागास इन्फेक्शन झाले आहे आणि त्याला उपचारांची आवश्यकता आहे.
4. प्रेग्नन्सी दरम्यान सौम्य वासासह पांढरा दुधासारखा स्त्राव सामान्य गोष्ट आहे. प्रेग्नन्सीमध्ये हार्मोनल बदलांमुळे स्त्राव जास्त असतो. विशेष म्हणजे याचा एक फायदा देखील असतो. हा स्त्राव आपल्याला मूत्रमार्गाच्या संसर्गापासून वाचवतो.
5. योनिमार्गाचा संसर्ग टाळण्यासाठी वैयक्तिक स्वच्छतेची काळजी घ्या. योनी सुगंधित साबणाने किंवा बॉडी वॉशने साफ करू नका, कारण यामुळे योनीतील पीएच संतुलन बिघडते. कॉटन पेंटी परिधान करणं केव्हाही चांगलं. आपल्या जेवणात फळे आणि दही देखील समाविष्ट करा. कारण ते आपल्या शरीरात तयार झालेल्या ऍसिड्सचा प्रभाव कमी करतात.

व्हाईट डिस्चार्ज योग्य असेल तर काहीच हरकत नाही परंतु कधीकधी तो संसर्गामुळे देखील होतो. जर व्हाईट डिस्चार्जचे प्रमाण जास्त असेल आणि त्याला वास येत असेल तर ते यीस्ट इन्फेक्शनमुळे असू शकते. या संसर्गामुळे योनीत खाज सुटणे आणि जळजळ होण्याची समस्या देखील उद्भवू शकते. अशा परिस्थितीत आपण डॉक्टरांकडे जाणे महत्वाचे असते. डॉक्टरांपुढे योग्य पद्धतीने आपल्या समस्या मांडणे गरजेचे असते. अशा परिस्थितीत दुर्लक्ष करणे आपल्या आरोग्यासाठी हानिकारक ठरू शकते. त्याचे आरोग्यावर गंभीर परिणाम होऊ नयेत यासाठी डॉक्टरांची भेट अवश्य घ्यावी. डॉक्टर सर्व लक्षणांमागील नेमके कारण शोधून काढून प्रभावीपणे आपल्या समस्येवर उपचार करू शकतात.

The post ‘व्हाईट डिस्चार्ज’ शी संबंधित काही महत्वाच्या गोष्टी, जाणून घ्या appeared first on थोडक्यात घडामोडी.

मुंबई, दि. २ : विद्यापीठांचे कुलपती या नात्याने आपण उपस्थित राहत असलेल्या दीक्षान्त समारंभांमध्ये बहुतांशी सुवर्ण पदके विद्यार्थिनी जिंकत असतात. एनसीसीच्या प्रजासत्ताक दिन शिबिरामध्ये राज्याच्या दहापैकी दहाही महिला कॅडेट्सची प्रतिष्ठेच्या संचलनासाठी झालेली निवड ही तितकीच अभिमानास्पद कामगिरी असल्याचे सांगून महिलांच्या कामगिरीचा सर्वच क्षेत्रांमध्ये उंचावणारा आलेख देशाकरिता शुभलक्षण आहे, असे गौरवोद्गार राज्यपाल भगत सिंह कोश्यारी यांनी आज येथे व्यक्त केले.

नवी दिल्ली येथे नुकत्याच संपन्न झालेल्या राष्ट्रीय छात्र सेनेच्या (एनसीसी) प्रजासत्ताक दिन शिबिरामध्ये उत्कृष्ट कामगिरी करून राज्याची मान उंचावणारी कामगिरी केल्याबद्दल राज्यातील एनसीसी छात्रांना राज्यपालांनी राजभवन येथे निमंत्रित करून सन्मानित केले, त्यावेळी ते बोलत होते.

यावेळी महाराष्ट्र एनसीसी संचालनालयाचे अतिरिक्त महासंचालक मेजर जनरल वाय. पी. खंडुरी तसेच सेनादलांचे अधिकारी व त्यांचे कुटुंबीय उपस्थित होते.

भारतीय सैन्य दलांबद्दल प्रत्येक भारतीयांच्या मनात आदराचे स्थान आहे. गलवान खोरे सारख्या दुर्गम ठिकाणी देशाच्या रक्षणासाठी आपली सैन्यदले सज्ज आहेत. एनसीसीच्या विद्यार्थ्यांना देशसेवा, शिस्त व सर्वधर्मसमभावाचे संस्कार मिळत असतात. त्यामुळे भविष्यात जीवनात कुठल्याही क्षेत्रात कार्य करीत असले तरीही विद्यार्थ्यांनी शिस्तीचे संस्कार कायम ठेवावे, अशी सूचना राज्यपालांनी यावेळी केली.

वीज, पाणी ही राष्ट्राची सार्वजनिक संपत्ती असून कोठेही वीज अथवा पाणी वाया जात असेल तर अशी नासाडी थांबवणे ही देखील देशसेवा असल्याचे त्यांनी सांगितले.

राज्यातील २६ एनसीसी कॅडेट्सपैकी २४ कॅडेट्सची राजपथ संचलनासाठी निवड झाली तसेच महाराष्ट्र एनसीसी संचालनालयाला द्वितीय सर्वोत्तम संचालनालयाचा मान मिळाल्याचे मे.जन. खंडुरी यांनी यावेळी सांगितले.

राज्यपालांच्या हस्ते यावेळी कॅडेट आयुषी गजानन नागपूरकर, ज्योती रुकवल, नाजुका कुसराम, मनदीपसिंग सिलेदार, अमोद माळवी, रामचंद्र अशोक चव्हाण, सोहम रोहडे व मयूर मंदेसिया या कॅडेट्सचा सत्कार करण्यात आला.

The post महिलांच्या कामगिरीचा उंचावणारा आलेख देशासाठी शुभलक्षण – राज्यपाल भगत सिंह कोश्यारी appeared first on थोडक्यात घडामोडी.

नवी दिल्ली : हरियाणाच्या 18 वर्षीय सोनम मलिकने 2016 ऑलिम्पिकची पदक विजेती साक्षी मलिकला हरवून राष्ट्रीय कुस्ती स्पर्धा (National Wrestling Championship) जिंकली. तिने 62 किलो गटात साक्षीला 7-5 ने हरवून सुवर्णपदक जिंकले. साक्षीवर सोनमचा हा सलग तिसरा विजय आहे. तिने 2020 मध्ये आशियाई चॅम्पियनशिप आणि आशियाई ऑलिम्पिक क्वालिफायरमध्ये साक्षीला पराभूत केले होते.

सोनम मलिकबद्दल काही खास गोष्टी :

1. ज्या हाताला अर्धांगवायू, त्याच हाताने साक्षीला पराभूत केले
   सोनम भारतीय कुस्तीची नवी स्टार मानली जात आहे. तिने साक्षीला राईट आर्म लॉकने पराभूत केले. दोन वर्षांपूर्वी सोनमच्या याच उजव्या हाताला अर्धांगवायू झाला होता. याच उजव्या हातामुळे, तिची कारकीर्द सुरू होण्याआधीच धोक्यात आली होती. आज तिने त्याच हाताने साक्षीला पराभूत केले.
   2017 मध्ये वर्ल्ड चॅम्पियनशिप जिंकल्यानंतर सोनमच्या उजव्या हाताला समस्या झाली होती. सुरुवातीला, कोचला ही साधारण दुखापत वाटली. नंतर या वेदनेबरोबरच सोनमने घरगुती स्पर्धेत भाग घेणे सुरूच ठेवले. 2018 मध्ये स्टेट चॅम्पियनशिप स्पर्धेदरम्यान तिच्या हाताला अर्धांगवायू झाला आणि नंतर तिला ही स्पर्धा मध्येच सोडावी लागली.
2. डॉक्टरांनी कुस्ती सोडायला सांगितले पण सोनम हरली नाही
   सोनमने 6 महिने बेड रेस्ट घेतली होती. तिला हात वरदेखील करता येत नव्हता. डॉक्टरांनी सांगितले होते की सोनमला  आपले कुस्तीचे स्वप्न सोडावे लागेल. मात्र, सोनम आणि तिच्या वडिलांनी हार मानली नाही. आर्थिक अडचणीमुळे सोनमच्या वडिलांनी तिच्यावर आयुर्वेदिक उपचार केले. या औषधांचा चांगला परिणाम झाला आणि सोनम बरी झाली.
3. सोनम बरी होऊन खेळात परतली आणि इतिहास रचला
   सोनम बरी होऊन पुन्हा आली आणि तिने 2019 मध्ये दुसऱ्यांदा वर्ल्ड कॅडेट रेसलिंग चॅम्पियनशिपमध्ये सुवर्णपदक जिंकले. त्यापूर्वी तिने 2017 मध्ये देखील ही चॅम्पियनशिप जिंकली होती. हे विजेतेपद दोन वेळा जिंकणारी सोनम पहिली महिला कुस्तीपटू आहे.

The post अर्धांगवायूवर मात करत रचला इतिहास : राष्ट्रीय कुस्ती स्पर्धा दोन वेळा जिंकणारी सोनम मलिक पहिली महिला appeared first on थोडक्यात घडामोडी.

पुणे: महाराष्ट्र, गोवा आणि गुजरातमधील युवा महिलांना रोजगार मिळावा या उद्देशानं महिलांसाठी लष्कर भरती प्रक्रिया राबवली जाणार आहे. 10 वी उत्तीर्ण महिला आणि मुलींसाठी ही भरती प्रक्रिया राबवली जाणार आहे. आर्मी इन्स् ट्यूट ऑफ फिजिकल ट्रेनिंगच्या मैदानावर 12 ते 14 जानेवारीदरम्यान ही भरती प्रक्रिया पार पडणार आहे.

भरती प्रक्रियेत सहभागी होऊ इच्छिणाऱ्या महाराष्ट्र, गोवा आणि गुजरातमधील महिलांनी www.joinindianarmy.nic.in या संकेतस्थळावर नावनोंदणी करणं गरजेचं आहे. या भरतीमध्ये 10 वी उत्तीर्ण महिला अर्ज करु शकतात. अर्ज केल्यानंतर उमेदवारांना त्यांच्या मेल आयडीवर नावनोंदणी करणं गरजेचं आहे. उमेदवारांनी अर्ज भरताना संपूर्ण प्रक्रिया काळजीपूर्वक पाहणं गरजेचं आहे. सर्व माहिती काळजीपूर्वक भरुनच अर्ज सबमिट करावा असं आवाहन करण्यात आलं आहे.

कशी असेल भरती प्रक्रिया?
ज्या उमेदवारांना ओळखपत्र प्राप्त झालं आहे. अशा महिला उमेदवारांनी भरतीसाठी उपस्थित राहायचं आहे. शारीरिक परीक्षा, वैद्यकीय चाचणी आणि लेखी परीक्षा अशा तीन भागात भरती प्रक्रिया राबवली जाणार आहे. जे उमेदवार पात्र ठरले असतील त्यांची संपूर्ण तपासणी करुनच भरतीच्या ठिकाणी प्रवेश दिला जाणार आहे. शारिरिक आणि वैद्यकीय चाचणीमध्ये जे उमेदवार उत्तीर्ण होतील त्यांची लेखी परीक्षा घेतली जाणार आहे. लेखी परीक्षेत उत्तीर्ण होतील त्या उमेदवारांना लष्करी पोलिस दलात दाखल करुन घेतलं जाणार आहे.

The post मोठी संधी : युवा महिलांना रोजगार मिळावा या उद्देशानं लष्करात महिलांची भरती, असा करा अर्ज.. appeared first on थोडक्यात घडामोडी.

Womens T20 Challenge Final : महिला ट्वेंटी-20 चॅलेंज स्पर्धेच्या अंतिम सामन्यात स्मृती मानधानाच्या नेतृत्वाखाली खेळणाऱ्या ट्रेलब्लॅझर्स संघानं स्पर्धेत बाजी मारली. पहिले बॅटिंग करणाऱ्या ट्रेलब्लेझर्सने कर्णधार स्मृती मंधानाच्या शानदार खेळीमुळे 8 विकेट गमावून 118 रन केले.

ट्रेलब्लॅझर्स संघाला कर्णधार स्मृती मानधाना आणि डेंड्रा डॉटिन यांनी 71 धावांची सलामी करून दिली. पूनम यादवनं डॉटिनला ( 20) माघारी पाठवून ट्रेलब्लॅझर्सला पहिला धक्का दिला. पण, मानधाना दुसऱ्या बाजूनं दमदार फटकेबाजी करताना दिसली. तिनं 49 चेंडूंत 5 चौकार व 3 षटकार खेचून 68 धावा केल्या. 14.5 षटकात ट्रेलब्लॅझर्सला 101 धावांवर दुसरा धक्का बसला. ट्रेलब्लॅझर्सला 8 बाद 118 धावांवर समाधान मानावे लागले.

What a night! What a moment for the #Trailblazers

CHAMPIONS of #JioWomensT20Challenge 2020 pic.twitter.com/WIysjqPPGT

— IndianPremierLeague (@IPL) November 9, 2020

हरमनप्रीत कौरच्या सुपरनोव्हा संघानं नाणेफेक जिंकून प्रथम क्षेत्ररक्षणाचा निर्णय घेतला. हरमनप्रीत कौरचा संघ हे लक्ष्य सहज पार करेल असेच वाटत होते. पण, ट्रेलब्लॅझर्सच्या गोलंदाजांनी लयबद्ध गोलंदाजी करताना सुपरनोव्हाच्या धावांवर लगाम लावला. कर्णधार हरमनप्रीत वगळता अन्य फलंदाजांनी योग्य साथ न दिल्यानं सुपरनोव्हाला जेतेपद कायम राखण्यात अपयश आलं. ट्रेलब्लॅझर्सच्या नट्टकन चंथम हीनं सुरेख क्षेत्ररक्षण करताना संघाच्या विजयात महत्त्वाचा वाटा उचलला. हरमनप्रीतला दुखापत झाल्याचा फटकाही सुपरनोव्हाला बसला. सुपरनोव्हाला 7 बाद 102 धावाच करता आल्या.

The post ट्रेलब्लेझर्सने सुपरनोवाजला 16 रन्सने दिली मात; पहिल्यांदाच जिंकली ट्रॉफी appeared first on थोडक्यात घडामोडी.

नागपूर : डोक्यावर खलबत्ते आणि हातात चिमुकले बाळ घेऊन जगण्यासाठी संघर्ष करणारी महिला जिद्दीने पोलिस उपनिरीक्षक झाली ही पोस्ट सध्या व्हायरल झाली आहे. संघर्ष करून ती पोलिस उपनिरीक्षक झाली. पण, तिने खलबत्ते विकले नाहीत. मी ती नाही. मी खलबत्ते, वरवंटे विकण्याचे काम कधीच केले नाही असे खुद्द पद्‌मशीला तिरपुडे यांनी बोलताना स्पष्ट केले. तिरपुडे या आता सहाय्यक पोलिस निरीक्षक असून नागपूर जिल्ह्यात कार्यरत आहेत.

माझा भूतकाळ आणि संघर्ष चुकीच्या पद्धतीने मांडला जात आहे. चुकीचा समज पसरविणाऱ्या समाजाकडे कसे बघावे, हा प्रश्नच पडतो’, अशी खंत व्यक्त करणाऱ्या मूळ भंडारा जिल्ह्यातील तिरपुडे स्वत:च्या वाटचालीविषयी सांगताना म्हणाल्या, ‘तो संघर्षाचा काळ होता. घरची स्थिती अत्यंत बेताची होती. प्रेमविवाह केला होता. परंतु, मनात दृढ निश्चय होता. आम्ही नाशिक येथे राहू लागलो. यशवंतराव चव्हाण मुक्त विद्यापीठात पदवीचे शिक्षण घेत असताना स्पर्धा परीक्षेची तयारी सुरू केली. २००७ ते २००९ या वर्षांत पदवी शिक्षण घेतले. २०१२ मध्ये मुख्य स्पर्धा परीक्षा उत्तीर्ण केली. २०१३ साली नाशिकच्या प्रशिक्षण संस्थेतून पोलिस उपनिरीक्षक म्हणून पासआउट झाले. त्यावेळी कुटुंबीयांसोबतचा एक फोटो काढला. व्हायरल झालेला फोटो तो हाच. यात सासू, पती आणि मुलांसोबत मी गणवेशात आहे. हा फोटो माझाच आहे. नंतर माझ्या या फोटोसोबत खलबत्ते विकणाऱ्या त्या महिलेचा फोटो जोडून माझी संघर्षकहानी म्हणून सांगितले जाऊ लागले. ती महिला माझ्यासारखी दिसते एवढाच काय तो योगायोग!

The post ती मी नव्हेच, खलबत्ते कधीच विकले नाही – पद्मशिला तिरपुडे appeared first on थोडक्यात घडामोडी.